ارنايى پويىز ارقالىققا كەلدى

تاۋەلسىزدىكتىڭ 20 جىلدىعىنا وراي استانادان شىققان «مەنىڭ قازاقستانىم» ارنايى پويىزىن كەشە ارقالىق ۆوكزالىندا قالا جۇرشىلىعى سالتاناتتى جاعداي­دا كۇتىپ الدى. ارقالىققا اتبا­سىن بۇرعان حالىقتى قۇتتىقتاعان قالا اكىمى تەمىرجان تولەۋباەۆ ەل ەگەمەندىگىنىڭ 20 جىلدىعىمەن تۇس­پا-تۇس كەلگەن شاھاردىڭ 55 جىلدىق مەرەيتويىنىڭ قارسا­ڭىن­داعى «نۇر وتان» حدپ مۇ­رىندىق بولعان يگى باستاماعا ريزاشىلى­عىن ءبىلدىردى. قۇرامىندا ەسىمى ەلگە بەلگىلى ءانشى-سازگەرلەر – ال­تىنبەك قورازباەۆ, نۇرعالي ءنۇ­سىپ­جانوۆ, سەمبەك جۇماعاليەۆ جانە ايگىلى «گۇلدەر» ءانسامبلى, وليمپيادا چەمپيونى ەرماحان ىبىرايىموۆ سەكىلدى سپورت ساڭ­لاق­تارى بار دەلەگاتسيانى جەرگىلىكتى جۇرتشىلىق اسقان قوناق­جايلىلىقپەن قارسى الدى. ارنايى شارادان سوڭ «مەنىڭ قازاقستانىم» ارنايى پويىزى­نىڭ «جولاۋشىلارى» ءوز جۇمىس­تارىن باستاپ كەتتى. ۆوكزال عيما­را­تىندا اۋەلى دەنساۋلىق ساقتاۋ مينيسترلىگىنىڭ وكىلى ەرنار مىر­زا­قۇلوۆ تۇرعىندارمەن جولىعىپ, ولاردىڭ تالاپ-تىلەكتەرى مەن دەن­ساۋلىعىنا قاتىستى وزگە دە سۇراق­تارىنا جاۋاپتار بەردى. ارقالىق قالاسىنا قارايتىن اۋىلدىق وكرۋگتەردەن دە كەڭەس الۋعا كەلگەن حالىق قاراسى مول بولدى. مۇنان كەيىن «نۇر وتان» حدپ-نىڭ قالالىق فيليالىن­دا­عى قابىلداۋلار دا قاراپايىم حا­لىقتىڭ مۇڭ-مۇقتاجدارى مەن تالاپ-تىلەكتەرىنە ارنالدى. مۇندا­عى حالىقتىڭ سانىندا دا ەسەپ بولمادى. ءتۇرلى ماسەلەلەرمەن كەزەك كۇتكەن جۇرتشىلىققا پارتيا­نىڭ ورتالىق اپپاراتىنان كەلگەن وكىلدەر وزدەرىنىڭ تۇشىمدى كەڭەس­تەرىن بەرىپ وتىردى. تاۋەلسىزدىكتىڭ 20 جىلدىق مەرەيتويىنا دەيىن ارقالىقتا اتقارىلعان جانە اتقارىلۋعا ءتيىس جۇمىستار كوڭىل قۋانتادى. ءما­سەلەن, سوڭعى بەس جىلدا بەس تۇرعىن ءۇي كەشەنى پايدالانۋعا بەرىلسە, جۋىردا مەرزىمىنەن بۇرىن جاڭا توعىز قاباتتى, ەلۋ ءتورت پاتەرلى تۇرعىن ءۇي ءوز يەلەرىن تاپپاقشى. ولاردىڭ ىشىندە بۇ­رىن­عى پاتەر كەزەگىندە تۇرعاندار مەن جاس ماماندار بار ەكەن. كەشكىسىن قالا حالقى ورتالىق «ناۋرىز» الاڭىندا «مەنىڭ قا­زاق­ستانىم» ارنايى پويىزىمەن جول­عا شىققان ەلىمىزدىڭ ەسترادا جۇلدىزدارىنىڭ كونتسەرتتىك باع­دار­لاماسىن تاماشالاپ, ەرەكشە كوڭىل كۇيمەن تاراستى. ءابدىراحمان قىدىربەك, سۋرەتتى تۇسىرگەن  ۆيتالي ساياپين.