كاسىپ اشۋعا ءورىس كەڭ

ەلىمىزدە قولعا الىنىپ وتىرعان «جۇ­مىسپەن قامتۋ – 2020» باعدارلاماسىنىڭ 2011 جىلدىڭ 1 شىلدەسىنەن 2012 جىلعا دەيىنگى قاناتقاقتى جوباسىنىڭ باستى با­عى­تى  ءوز بەتىنشە جۇمىسپەن اينالى­سۋ­شى­لار­دى, جۇمىسسىزداردى وقىتۋ جانە ولار­عا ءارى قاراي ءوز بەتىنشە ەڭبەكپەن اينا­لىسۋعا جاردەمدەسۋ. «جۇمىسپەن قامتۋ-2020» باعدارلاماسىن  جۇزەگە اسىرۋ جولىندا اقسۋ قالاسى اكىمىنىڭ قاۋلىسىمەن قالالىق جۇمىسپەن قامتۋ ءبولىمى اشىلعان بولاتىن. بۇگىنگى تاڭدا اتالمىش ءبولىمنىڭ قىزمەتكەرلەرى حالىقتى جۇمىسپەن قامتۋ ماسەلەسى بويىنشا ءبىرشاما ىستەردى قولعا الۋدا. «جۇمىسپەن قامتۋ-2020» باعدارلاماسى اياسىنداعى ەكىنشى باعىت كاسىپكەر­لىك­تى ىنتالاندىرۋعا, اسىرەسە, اۋىلداعى كاسىپكەرلىكتى دامىتۋعا جاردەمدەسۋ كوزدەلىپ وتىر. ءوز بەتىنشە جۇمىسپەن اينالىسۋشىلاردىڭ نەگىزگى بولىگى اۋىلدىق جەرلەردە تۇرادى. وسى اپتادا ءوز كاسىبىن اشۋعا نيەت تانىتقان 30 شاقتى ادامنان قۇرىلعان ەكى توپ ءۇشىن ارنايى سەمينار ۇيىمداس­تى­رىلدى. سەمينار بارىسىندا ولار بيزنەس-جوسپار قالاي جاسالاتىنى جونىندە ماعلۇمات الىپ, سو­ڭىن­دا ونى ءوزىنىڭ تاڭداپ العان كاسىبى بويىنشا قور­عاي­تىن بولادى. سونىمەن قاتار, سەمينارعا قاتىسۋ­شى­لار جەكە كاسىپكەرلىكتىڭ نەگىزگى باعىت­تا­رى بويىنشا ءدارىس الاتىن بولادى. قورعاپ قالعان جاعدايدا ءوز كاسىبىن اشۋعا نيەت بىلدىرگەن ادامدار نەسيە الۋعا قۇقىلى بولادى. بۇل باعىتتىڭ ءبىر ەرەكشەلىگى, ءوز كاسىبىمدى اشىپ, دامىتامىن دەۋشىلەرگە ەڭ تومەنگى ۇستەمە مولشەرىندە نەسيە بەرىلەتىگىندە بولىپ تۇر. نەسيە 5 جىلعا 3 ميلليون تەڭگە كولەمىندە بەرىلەدى. ءسابيرا ساعىناي. اقسۋ قالاسى, پاۆلودار وبلىسى.