ەل مەرەيى – ورتاق مەرەي

قازاق سپورتىنىڭ قولداۋشىلارى دەگەندە ويعا بىردەن ورالا كەتەتىن ازامات – بەلگىلى كاسىپكەر, بوكستان سپورت شەبەرلىگىنە ۇمىتكەر, مەتسەنات باۋىرجان وسپانوۆ. سان-سالالى سپورتتىڭ ءبىر تارماعى, جەكپە-جەك ونەرىنە قولداۋشى بولىپ جۇرگەن وسى ازاماتتىڭ ايتقاندارىن نازارلارىڭىزعا ۇسىنىپ وتىرمىز. ەڭ العاش قازاق سپورتىنا كوڭىل ءبولۋدى 1997-98 جىلدارى اۋىلدا بوكستان, دزيۋدودان, سپورت سەكتسيالارىن ۇيىمداس­تىرۋ­دان باستادىم دەپ ايتسام, جاڭى­لىس­پاس ەدىم. ويىم – قا­زاقتىڭ قارا­دو­مالاق ۇل-قىز­دارى جامان جول­عا ءتۇسىپ كەتپەسىن, ءار كۇنىن ماعى­نالى, ءماندى وتكىزسىن دەگەن نيەت ەدى. ەكى قولىن الدىنا سىيعىزا الماي جۇرگەن اۋىل جاستارى سپورتپەن شۇعىلدانىپ, وزدەرىن ءتار­بيەلەۋدى, قيىندىقتارمەن كۇ­رە­سە ءبىلۋدى ۇيرەندى. قازىر سول اۋىلدان شىق­­قان جاس سپورتشىلار ساپىندا ەلىمىز ۇلتتىق قۇراماسىنا ۇمىتكەر جانىبەك ءالىم­ح­انوۆ سەكىلدى جاس ورەندەر ءوسىپ كەلەدى. دزيۋدودان ا.شىڭعىسحانوۆا, ا.قالي­جانوۆا سەكىلدى بالۋان قىزدارىمىز بار. جاستار اراسىندا وسى ەكى جەكپە-جەك تۇرىنەن دە رەسپۋبليكا چەم­پيون­دارى جەتەرلىك. ودان بەرىدە اۋىل سپور­تىن دامىتۋ ماقساتىمەن ون جىل بويىنا «اۋىل سپارتاكياداسىن» ءوت­كىزۋگە «جەر-سۋ» كور­پوراتسياسى مۇرىندىق بولدى. كۇنى ءبۇ­گىنگە دەيىن الماتى وبلىسى, الاكول اۋدانى­نا قاراستى ويجايلاۋ اۋى­لىن­دا ۇلتتىق ات سپورتىنىڭ ويىن­دارىن تۇراقتى وتكىزىپ تۇرامىز. بىلتىر عانا تۇساۋى كەسىلىپ, كوپشى­لىك­تىڭ پايدالانۋىنا بەرىلگەن سپورت كەشەنى بۇگىنگى زامانعا ساي بارلىق سپورت­تىق قۇ­رال-جابدىقتارمەن جاراق­تال­عان. ءبىزدىڭ كورپوراتسيا سول سپورت كەشەنىندە قىزمەت ەتەتىن سپورت مامان­دارىنا جال­اقى تولەپ قانا قويماي, عيما­راتتىڭ بار­لىق شىعى­نى مەن ءتۇرلى جا­رىستارعا قاتىسۋ ءما­سە­لە­لەرىن قامتا­ماسىز ەتەدى. ودان وزگە, ال­ماتىدا بولا­شاق­تا بوكس اكا­دەميا­سى­نىڭ قۇرىلىسى باس­تا­لادى, سوعان دا اتسالىسۋ ويىمىزدا بار. ەلىمىزدىڭ مەرەيىن ۇستەم ەتەتىن ناۋرىز سەكىلدى ار­ناۋلى جالپىۇلتتىق مەرە­كەلەردە بوكس پەن دزيۋدودان رەسپۋبلي­كا­لىق جارىس­تار وتكىزىپ تۇرۋدى ادەتكە ا­ي­نالدىردىق. سايىستىڭ ءوتۋى مەن قوناق­تاردى كۇتىپ الۋ, شىعارىپ سالۋ, ولاردىڭ ارقايسىسىنا مەسەلى قايتپاسىن دەپ سىيلىق تاعايىنداۋ – وسىنىڭ ءبارى, قاراپ وتىرساڭىز, قىرۋار شارۋا ەكەن. تەك, ايتۋعا