مۇندا كوپتەن كۇتكەن يماندىلىق ءۇيى اشىلىپ, جۇرتشىلىق سالتاناتى وتكىزىلدى. مەشىتتىڭ قۇرىلىسى ءبىر جىلدىڭ ىشىندە اياقتالىپ, وعان وسىنداعى قازاق وتباسى تۇگەل اتسالىستى. جۇرتشىلىق, اسىرەسە, باستالعان ءىستىڭ اياعىنا جەتۋىنە بار كۇش- جىگەرىن جۇمساعان جەرگىلىكتى يمام قاناپيا ابدراحمانوۆتىڭ تىنىمسىز ەڭبەگى مەن ۇيىمداستىرۋشىلىق قابىلەتىنە ريزاشىلىعىن بىلدىرۋدە. ىنتىماق-بىرلىگى جاراسقان اۋىل قۋانىشىندا قاتاركول اۋىل وكرۋگىنىڭ اكىمى مەرەكە قۇسايىنوۆ, ناۋان حازىرەت اتىنداعى وبلىستىق مەشىتتىڭ نايب يمامى نۇرلان ىبەن ۇلى, ايتىسكەر اقىن قۋانىش وسپانوۆ قۇتتىقتاۋ تىلەگىن ارناپ, جىردان شاشۋ شاشتى. يماندىلىق ۇيىندە العاشقى جۇما نامازى وقىلىپ, قۇران باعىشتالدى. كەشكىسىن اۋىزاشار ءدامى بەرىلىپ, تاۋاريح نامازى وقىلدى.
باقبەرگەن امالبەك. اقمولا وبلىسى.
سپورت اۋلاسىن سالىپ بەردى. «نۇر وتان» حدپ «جاس وتان» جاستار قاناتى مەن «بولاشاق» فيليالى «20 يگى ءىس» اكتسياسى شەڭبەرىندە بالالاردىڭ ويىن اۋلالارىن قالپىنا كەلتىرۋ جونىندە باستاما كوتەرگەن بولاتىن. ونىڭ العاشقى كەزەگى وبلىس ورتالىعىنىڭ شەتكەرى شاعىن اۋدانى – بىلعارى زاۋىتىندا بوي كوتەردى. №12 مەكتەپتىڭ اۋلاسىندا جەكە كاسىپكەرلەردىڭ قارجىلىق قولداۋىمەن سپورت الاڭى سالىنىپ, وقۋشىلار بوس ۋاقىتتارىن وسىندا وتكىزەتىن بولدى. جازدا فۋتبولمەن, قىستا حوككەيمەن الاڭسىز اينالىسا الادى. جاسوتاندىقتار مۇنداي شارالاردى جۇمىسشى كەنتى, بەنزوستروي, دسر شاعىن اۋداندارىندا دا جالعاستىرۋدى كوزدەپ وتىر.
ءومىر ەسقالي. سولتۇستىك قازاقستان وبلىسى.
رامازان ايىنداعى ساۋاپتى شارا. قاسيەتتى رامازان ايىنا ءتان ادامداردىڭ ءبىر-بىرىنە دەگەن قايىرىمدىلىعى مەن مەيىرىمدىلىگىن, ىزگى نيەتى مەن شىنايى پەيىلىن بۇل كۇندە جەزقازعاندىقتار رازىلىقپەن قابىل الىپ ءجۇر. ولار قالادا العاشقىلاردىڭ ءبىرى بولىپ وسى شاقتا ساۋاپتى ىستەرگە شاپاعات شۋاعىن شاشقان ء«سامادي» سۋپەرماركەتى دۇكەندەر جۇيەسى بويىنشا وسىمدىك مايىنىڭ 10 پايىزعا ارزانداتىلعان باعامەن ساتىلۋىنا ءدان ريزا. قازىر ۇلكەن سۇرانىمداعى بۇل ونىمگە كۇنبە-كۇن قولجەتىمدى.
ايقىن نەسىپباي. جەزقازعان.
مۇراتبەكتىڭ قىمىزىنا سۇرانىس كءوپ. اتىراۋدا قازاقتىڭ ۇلتتىق سۋسىنى – قىمىزدى دايىنداۋعا دەن قويۋشىلار بىرتىندەپ كورىنە باستادى. سولاردىڭ قاتارىنداعى «تولەگەن» شارۋا قوجالىعىن باسقاراتىن مۇراتبەك ناسىپقاليەۆ تە بيە بايلاپ, قىمىز اشىتۋدى قولعا الدى. قازىر ول زايىبى نۇرجامال ەكەۋى ەكى بيەنى كۇنىنە الدەنەشە رەت ساۋادى. وزدەرى ابدەن دايىنداعان قىمىزدىڭ ءار ءليترىن 500 تەڭگەدەن ساتادى. – قىمىزعا سۇرانىس تىپتەن كوبەيىپ تۇر. ءوزىمىزدىڭ ەلتاي اۋىلىنان, اۋدان ورتالىعى – يندەربوردان سۇراتۋشىلار كۇنىبۇرىن كەزەككە تۇراتىن بولدى. قىمىزعا سۇرانىس كوبەيگەسىن, كەلەشەكتە قىمىزحانا اشۋدى ويلاستىرىپ ءجۇرمىن, – دەيدى شارۋاگەر.
