اتوم قۇرباندارىن ەسكە الدى

ەلورداداعى ۇلتتىق مۇراعاتتا اتوم جارىلىسى قۇرباندارىن ەسكە الۋ ءراسىمى ءوتتى. وعان «نۇر وتان» حدپ, اۆستراليا مەن قازاقستاننىڭ دوستىق جانە مادەنيەت قاۋىمداستىعىنىڭ, «اتامەكەن» قازاقستان كارتاسى» ەتنو-مەموريالدى كەشەنىنىڭ, سونداي-اق استانانىڭ ەتنومادەني ورتالىقتارىنىڭ وكىلدەرى قاتىستى. شارا بارىسىندا مۇراعاتتىڭ باس ديرەكتورى رىستى ساريەۆا جاپونيانىڭ حيروسيما مەن ناگاساكي قالالارىنا تاستالعان, سەمەي پوليگونىندا سىنالعان 450-دەن استام اتوم جارىلىستارىنىڭ, چەرنو­بىل مەن فۋكۋسيما اتوم ەلەكتر ستانسالارىنداعى اپاتتاردىڭ كوپ­تە­گەن ادامداردىڭ ءومىرىن قيىپ, دەنساۋلىقتارىنا ايتارلىقتاي نۇق­سان كەلتىرگەندىگىنە توقتالىپ ءوتتى. سونداي-اق, ول: «ءبىزدىڭ ماقسا­تىمىز – بولاشاق ۇرپاققا اتوم جا­رىلىسىنىڭ ميلليونداعان ادامزات بالاسىنا قايعى-قاسىرەت اكەلە­تىن­دىگى تۋرالى اقپارات جەتكىزۋ, كەلەشەك ۇرپاقتارىمىزدى مۇنداي قاتەلىكتەرگە بوي الدىرماۋعا ءۇن­دەۋگە شاقىرۋ»,  دەدى. شارا بارىسىندا, يادرولىق جارىلىس قۇرباندارىن ەسكە الۋعا ارنالعان ءىس-شاراعا قاتىسۋشىلار ەلباسى نۇرسۇلتان نازارباەۆتىڭ كانديداتۋراسىن نوبەل سىي­لى­عىنا ۇسىنۋ جاعىن كەڭىنەن ءسوز ەتتى. اتاپ ايتقاندا, يادرولىق جارىلىس قۇرباندارىن ەسكە الۋعا ارنالعان «جاپونيا جاڭعىرىعى» اتتى ءىس-شارالار تسيكلىنىڭ قاتىسۋشىلارى ەلباسى ن.نازارباەۆتىڭ سەمەي سىناق پوليگونىن جابۋ جونىندەگى شەشىمىن قولدايتىندىقتارىن ايتا كەلە, سونىمەن بىرگە يادرولىق قارۋ­سىز­دانۋ باستاماسى ءۇشىن بەيبىتشىلىك سالاسىنداعى نوبەل سىي­لى­عىنا ەلباسى كانديداتۋراسى لايىق دەگەن ۇسىنىس جاسادى. سونىمەن قاتار, بۇگىنگى شاراعا قاتىسۋشىلار  يادرولىق الەۋەتكە يە دەرجاۆالار مەن مەملەكەتتەردىڭ باس­شىلارىن يادرولىق قارۋدى تاراتپاۋ جانە پايدالانباۋ ماسەلە­لە­رىندەگى حالىقارالىق كەلىسىمدى ءمۇل­تىكسىز ساق­تاۋعا, جاپپاي قىرىپ-جويۋ قارۋ­ىن سىناقتان وتكىزۋدى تولى­عى­مەن توق­تاتۋعا جانە قولدانىستاعى يادرولىق پوليگونداردى جابۋعا شاقىردى. ەستەرىڭىزگە سالا كەتەيىك, ەلور­دادا­عى ۇلتتىق مۇراعاتتا تامىز ايى­نىڭ 6-سى كۇنى يادرولىق جارىلىس قۇر­بان­دارىن ەسكە الۋعا ارنالعان ءىس-شارالار تسيكلى باستالعان بولا­تىن. شارا تامىزدىڭ 29-نا دەيىن جالعاسپاق. جۇلدىز ءبايدىلدا.