ءبىر اۋىلدا 50 جىلىجاي

ازىق-ت ۇلىك قاۋىپسىزدىگى مەن تۇتىنۋشىنى ارزان كوكونىس ءتۇر­لەرىمەن قامتاماسىز ەتۋ ماق­ساتىندا وتكەن جىلدارى ايماق­تاردا جىلىجاي كەشەندەرى كوپتەپ ىسكە قوسىلعانى بەلگىلى. سولاردىڭ قاتارىندا جامبىل اۋدانى, قاراقىستاق اۋىلىندا جۇمىسىن باستاعان «جاناي» شارۋا قوجالىعى بەس گەكتار جەرگە 50 جىلىجاي سالعان بو­لا­تىن. وعان 150 ملن. تەڭگە ينۆەستيتسيا تارتىلىپ, كوكونىس ءوسى­رۋ قارقىندى جۇرگىزىلدى. 12 جىلىجايعا قىزاناق, 13-ىنە قيار وتىرعىزىلسا, تەك قى­زا­ناقتىڭ ءبىر تۇبىنەن بۇگىنگى كۇنى 3 كيلو ءونىم جينالۋدا. كەشەننىڭ وندىرىستىك قۋاتى جى­لىنا 450 توننا كوكونىس ءوسى­رۋ­گە جەتەدى. قازىرگى كەزدە ءار جىلى­جاي­دان كۇن سايىن 400 كيلوعا جۋ­ىق ءونىم جينالۋدا. بۇل اۋدان­داعى كوكونىسكە دەگەن سۇرانىستى 80 پايىزعا قامتۋعا جەتىپ وتىر. قياردىڭ ءتۇسىمى دە جامان ەمەس. كوكونىسكە دەگەن تۇتىنۋشى سۇرانىسى كۇن سايىن ارتۋدا. ويتكەنى, حالىق قىسقا دايىندىق جاساپ, ساپالى كوكونىس تۇرلەرىنە كوپتەپ تاپسىرىس بەرۋدە. سونداي-اق, جينالعان ءونىم الماتى مەن ۇزىناعاش بازارلارىندا ساۋدا­لا­نىپ كەلەدى. – جۇمىسسىز وتىرعان قىز-كە­لىن­شەك وسىندا ەڭبەك ەتۋدە. اۋىل­دىڭ جانىندا بولعان­دىق­تان, بىزگە وتە ءتيىمدى. كورىپ تۇر­سىزدار عوي, ەكولوگيالىق جاعى­نان تازا ونىمگە دەگەن سۇرانىس جوعارى. قيار مەن قىزاناقتىڭ گوللاندىق سورتتارىن وسىرۋدە­مىز, – دەيدى قاراقىستاق اۋىلى­نىڭ تۇرعىنى سارا ءابىشوۆا. جىلىجايدا جاڭادان ءوسىپ كەلە جاتقان كوشەتتەردىڭ جەتىلۋىنە دە ەرەكشە ءمان بەرىلەدى. بابىن تاۋىپ كۇتسە, كۇنىنە ءبىر جىلىجايدان جوسپارلانعاننان اناعۇرلىم مول ءونىم الۋعا بو­لاتىنىن ايتادى باپتاۋشىلار. كۇمىسجان بايجان. الماتى وبلىسى.