عانا جەڭىل. اۋىلدان تۇلەپ ۇشقان جاس سپورتشى­لارىمىزدىڭ رۋحى تاسىسىن دەپ تالدى­قورعان قالاسىندا باكۋدەگى الەم چەمپيو­ناتى قارساڭىندا بوكستان حالىقارالىق جارىس وتكىزدىك. وعان ازەربايجان, كۋبا, قازاقستان قۇراماسى مەن الماتى وبلى­سى­نىڭ قۇراما كومانداسى قاتىستى. كۋبالىق قوناقتاردىڭ ءجۇرۋ-تۇرۋ شىعىندارىن, كەلۋ-كەتۋ, ءىشىم-جەمىن تۇگەلدەي ءبىزدىڭ كورپوراتسيا كوتەرىپ الدى. كەزىندە مارات مازىمباەۆتىڭ بارلىق شىعىنىن «جەر-سۋ» كورپوراتسياسى جى­مىن بىلدىرمەي جايعاستىرىپ تۇردى. ال ول دە­گەنى­ڭىز, از قاراجات ەمەس. ءمازىم­باەۆقا شەت ەلدەن مىقتى تاجىريبەسى بار جاتتىقتىرۋ­شىلار شاقىرتۋ كەرەك. مىق­تى دارىگەر كەرەك, ءدارى-دارمەك, كيىم-كەشەك, الىس-جاقىن ەلدەرگە جاسايتىن سپورت­تىق كەزدەسۋ ساپار­لارىن قارجىلان­دىرۋ كەرەك. تىزە بەرسەڭىز, كوزگە كورىنبەي­تىن شىعىندارى بار, ەداۋىر قارجىنى تاۋەكەل ەتۋگە تۋرا كەلەدى. قازىر شۇكىرشى­لىك, مازىمباەۆتىڭ پروموۋتەرلىك كومپا­نيا­سىمەن بىرلەسىپ كاسىبي بوكستان حالىقارالىق دارەجەدەگى جارىستار ۇيىم­داستىرىپ تۇرامىز. «جەر-سۋ» سپورتپەن تىنىسى كەڭىپ وتىرعان كورپوراتسيا دەۋگە بولادى. كەڭ­سە­مىزدە ترەناجەرلىك زال, كۇرەس كىلەمى مەن بوكس جابدىقتارى ساقاداي-ساي. قالاعان ۋاقىتى­ڭىز­دا, كوڭىلىڭىز سوققان كەزدە كىرەسىز دە, ەتى­ڭىز قىزعانشا دەنە ەڭبەگىمەن اينالىساسىز. جىل سايىن ناۋرىز مەرەكەسىنە وراي كور­پوراتسياىشىلىك سپورت ويىندارى وتكى­زىلەدى. «جەر-سۋ» كورپوراتسياسى تەك جەك­پە-جەك ونەرىنە عانا ەمەس, سپورتتىڭ باسقا دا تۇرلەرىنە قولداۋ كورسەتىپ كەلەدى. ماسەلەن, 2002-2007 جىلدار ارالىعىندا ءبىز شاعىن فۋتبولدان حالىقارالىق جارىس وتكىزدىك. كورشىلەس قىرعىزستان مەن وزبەكستاننان كەلگەن كوماندالار «جەر-سۋ» كورپوراتسيا­سىنىڭ سىيلىعى ءۇشىن باقتارىن از سىناعان جوق. ءتىپتى, ءبىر جولى ماسكەۋ قالاسىندا ناۋرىز مەرەكە­سىنىڭ قۇرمەتىنە قازاقستاندىق فيرمالار اراسىندا «جەر-سۋ» كورپورا­تسيا­سىنىڭ جۇلدەسى ءۇشىن ەستە قالارلىق ويىن وتكىز­گەنبىز. بوكستان باسقا, ەرەجەسىز جەكپە-جەك ونەرى ارقىلى قازاقتىڭ تۋىن كوككە جەلبىرەتىپ جۇرگەن اعايىندى نازاروۆ­تار­عا دا قولداۋ كورسەتىپ تۇرامىز. 2009 جىلى امەريكانىڭ حيۋستون قالاسىندا كاسىپقوي بوكس پەن ەرەجەسىز جەكپە-جەكتەن ءىرى جارىس وتكىزدىك. ول دا ءوز الدىنا ءبىر توبە اڭگىمە... جازىپ العان قانات ەسكەندىر. الماتى.