جاڭا...

...توراعا تاعايىندالدى مەم­لەكەتتىك قىزمەت ىستەرى اگەنت­تى­گى­نىڭ توراعاسى ءاليحان بايمەنوۆ اگەنتتىكتىڭ اقمولا وبلىسى بوي­ىنشا باسقارماسى­نىڭ ۇجىمىنا جانە تارتىپتىك كەڭەس مۇشەلەرىنە وسى باسقار­مانىڭ جاڭا باس­شى­سىن تانىس­تىردى. بۇل قىزمەتكە بۇعان دەيىن رەسپۋبليكالىق بيۋد­جەتتىڭ ورىندالۋىن باقىلاۋ ءجو­نىندەگى ەسەپ كوميسسياسى توراعا­سىنىڭ كەڭەسشىسى قىزمەتىن ات­قار­عان باقىتجان اسقاروۆ تاعايىن­دال­دى. سونداي-اق, اگەنتتىك ءتور­اعا­سى مەملەكەتتىك قىزمەت ىستەرىندە قولعا الىنىپ جاتقان رەفورمالار تۋرالى كە­ڭىنەن اڭگى­مە­لەدى. سوڭعى ۋاقىت­تا اتالعان قىزمەتكە قابىلداۋ تارتىبىنە ەل­دىڭ سەنىمى جوعال­عانى جاسىرىن ەمەس. بوس ور­ىنعا كىمنىڭ قابىلداناتىنى ال­دىن الا بەلگىلى بولىپ تۇرادى. وسى­نىڭ ءبارى مەملەكەتتىك قىز­مەت­تىڭ جاڭا مودەلىن جاساۋعا ال­ىپ كەلدى. باقبەرگەن امالبەك.  اقمولا وبلىسى. * * * ...ەكى ءىرى كەشەن قۇرىلىسى باستالدى قاراعاندى ايماعى جايلى ايتىلعاندا, ادەتتە ول كوزگە ءوندىرىستى ءوڭىر رەتىندە ەلەستەيتىنى بەلگىلى. الايدا سوڭعى ۋا­قىتتا اگ­رار­لىق سالا سالماعى دا ءوسىپ كەلەدى. ماسەلەن جا­قىندا ەكى ءىرى جوبانى ىسكە اسىرۋ باستالدى. قارا­عان­دى­عا كىرەبەرىس تۇستا بىرەگەي ەت ءوڭ­دەۋ جانە كولىكتىك-لوگيس­تي­كا­لىق كەشەن قۇرىلىستارى قىزۋ قولعا الىندى. بىرىنشىسىندە جەر-جەر­دەن جەتكىزىلگەن ەت قول­ما-قول قا­بىلدانىپ, وڭدە­لىپ, ءتۇرلى ءونىم­دەر­گە اينالدى­رىلسا, ەكىنشىسىندە ساۋدا جانە تاماق­تان­دىرۋ جۇيەسى ءبىر ورىن­نان قاجەتتى ازىق-ءتۇ­لىك­پەن بەكىتىلگەن باعا بويىنشا قامتاماسىز ەتىلەدى. سونىمەن بىرگە, كارتوپ پەن كوكونىستى ۇزاق ساقتايتىن سىي­ىم­دىلىعى جوعارى  قويمالار سالۋ قاراستىرىلۋدا. ايقىن نەسىپباي. قاراعاندى. * * * ...كونتسەرت زالى بوي كوتەرۋدە اتىراۋدا كونتسەرت زالى قۇ­رى­لىسى باستالادى دەپ ەكى-ءۇش جىلدان بەرى ايتىلۋشى ەدى. ەندى سول اڭگىمە شىندىققا اي­نا­لىپ, قارقىنمەن جۇرگىزىلىپ جات­قان قۇ­رىلىس جۇمىستارىن جىل اياعىنا دەيىن اياقتاۋ كوز­دەلۋدە. جاڭا نىساننىڭ قۇرىلى­سى­نا «سنابويل» جشس-ءنىڭ قۇرى­لىس­­شى­لارى وتكەن جىل­دىڭ اياعىنا تامان كىرىستى. مەر­دىگەر كاسىپ­ور­ىن­نىڭ ۋچاسكە باستىعى دارحان جاۋكە­نوۆ­تىڭ ايتۋىن­شا, قازىر نى­ساننىڭ 50 پايىزعا جۋىق جۇمى­سى اتقارىلدى. جال­پى اۋماعى 15 000 شارشى مەتر, بيىكتىگى 28 مەتر بولا­تى­نى جوسپارلانعان كونتسەرت زا­لى­نىڭ 1200 ورىن­دىعى بولا­دى. ال ساحناسىنىڭ ۇزىندىعى 54 مەتردى قۇراماق. جولداسبەك شوپەعۇل. اتىراۋ.