جول باسى جوبالاۋدان باستالادى

بۇرىن دا كوز تارتارلىق كوك­شە­تاۋ سوڭعى ون جىلدا ايرىقشا تۇرلەنىپ, گۇلدەنىپ كەلەدى. قالا­نىڭ باستى جاساۋى  زامانالىق رەڭكتەگى عيماراتتار دەسەك بولا­­دى. ءبارىمىز قۇرىلىسشىلارعا قول سوعامىز. بۇل دۇرىس. بىراق, كەز كەلگەن قۇرىلىس جوبالاۋسىز باس­تالمايتىنى دا انىق قوي. عيماراتتارعا ءتىل بىتسە, نە دەر ەدى؟ ماسەلەن, ەڭ ادەمىلەر سانا­تىنداعى «كوكشەتاۋ» مادەنيەت سارايى مەن ش.قۇسايىنوۆ اتىن­دا­عى قازاق مۋزىكالىق دراما تەات­رىن, «درۋجبا» كينوتەاترىن, «تورپەدو» ستاديونىن, ورتالىق مادەني-دەمالىس باعىن الايىق. قا­لالىقتاردىڭ بار قۋانىشى, شى­عارماشىلىق شەبەرلىك, جاس ءبىرجان مەن اقانداردىڭ ارمان-تىلەگى وسىندا. وسى ءبىر-ەكى جىلدا پايدالانۋعا بەرىلگەن زامانالىق «بۋراباي» امبەباپ سپورت كەشەنى­نىڭ دە رۋح تاسقىنداتار ءاپساناسى بار. نەمەسە, «قازاقتەلەكوم» اق اكىمشىلىك عيماراتىندا 10 مىڭ­نان استام مەتالل-كاركاس قۇرىل­عى­لار مەن كەسكىندەمەلەر قولدا­نىل­عانى اجەپتاۋىر اڭگىمەگە ار­قاۋ بولاتىندىعى تۇسىنىكتى. ەلىمىزدەگى تۇڭعىش پرەزيدەنتتىك 1200 ورىندىق مەكتەپ, «100 مەكتەپ, 100 اۋرۋحانا» باعدارلاماسىن­دا­عى نىساندار, بۋرابايداعى رەس­پۋبليكالىق شاڭعى بازاسى, پەرزانتحانالار, بالالار باقشاسى, ساۋدا جانە ويىن-ساۋىق وتاۋلارى, مەديتسينالىق وڭالتۋ جانە قان ورتالىعى, كوپتەگەن تۇرعىن ۇيلەر ەل يگىلىگىندەگى نىساندار. جۋىر­دا­عى قالا كۇنىندە كوكشەتاۋداعى «ديزاين ورتالىقتىڭ» سوڭعى 10 جىلداعى 100 جوباسىنىڭ تانىس­تى­رىلىمى وتكىزىلدى. مۇنىڭ بار­لىعى قازىر قولدانىستاعى عيما­رات­تار. ال, بولاشاقتىڭ جوبا سىزبالارىنىڭ ءجونى دە, ايتار ءانى دە بولەك. بيىلعى قۇرىلىسشىلار كۇ­نىن­دە رەسپۋبليكامىزدىڭ قۇر­مەت­تى ساۋلەتشىسى بۋراباي ماراموۆ باسقاراتىن «ديزاين ورتا­لىق» جشس ءوزىنىڭ 10 جىلدىعىن اتاپ ءوتتى. مۇندايدا وتكەنگە, اتقا­رىل­عان ىستەرگە باعا بەرىلەتىنى بار. بۇل ورايدا دا شىعار­ما­شى­لىق ۇجىمنىڭ ءجۇزى جار­قىن دەگىمىز كەلەدى. كۇنى كەشە سەرىكتەس­تىكتىڭ باس ينجەنەرى, بىرنەشە مە­دالدىڭ يەگەرى توميلا دۋدكو رەسپۋب­ليكالىق كاسىپ­وداق­تار كەڭە­سىنىڭ «ماماندىعى بويىنشا ءۇز­دىك» بەلگىسىمەن, ءبىر توپ قىزمەت­كەر گراموتالارمەن ماراپاتتالدى. ال, ساۋلە ءتاش­كينانىڭ ومى­راۋىندا «قر قۇر­مەتتى ساۋلەت­شىسى» بەلگىسى جارقى­را­سا, جاس ساۋلەتشىلەر اللا يسانينا مەن قانات بالكەشەۆ كوكشەتاۋ قالا­سىنىڭ گەربى مەن ەمبلەماسىنىڭ اۆتورلارى رەتىندە قۇرمەتكە ءبو­لەنگەن. جۇرتشىلىق, سونداي-اق, ور­تا­­لىقتىڭ تاۋەلسىز مەملەكەتى­مىزدىڭ ۋاقىت كۇتتىرمەس مىندەتتەرىن ءجۇ­زەگە اسىرۋعا كۇش سالا­تىن قاجىر-قايراتىنا ەرەكشە ريزاشىلىق بىلدىرۋدە. مىنانى قاراڭىز, ۇدە­مەلى