ايلا

باستاۋىش مەكتەپتىڭ قارا­پاي­ىم مۇعالىمى الاياقتىق قىلمىسپەن اينالىسىپ, تەرىس جولعا ءتۇستى دەگەنگە بىردەن سەنۋ دە قيىن. وكى­نىشكە وراي, بۇل اقيقات. «الماتى قالاسىنىڭ تۇركسىب اۋدانىندا ور­نالاسقان ورتا مەكتەپتە جۇمىس ىستەيتىن جاس مامان الەنا يۆانوۆا ءوزىنىڭ ەڭبەكاقىسىنا قاناعاتتان­باي, قالتاسىن تولتىرۋدىڭ جاڭا ءارى ءتيىمدى جولىن ىزدەستىرگەن. ءسوي­تىپ, ول زەينەتكەرلەردىڭ زەي­نەت­اقىسىنان جىمقىرۋدىڭ ءادىس-تاسىلدەرىن ويلاپ تاپقان» دەيدى الماتى قالالىق ءىىد ءباسپاسوز قىزمەتىنىڭ جەتەكشىسى سالتانات ازىربەك. شىن مانىسىندە دە, الاياقتىق قىلمىسپەن اينالىسۋشى «ءوزىنىڭ تابىس كوزىن» تىم الىستان ىزدەمەگەن. كورشىلەس ۇيدە تۇراتىن ءسا­بي­دەي اڭعال, اڭقاۋ قارتتاردى جانە تۇرمىس جاعدايى ناشار وتباسى­لارىن اينالسوقتاپ, ولارمەن جى­لى سويلەسىپ, ارالاسۋدى باستاعان. قىنجىلارلىعى, قارتايعاندا ءبىر بالا دەمەكشى, ازعانا زەينەت­اقى­نى كۇنكورىسىنە اينالدىرىپ وت­ىر­عان قاريالار الەنا يۆانوۆا­نىڭ «قوسىمشا كىرىس» تۋرالى ءسو­زىنە بىردەن سەنىپ, مايداي ەرىگەن. تۇركسىب اۋداندىق ءىىب باستىعى, پوليتسيا پولكوۆنيگى نۇرلان مو­ش­­قالوۆ «الاياقتىق قىلمىستىڭ ءادىس-تاسىلدەرىنىڭ قاي-قايسى­سى­نىڭ بول­ماسىن ءبىر-بىرىنەن ەشقانداي اي­ىر­ماشىلىعى جوق ەكەندىگىن» اشىپ ايتادى. – الاياق ايەل ءوزىنىڭ العاشقى جەمتىگىن بۇدان ءۇش جىل بۇرىن, ياعني 2008 جىلى تاپقان بولاتىن. كورشى ۇيدە تۇراتىن ساۆەلي پەت­روۆقا الەنا يۆانوۆا ءوزىنىڭ جاقىندا الماتى قالالىق الەۋ­مەت­تىك قورعاۋ دەپارتامەنتىنە جۇ­مىس­قا ورنالاسقانى تۋرالى قۋا­نىش­تى حابار ايتقان. مۇنىمەن قوسا, ەندى جوق-جىتىك قارياعا كو­مەك­تەسە الاتىندىعىن دا جەتكىزگەن. انىعىراق ايتقاندا, بۇل دەپارتامەنت زەينەتكەرلەر مەن الەۋ­مەتتىك, تۇرمىستىق جاعدايى ءتو­مەن­دەرگە جۇيەلى تۇردە كومەك كور­سە­تەتىندىگىن دە ايتقان. سودان كەيىن قارياعا كومەككە قاجەتتى قۇ­جاتتى راسىمدەۋ ءۇشىن اقشا سۇراپ العان, – دەيدى نۇرلان موشقالوۆ. ارينە, الەۋمەتتىك كومەك تۋ­رالى بۇل جاقسى حاباردى ەستىگەن وزگە زەينەتكەرلەر دە الەنا يۆا­نوۆاعا ءوز قۇجاتتارىن راسىمدەۋ ءۇشىن قولىنداعى قاراجاتتارىن بەرە باستاعان. ءسويتىپ, ايلاكەرلىك قابىلەتى ارقىلى قىلمىسكەر ايەل قاريالاردان ءبىر ميلليون تەڭگەنى كوپ قينالىپ, تەر توكپەي-اق جيناپ الادى. زەينەتكەرلەردىڭ سەنىمىنە كىرۋ ءۇشىن كەيبىرىنە الاياقتىق باعىتتاعى ءوز «وپەراتسياسىنىڭ» العاشقى كەزەڭىندە قاريالاردىڭ بىرەن-سارانىنا بەس كيلوگرامم ەت, ءۇش كيلوگرامم ماكارون جانە 20 جۇمىرتقا اكەلىپ, الداۋسىراتقان. دەگەنمەن, مۇنداي ۇلەسكە, ياعني سىيلىققا شەكسىز ريزا بولىپ, ءماز بولعان قاريالار قۋانىشى ۇزاققا سوزىلمادى. جەتكىلىكتى مولشەردەگى, ياعني ءبىر ميلليون تەڭگەنى جيناپ العان الاياق ءىزىن سۋىتىپ ۇلگەرگەن سوڭ عانا, تۇركسىب اۋداندىق ءىىب-نا شا­عىمدانعان زەينەتكەرلەر وزدەرىن ايدىڭ كۇننىڭ امانىندا الداپ سوققان ايەلدىڭ زاڭ الدىندا جاۋاپ بەرۋىن وتىنگەن بولاتىن. الاياقتىق قىلمىسى ءۇشىن قۇ­رىقتالعان باستاۋىش سىنىپتىڭ بۇ­رىنعى مۇعالىمى ءوزىنىڭ اعاتتى­عى ءۇشىن جابىرلەنۋشىلەردەن جال­با­رىنىپ, كەشىرىم سۇراپ, ولاردىڭ اقشالارىن قايتارىپ بەرۋگە داي­ىن ەكەندىگىن دە ايتادى. الايدا, رەسمي تەرگەۋ جۇمىستارى باستا­لىپ تا كەتتى. ال قاريالار بولسا وزدەرىن وسىنشاما ازاپقا سالىپ, قورلاعان جاندى ەشقاشان كەشىرمەيتىندىگىن اشىنا ايتادى. ءويت­كەنى, ونىڭ ولاردى سوڭعى تيىن-تەبەنىنەن عانا ەمەس, وزگەلەرگە دەگەن سەنىمىنەن دە ايىرعانى قا­ريالارعا وتە اۋىر ءتيىپ وتىر. باقىت بالعارينا. الماتى.