تازا سۋ ىشەر كۇن جاقىن

بيىل ەلباسىنىڭ جولداۋىندا اتاپ كورسەتىلگەن حالىقتى ساپالى اۋىز سۋمەن قامتاماسىز ەتۋ ماق­ساتىندا 2011-2020 جىلداردى قام­­تيتىن «اق بۇلاق» باعدارلا­ماسى قابىلداندى. قازىر باعدارلاما اياسىندا ىستەن شىققان سۋ جۇيە­لەرى قايتا قالپىنا كەلتىرىلۋدە. كوكسۋ اۋدانى العاباس اۋىلىندا جەراستى قۇبىرلارىن تولىق اۋىس­تىرۋ ءۇشىن وبلىستىق بيۋدجەتتەن 80 ملن. تەڭگەدەن استام قارجى ءبولىندى. قازىر جوندەۋ جۇمىستارى قارقىندى جۇرگىزىلۋدە. العاباسقا قازان ايىندا تازا اۋىز سۋ كەلەدى. ايتا كەتەتىنى, بۇ­رىنعىداي ۇڭعىمادان ەمەس, تاۋ شاتقالىنداعى قاينار باستاۋى­نان جەتەدى. قازىر مەردىگەر كومپانيا اۋىل سىرتىندا جاڭادان سۋ قويماسىن سالىپ, باستاۋدان قوي­ما­عا دەيىن قۇبىر تارتىپ, جازدىڭ ءار كۇنىن ەسەلى ەڭبەكپەن جالعاۋدا. ارقايسىسى كولەمدى سۋ ساقتايتىن ەكى قويماعا بۇلاق سۋىن تازارتا­تىن قوندىرعى ورناتىلۋدا. وسى­لايشا, جەرگىلىكتى تۇرعىندار تازار­تىلعان, ساپالى بۇلاق سۋىن ىشەتىن بولادى. تاۋ شاتقالىنداعى بۇلاقتان كەلەتىن سۋدىڭ قاشىقتىعى ءتورت شاقىرىمنان اسادى. اۋىل ىشىندەگى جالپى سۋ جۇيەسىنىڭ ۇزىندىعى 6,5 شاقىرىم. بۇگىنگى تاڭدا وسى جۇ­مىستاردىڭ 55-60 پايىزى اتقارى­لىپ قالدى, دەيدى «اي ءومىرحان» جاۋاپكەرشىلىگى شەكتەۋلى سەرىكتەستى­گىنىڭ ديرەكتورى ومىرزاق ۇمبەتوۆ. قازىر تۇرعىندار 70-جىلدارى سالىنعان ۇڭعىمادان سۋ ءىشىپ وتىر. جەراستى قۇبىرلارى توزعان, قازىر جاڭاسىنا اۋىستىرىلۋدا. بۇرىن ءار كوشەدە ءبىر كولونكا بولسا, ەندى ول ءار اۋلاعا تارتىلىپ, جۇمىس جەڭىل­دەدى. سۋ – تىرشىلىك كوزى. دەنساۋلىققا پايدالى تازا سۋدى كوپتەن كۇتتىك. سەبەبى, مۇندا كوبىنە ۇلكەندەر تۇ­رادى. ولار سۋ تاسىماي, ءۇيىنىڭ ءىشىن­دە اعىپ تۇرعان سۋدى پايدالان­عانى جامان با, دەگەن توقتاسىن تولەۋباەۆتىڭ تىلەگى ورىندى. كوكسۋ اۋدانىنداعى ەلدى مەكەن­دەر­دىڭ 90 پايىزى ورتالىقتاندى­رىلعان سۋ جۇيەسىنە قوسىلعان. ور­تالىق جۇيە حالىقتى اۋىز سۋمەن قامتىعانىمەن توزا باستاپتى. «اۋ­ىز سۋ» باعدارلاماسى قولعا الىنعالى 15 ەلدى مەكەننىڭ سۋ جۇيەسى جاڭار­دى. بيىل قابىلدانعان «اق بۇ­لاق» باعدارلاماسىنان دا ءۇمىت كوپ. قا­زىر الداعى جىلعا تەرەكتى, جام­بىل, بالپىق بي جانە مۇقىر اۋ­ىلدا­رىنىڭ سۋ جۇيەسىن ءجون­دەۋ­گە جو­بالىق-سمەتالىق قۇجاتتار داي­ىن­دالۋدا ەكەن. الداعى ون جىلعا جوسپارلانعان «اق بۇلاق» باعدارلاماسى تالاي اۋىلداعى سۋ ماسەلەسىن شەشەتىن بولدى. قۇجاتتا وسى مەرزىمدە ەلدەگى اۋىل حالقىنىڭ – 80,  قالا حال­قىنىڭ 100 پايىزىن ورتالىقتان­دىرىلعان سۋ جۇيەسىنە قوسۋ جوس­پار­لانعانى قۋانتادى. جالپى, حا­لىق «اق بۇلاق» اكەلگەن جاڭا­لىق­قا قىزىعۋشىلىق تانىتىپ وتىر. كۇمىسجان بايجان, الماتى وبلىسى.