جولداسبەك شوپەعۇل. اتىراۋ وبلىسى.
زايساندا سءۇت زاۋىتى اشىلادى. وسىدان ەكى جىل بۇرىن زايساندىق كاسىپكەر ايدار بارىسوۆ قاڭىراپ بوس قالعان ەسكى عيماراتتى ساتىپ الىپ, ونى كۇردەلى جوندەۋدەن وتكىزگەن ەدى. زايسان قالاسىندا بۇگىنگە دەيىن بىردە-ءبىر ءسۇت زاۋىتى بولماعان, سوناۋ توقسانىنشى جىلدارى قارابۇلاق اۋىلىندا پايدالانۋعا بەرىلگەن ءسۇت زاۋىتى جابىلىپ قالعان. ىسكەر ازامات 22 ميلليون تەڭگەگە جوندەۋ جۇمىستارىن جۇرگىزىپ, وسىنشاما قارجىعا قاجەتتى قۇرال-جابدىقتار ورناتتى. امانشىلىق بولسا, تاياۋ كۇندەرى ءسۇت زاۋىتى جۇمىسىن باستايدى. جاڭا كاسىپورىن بەس ءتۇرلى, سونىڭ ىشىندە, ىرىمشىك, قايماق, ايران, سارى ماي, ءسۇت سياقتى تاعامداردى شىعارماق. ونىڭ تاۋلىگىنە التى تونناعا دەيىن ءسۇت ونىمدەرىن شىعارۋعا مۇمكىندىگى بار, ال ءسۇت اۋىل ادامدارىنان ساتىپ الىنادى دەپ جوسپارلانۋدا. ەكى اۋىسىمدا 24 ادام ەڭبەك ەتپەك.
وڭداسىن ەلۋباي. شىعىس قازاقستان وبلىسى.
«جاس ىسكەردىڭ» العاشقى تۇلەكتەرى. اقتوبە قالالىق ىشكى ساياسات ءبولىمىنىڭ ۇيىمداستىرۋىمەن جۇمىس ىستەي باستاعان اقتوبە قالالىق جاستار ءماسليحاتىنىڭ جاس كاسىپكەرلەرگە ارنالعان «جاس ىسكەر» مەكتەبىنىڭ العاشقى تۇلەكتەرى سەرتيفيكاتتارعا يە بولدى. باستاپقىدا كاسىپكەر بولۋعا 60 ۇمىتكەر تىلەك بىلدىرگەنىمەن, ولاردىڭ جيىرماسى عانا وسى مەكتەپتەگى وقۋلارىن اياعىنا دەيىن جەتكىزدى. «جاس ىسكەر» مەكتەبىنىڭ تىڭداۋشىلارىنا «دامۋ» كاسىپكەرلىكتى دامىتۋ قورى, قالالىق كاسىپكەرلىك ءبولىمى جانە ءىرى كاسىپورىندار مەن مەكەمەلەردىڭ وكىلدەرى ءدارىس وقىدى. كاسىپكەرلىكتى يگەرۋگە تالاپتانۋشىلار ءۇش اپتا وقىپ, ءۇش اپتا تاجىريبەدەن ءوتتى. جاس كاسىپكەرلەردىڭ وزدەرىنىڭ بيزنەس جوبالارى بار, ەندى ولار ەلىمىزدە جۇزەگە اسىرىلىپ جاتقان باعدارلامالارعا قاتىسا الادى.
ساتىبالدى ءساۋىرباي. اقتوبە وبلىسى.
جاڭا قونىس جوعارى ساپا كەپىلى. «قازاقستاننىڭ تۇرعىن ءۇي قۇرىلىس جيناق بانكى» اق-تىڭ قىزىلوردا وبلىستىق فيليالى وزدەرىنىڭ جاڭا دا جايلى عيماراتىنا قونىس تەپتى. كەڭسەنىڭ اشىلۋ سالتاناتىنا وبلىس اكىمى بولاتبەك قۋاندىقوۆ قاتىسىپ, قۇتتىقتادى. ال بانك ءتورايىمى ن.ناۋرىزباەۆا ەل تاۋەلسىزدىگىنىڭ 20 جىلدىعىنداعى جاڭا قونىس بانك قىزمەتىنىڭ ساپاسىن ارتتىرىپ, ونىڭ قىزمەتىن پايدالانۋشىلاردىڭ سانىن ۇلعايتۋعا وڭ اسەر بەرەدى دەپ باياندادى. قازىردىڭ وزىندە وبلىس بويىنشا سالىمشىلاردىڭ سانى 11 مىڭ ادامدى قۇرايدى. ولاردىڭ تۇرعىن ءۇي جيناعى 16 ميلليارد تەڭگەگە جەتكەن.
ەرجان بايتىلەس. قىزىلوردا.
