قايتا ۇمىتتەندىرگەن قازاق بوكسى

كورەيانىڭ ينچحون قالاسىندا بوكستان ازيا چەمپيوناتى تۋىن ءتۇ­سىر­دى. ايتۋلى دوداعى قازاقتىڭ بىل­عارى قولعاپ شەبەرلەرى دە بار­عان. اقجولتاي اعايىن! ەكى جىگىت التىن­نان القا تاعىنىپ, تاعى ەكى ازامات كۇمىستى ك ۇلىمدەپ الىپ, ءبىر سپورتشى قولا مەدالمەن ەلگە ورالدى. جاسى­راتىنى جوق, ءبىرازدان بەرى قۇرلىق­ارالىق باسەكەلەردە ءبا­سى­مىز تومەن بولىپ جۇرگەن. بۇل جولى جەلبىرەپ بارعان تۋ, جەلبىرەپ قايتتى. جارتىلاي فينالعا قازاقتىڭ گۇرزى جۇدىرىقتى بەس جىگىتى جولداما العان. ولار: ءىلياس سۇلەي­مەنوۆ, ايدار امىرزاقوۆ, ارمان رىسبەك, رۋستام سىباەۆ جانە دوسجان وسپانوۆتار بولاتىن. اتالعان جىگىتتەردىڭ اراسىنان ارمان رىس­بەك قانا جەڭىستى جولىن جالعاي الماي قالدى. قالعانى فينالعا القىنباي جەتتى. سونىمەن – فينال. الدىمەن شارشى الاڭعا 52 كيلو سالماق بويىنشا سىنعا تۇسكەن ءىلياس سۇلەيمەنوۆ كوتەرىلدى. ونىڭ قارسىلاسى قىتايلىق يونگ جيانگ. ءبىرىنشى راۋندتىڭ العاشقى سەكونت­تەرىنەن باستاپ ءىلياس شابۋىلعا باس­تى. سوعان قاراماستان, قاپتال­داعى تورەشىلەر ءبىرىنشى راۋندتى تەڭ دەپ سانادى. ەسەپ – 6:6. سول ءسات­تەن-اق تورەشىلەردىڭ كىمگە بۇيرەگى بۇ­را­تىنى انىق بولدى. ەكىنشى راۋندتا ءىلياستىڭ ەكپىنى باسىلىپ قالدى. بىراق تورەشىلەر ءبىزدىڭ جىگىتتى ءبىر ۇپايمەن العا شىعاردى. ءبىر سوقىر ءۇمىت سول ساتتە ءالسىز عانا تۇتانعان. دەسەك تە, جەكپە-جەكتىڭ سوڭىندا جيانگتىڭ قولى كوككە كوتەرىلدى. ءسويتىپ, سۇلەيمەنوۆ كۇ­مىس جۇلدەنى قاناعات تۇتتى. قازاق جىگىتتەرىنىڭ قاتىسۋىمەن وتكەن ەكىنشى كەزدەسۋدە دە قارسىلا­سى­مىز قىتايلىق بولدى. ول – ليۋ دجيانگ. بۇل كەزدەسۋدەگى كورىنىس تە العاش­قىداعىداي قايتالاندى. وسى ايقاستا ءبىزدىڭ جىگىت باسىم بولدى. سو­لايشا, ايدار امىرزاقوۆ قازاق قورجىنىنا العاشقى التىن ءجۇل­دەنى سالدى. كەلەسى كەزەك 69 كيلو سالماق بويىنشا ونەر كورسەتەتىن رۋستام سىباەۆتا. ونىڭ بۇل جولعى قارسى­لاسى قىتايدىڭ قاشقار ايماعىنان شىققان ازامات. بويى رۋستامنان ۇزىن. سوندىقتان اراقاشىقتىقتى الشاق ۇستاپ, الىستان سوققى جاساپ ءجۇردى. سونىڭ ناتيجەسىندە جەڭىسكە جەتتى. رۋستام ازيا چەمپيوناتىنىڭ كۇمىس جۇلدەگەرى اتاندى. اسا اۋىر سالماقتا قىتايلىق الىپ جانگ جيلەيگە قارسى دوسجان وسپان شىقتى. جۇرەك جۇتقان جىگىت ەكەن. بۇل كەزدەسۋدە دوسجان جەڭدى. 6:4 ەسەبىمەن قىتايلىق قارسىلاسىن قاپىدا قالدىردى. ال فينالدا دوسجان يراندىق ءماجيت ابدول سەپاحۆانديدى 18:13 ەسەبىمەن ۇتتى. قىركۇيەكتە بوكستان الەم چەم­پيوناتى وتەدى. وندا لوندون وليم­پياداسىنا جولداما تاراتىلادى. ۇلت­­تىق قۇرامانىڭ باپكەرى مىر­زا­عالي ايتجانوۆ ءبىرىنشى ءنومىرلى بوكس­شىلاردى جابۋدىڭ استىندا باپ­تاپ جاتىر قازىر. سوندىقتان ولار­­دىڭ بىردە-بىرەۋىن ازيا چەم­پيوناتىنا جىبەرگەن جوق. ەسەسىنە, قۇراماداعى ەكىن­شى ءنومىرلى جىگىت­تەر­دىڭ جولى اشىلدى. ءسويتىپ, ينچحوندا ءبىزدىڭ قوسال­قى قۇرام ونەر كورسەتتى. ءناتي­جەسى جوعارىداعىداي. بەس ازاماتى­مىز جۇلدەمەن ورالدى. وسىدان-اق قازاق بوكسىنىڭ قايتا تۇلەپ جات­قانىن كورۋگە بولادى. ەكىنشى ءنومىرلى جىگىتتەردىڭ ءوزى ازيا قۇرلىعىندا قىتاي قۇراماسىن عانا الدىنا جىبەرىپ جالپى ەسەپتە ەكىنشى ورىندى يەلەندى. بۇل قۋانارلىق تابىس. ەرجان بايتىلەس. قىزىلوردا. سۋرەتتە: دوسجان وسپانوۆ (سول جاقتا) پەن ايدار ءامىر­زاقوۆ.