جاڭا كاسىپورىنداردان جاقسىلىق مول

ۇدەمەلى يندۋستريالىق-يننوۆاتسيالىق دامۋ باع­دارلاماسى, «جۇمىسپەن قامتۋ-2020», «بيز­نەستىڭ جول كارتاسى-2020», سونداي-اق باسقا دا اسا ماڭىزدى مەملەكەتتىك باعدار­لاما­لار مەن جوبالار «نۇر وتان» حدپ-نىڭ باستى نازارىن­دا تۇرعان ماسەلەلەر. وسىعان وراي, پارتيا ءتور­اعا­سى­نىڭ ءبىرىنشى ورىنباسارى نۇر­لان نىعماتۋلين اقمولا وبلى­سى­نا جا­سا­عان جۇمىس ساپارى بارى­سىندا  «بيزنەستىڭ جول كارتاسى-2020» باع­دار­لاماسى بويىنشا ءىس­كە اسىرى­لىپ جاتقان بىرقاتار نىسانداردى ارالادى. اقمولا وبلىسىندا وسى باع­دار­لامانىڭ ارقاسىندا ءوندىرىس قۋاتىن جىل سايىن ەسەلەپ كەلە جاتقان 20-دان استام كاسىپورىن جۇ­مىس ىستەۋدە. مەملەكەتتىڭ قول­داۋى­نا يە بول­عان كاسىپورىندار ءوزىنىڭ ماتەريال­دىق-تەحنيكالىق بازاسىن جاڭار­تىپ, جاڭا ونىمدەر ءوندىرۋدى قولعا الدى. وسىنداي كاسىپورىنداردىڭ ءبىرى – «تىنىس» زاۋىتى. كاسىپورىن ءورت ءسوندىرۋ قۇرالدارىن, گازدىق تۇيىقتاۋ ارماتۋراسىن, گاز جانە سۋ قۇبىر­لا­رىن سالۋعا ارنالعان ءار­تۇر­لى ديامەتر­لىك پوليەتيلەن قۇبىرلار شىعارادى. زاۋىت ءونىم­دەرى قازاقستاندىق رى­نوك­پەن قاتار, الىس جانە جاقىن شەتەلدەرگە دە جىبەرىلەدى. سوندا-اق, اتالعان زاۋىت 560-1000 مم. ديامەتردەگى پوليە­تي­لەن قۇبىرلار شىعارۋ جونىندەگى جوبانى ىسكە اسىرۋدى جوسپارلاپ وتىر. وعان «بيزنەستىڭ جول كار­تا­سى-2020» باعدارلاماسى باستاماشى بولعان. «مەن «بيزنەستىڭ جول كارتاسى» باعدارلاماسى تۋرالى ءجيى ەستيمىن. ءبىزدىڭ كاسىپورىندا وسى باعدار­لا­مانىڭ ءىس جۇزىندە قالايشا جۇمىس ىستەپ جاتقانىن كوردىم. باعدار­لامانىڭ ارقاسىندا ءبىزدىڭ زاۋىت جاي عانا جۇمىس ىستەپ قويماي, سونداي-اق, ءبىز دە ءوز بىلىكتىلىگىمىزدى ارتتىرىپ جاتىرمىز. ادامداردىڭ جۇمىس ورىندارى بار. وتباسى­لارى­مىزدىڭ اماندىعى دا وسىدان. بۇل ءبىزدىڭ پرەزيدەنتىمىزدىڭ قارا­پايىم ازاماتتارعا دەگەن قام­قور­لىعى دەپ بىلەمىن», – دەپ اتاپ ءوتتى كاسىپورىن جۇمىسشىسى ۆلاديمير كۋلياس. بۇل يگىلىكتىڭ جالعاسى رەتىندە كۇزدە كوكشەتاۋ قالاسىندا جاڭا كاسىپورىن – زاماناۋي ديىرمەن كەشەنىن اشۋ جوسپارلانىپ وتىر. «بيزنەستىڭ جول كارتاسى-2020» باعدارلاماسى بويىنشا بولىنگەن 60 ملن.تەڭگەگە قازىردىڭ وزىندە قا­جەت­تى جاڭا قۇرال-جابدىقتار الىنىپ, ءوندىرىس وڭالىپ كەلەدى. «ءبىزدىڭ وبلىسىمىز ەلىمىزدىڭ باستى سارقىلماس قورىنىڭ ءبىرى بولىپ تابىلادى. سوندىقتان ديىرمەن كەشەنى سياقتى ءوندىرىس وشاعى ءوڭىر ءۇشىن اسا قاجەت. ال «بيزنەستىڭ جول كارتاسى-2020» باعدارلاماسى وسىعان قول جەتكىزۋگە مۇمكىندىك بەردى. كاسىپورىننىڭ ارقاسىندا ادامدار جۇمىس ورىندارىمەن, ال وبلىسىمىز ساپالى ۇنمەن قامتا­ماسىز ەتىلەدى», – دەدى «رامادان پرو» جشس ديرەكتورى ءادىلحان ەرنازاروۆ. اتالمىش باعدارلاما بويىنشا دامىپ كەلە جاتقان نىسانداردى ارالاپ, ولاردىڭ تىنىس-ءتىرشى­لىگىمەن تانىسقان پارتيا توراعا­سىنىڭ ءبىرىنشى ورىنباسارى ونىڭ ماڭىزدىلىعى مەن قاجەتتىلىگىنە توقتالىپ ءوتتى. «ەلباسىمىز, «نۇر وتان» پارتياسىنىڭ توراعاسى نۇر­سۇلتان ءابىش ۇلى نازارباەۆتىڭ تىكەلەي تاپسىرماسى بويىنشا قا­بىل­دانعان «بيزنەستىڭ جول كار­تاسى-2020» باعدارلاماسى قازىردىڭ وزىندە ناقتى ناتيجەلەرىن بەرىپ جاتىر. مىسالى, بۇگىنگى كۇنى وسى باعدارلاما بويىنشا  176 ميلليارد تەڭگەنى قۇرايتىن 480 اسا ماڭىزدى جوبا مەملەكەتتىك قول­داۋ­عا يە بولدى. وسى باعدارلامانىڭ ارقاسىندا ەلىمىزدىڭ جۇزدەگەن كاسىپورىندارى ودان ءارى دامۋىنا مۇمكىندىك الىپ, ال مىڭداعان وتان­داستارىمىز جاڭا جۇمىس ورىن­دارىمەن قامتاماسىز ەتىلدى. بۇل جوبا ءاربىر قازاقستاندىق وتبا­سى­نىڭ بولاشاعىنا تىكەلەي باي­لا­نىستى بولعاندىقتان, «نۇر وتان» حدپ وسى ماڭىزدى باعدار­لامانى ىسكە اسىرۋدى ءوزىنىڭ ەرەكشە با­قى­لاۋىنا الىپ وتىر», دەدى ن.نى­ع­ماتۋلين. «ەگەمەن-اقپارات».