ارتىق تولەماقىلار قايتارىلدى

تابيعي مونوپوليالاردى رەتتەۋ اگەنتتىگىندە تۇتىنۋ­شى­لاردىڭ قۇقىقتارىن قورعاۋ ماقساتىندا اۋانىڭ سىرت­قى ناقتى تەمپەراتۋراسىنا سۇيەنە وتىرىپ جىلۋ ەنەر­گيا­سىنىڭ قۇنىن تۇرمىستىق تۇتىنۋشىلارعا قايتا ەسە­پ­تەۋ جانە وسى قارا­جاتتى تۇتىنۋشىلارعا قايتارۋ بويىنشا اگەنتتىك جۇرگىزگەن جۇمىس قورىتىندىلارىنا ارنالعان بريفينگ ءوتتى. قايتا ەسەپتەۋ اگەنتتىك توراعاسى بەكىتكەن اۋانىڭ سىرتقى ناقتى تەمپەراتۋراسى ەسكەرىلە وتىرىپ, جىلۋمەن جابدىقتاۋ قىزمەتتەرىنىڭ قۇنىن قايتا ەسەپتەۋ ادىستەمەسى بويىنشا جۇرگىزىلەدى. ادىستەمە 1م2 جىلىتۋعا قاجەتتى جىلۋ ەنەرگياسى كولەمىنىڭ اۋانىڭ سىرتقى تەمپەراتۋراسىنا تاۋەلدى بولۋىنا نەگىزدەلگەن. قانشالىقتى جىلى جانە تەمپەراتۋرادان (جىلۋ اعىنى ەسەبىنە سالىنعاننان) اۋىتقۋ كوپ بولسا, قايتا ەسەپتەۋ سوماسى سونشالىقتى جوعارى بولادى. وتكەن 2010-2011 جىلعى جىلىتۋ كەزەڭىندە اۋانىڭ سىرتقى ناقتى جوعارى تەمپەراتۋراسىنىڭ ناتيجەسىندە جىلۋ ەنەرگياسىن ەسەپكە الۋ اسپاپتارى جوق تۇتىنۋشىلارعا رەسپۋبليكانىڭ 16 وڭىرىندە قولدانىس­تاعى ادىستەمە بويىنشا 853,301 ملن. تەڭگەدەن اساتىن سومادا اقشالاي قاراجات قايتارىلدى. بۇل رەتتە 2011 جىلعى 15 تامىزداعى جاعداي بويىنشا جىلىتۋ كەزەڭى ىشىندە, سونداي-اق ۇستىمىزدەگى جىلعى ءساۋىر-شىلدە ايلارىندا بەرىلگەن شوتتار بويىنشا تۇتىنۋشىلارعا 551 ملن. تەڭگە قايتارىلدى. ءسويتىپ, تۇرمىستىق تۇتىنۋشىلارعا استانا قالاسىندا 409,197 ملن.تەڭگە, الماتى قالاسىندا 10,472 ملن. تەڭگە, الماتى وبلىسىندا 6,634 ملن. تەڭگە, اقمولا وبلىسىندا 7,400 ملن. تەڭگە, اتىراۋ وبلىسىندا 1,685 ملن. تەڭگە, اقتوبە وبلىسىندا 6,340 ملن. تەڭگە, جامبىل وبلى­سىندا 2,624 ملن. تەڭگە, شىعىس قازاقستان وبلىسىندا 30,364 ملن. تەڭگە, باتىس قازاقستان وبلىسىندا 0,286 ملن. تەڭگە, قوستاناي وبلىسىندا 102,624 ملن. تەڭگە, قاراعاندى وبلىسىندا 251,00 ملن. تەڭگە, قىزىلوردا وبلىسىندا 10,476 ملن. تەڭگە, سولتۇستىك قازاقستان وبلىسىندا 6,253 ملن. تەڭگە, پاۆلودار وبلىسىندا 2,183 ملن. تەڭگە, وڭتۇستىك قازاقستان وبلىسىندا 4,078 ملن. تەڭگە اقشالاي قاراجاتتى قايتارۋ جۇزەگە اسىرىلدى. «ەگەمەن-اقپارات».