يندۋستريا­لىق-يننوۆاتسيا­لىق باعدارلاما شەڭ­بەرىندەگى ءوڭىر­دەگى ماڭىزدى نى­سان­داردىڭ بارلى­عىندا دەرلىك ماقالا كەيىپكەر­لەرىنىڭ قول­تاڭ­با­سى ايشىقتالىپ كورىنەدى. قا­زاق­ستاننىڭ سولتۇستىك ايما­عىن­دا تەڭدەسى جوق «ەنكي» كەرامي­كا­لىق كىرپىش زاۋى­تى­نىڭ, «كوكشە­تاۋمينەرال­دىسۋ­لارى» جشس, اتاقتى «التىن­تاۋ-كوك­شەتاۋ», «كامازينجينيرينگ», «وركەن-اتانسور», «اق­­ساي نان» اكتسيونەرلىك قو­عام­دارىنىڭ ءوندى­رىستىك نى­سان­دارى وبلىس ابى­رويىن اسى­رىپ جاتسا, مۇندا كوك­شەلىك جوبا­لاۋ­شى مامانداردىڭ سال­ماقتى ۇلەسى بار. «ديزاين ورتا­لىق» عيماراتىنىڭ ءوزى دە ادەمى. قا­شاندا تاپسىرىس بەرۋشىلەردەن ارىلمايدى. – باكە, سەرىكتەستىكتەگى 47 قىز­مەتكەردىڭ جۇكتەمەسى كوپ كورىندى, وسىنشاما جۇمىستىڭ ۇدەسىنەن شىعۋ قيىن ەمەس پە, دەگەن سۇراق قويدىم ۇجىم باسشىسىنا. جاۋاپ تەرەڭ بولدى. قيىندىق باسقادا ەكەن. جشس ديرەكتورى قالىپتاسۋ كەزەڭىندەگى اۋىرتپا­لىقتار مەن قازىرگى كەزەڭدەگى كەدەرگىلەردى مىسالعا الدى. تۋرا بۇگىنگىنىڭ ماسەلەسى. كادرلار قار­تايىپ بارادى. قۇرىلىستاردىڭ قارقىنى باياۋلاۋىنا بايلانىستى كاسىپتىك ينستيتۋتتار جابىلا باس­تادى. بىراق, قۇرىلىسسىز قوعام دامىمايدى. بۇرىنعى جوبالاۋ ينستيتۋتىنىڭ ينجەنەرى بۋراباي ماراموۆ ەلۋ جاسىندا جەكە مەنشىك ۇيىم قۇرۋعا بەل بايلاعان. بىلىكتى ماماندار بازار جاعالاپ, بىلگەنىن ۇمىتا باستاعان. بۇرىن­عىداي ءبىر ۇلگىدەگى جوبالاۋ دەگەن جوق, ءار نىساننىڭ ءوز ەرەكشەلىگى بار. كومپيۋتەرلىك گرافيكا, كۇر­دەلى باعدارلامالاردى كەڭەس كەزىندەگى ماقتاۋلى مامانداردىڭ ءوزى الىپ كەتە الماي جاتتى. قۇ­رىلىس يندۋسترياسى تىعىرىققا تىرەلگەندىكتەن ءمونوليتتى قۇرىل­عىعا نەگىزدەلگەن ماتەريالدار مەن جابدىقتار سىرتتان تاسىمال­داندى. ءتۇرلى سيپاتتاعى عيمارات­تاردى وسىعان سايكەس جوبالاۋ كوپ ءبىلىمدى تالاپ ەتەدى. كەلىپ جاتقان جاستاردىڭ تاجىريبەسى جوق. سا­قامىز دا, جاسىمىز دا ءوزىن-ءوزى وقىتۋ مەكتەبىنەن وتتىك. بۇل پروبلەما قازىر دە بار. – ەكىنشىدەن, جوبالاۋعا تاپ­سىرىس ۋاقىتى تىم تىعىز, – دەيدى بۋراباي مارام ۇلى. ونىڭ ۇستىنە, تەندەردى ۇتىپ العاننان كەيىن ءبىزدىڭ جوبامىزبەن كەلىسۋ ءۇشىن ساراپتامانىڭ بەس-التى ءتۇرى ءجۇر­گىزىلەدى. ۋاقىتتان ۇتىلامىز. ايىپ سانكتسياسى رەتىندە توپوگ­رافيالىق, گەولوگيالىق, ەكولو­گيا­لىق, تاعى باسقا ساراپتاما­لاردى قوسا اتقارۋعا تۋرا كەلەدى. تاپسى­رىس بەرۋشى نەمەسە وكىلەتتى ورگان بۇل مىندەتتەردى ارنايى قۇرى­لىم­دارعا جۇكتەۋىنە بولادى عوي. كاسىپكەر­لىك­تى قول­داۋ دەگەنىمىز وسى ەمەس پە؟ ءيا, جول باسى جو­­بالاۋدان باس­تا­لادى. جو­لى­مىز ءامان­دا اشىق بولعاي. باقبەرگەن امالبەك. اقمولا وبلىسى.