قازاقستان رەسپۋبليكاسى ۇكىمەتىنىڭ قاۋلىسى №554

2011 جىلعى 21 مامىر ,  استانا, ۇكىمەت ءۇيى مەملەكەتتىك مەنشىك بولىپ تابىلاتىن تەمىر جول بويىنشا تەمىر جول قاتىناسىن توقتاتۋ قاعيداسىن بەكىتۋ تۋرالى «تەمىر جول كولىگى تۋرالى» قازاقستان رەسپۋبليكاسىنىڭ 2001 جىلعى 8 جەلتوقسانداعى زاڭىنىڭ 7-بابىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان مەملەكەتتىك مەنشىك بولىپ تابىلاتىن تەمىر جول بويىنشا تەمىر جول قاتىناسىن توقتاتۋ قاعيداسى بەكىتىلسىن. 2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ. قازاقستان رەسپۋبليكاسى ۇكىمەتىنىڭ 2011 جىلعى 21 مامىرداعى № 554 قاۋلىسىمەن بەكىتىلگەن مەملەكەتتىك مەنشىك بولىپ تابىلاتىن تەمىر جول بويىنشا تەمىر جول قاتىناسىن توقتاتۋ قاعيداسى 1. جالپى ەرەجەلەر 1. وسى مەملەكەتتىك مەنشىك بولىپ تابىلاتىن تەمىر جول بويىنشا تەمىر جول قاتىناسىن توقتاتۋ قاعيداسى (بۇدان ءارى – قاعيدا) «تەمىر جول كولىگى تۋرالى» قازاقستان رەسپۋبليكاسىنىڭ 2001 جىلعى 8 جەلتوق­سانداعى زاڭىنىڭ 7-بابىنا سايكەس ازىرلەنگەن جانە مەملەكەتتىك مەنشىك بولىپ تابىلاتىن تەمىر جول بويىنشا تەمىر جول قاتىناسىن توقتاتۋ ءتارتىبىن بەلگىلەيدى. 2. تەمىر جول قاتىناسى دەپ جونەلتۋ جانە مەجەلى پۋنكتتەر اراسىندا تەمىر جول كولىگىمەن جولاۋشى­لاردى, باگاجدى, جۇكتەردى, جۇك-باگاجدى جانە پوشتا جونەلتىلىمدەرىن تاسىمالداۋ تۇسىنىلەدى. وسى قاعيدادا پايدالانىلاتىن وزگە دە ۇعىمدار مەن تەرميندەر قازاقستان رەسپۋبليكاسىنىڭ تەمىر جول كولىگى تۋرالى زاڭناماسىندا بەلگىلەنگەن ماعى­نالاردا قولدانىلادى. 2. مەملەكەتتىك مەنشىك بولىپ تابىلاتىن تەمىر جول بويىنشا تەمىر جول قاتىناسىن توقتاتۋ ءتارتىبى 3. تەمىر جول قاتىناسىن توقتاتۋدى تەمىر جول­داردى ماگيسترالدىق تەمىر جول جەلىسىنىڭ بەلگىلى ءبىر ۋچاسكەسىندە ودان ءارى پايدالانۋ ەكونوميكالىق ورىن­سىز (رەنتابەلدى ەمەس) ەكەندىگىنە بايلانىستى تەمىر جول قاتىناسىن توقتاتۋ قاجەتتىلىگى تۋرالى ۇلتتىق تەمىر جول كومپانياسىنىڭ ۇسىنىسى نەگىزىندە ۋاكى­لەتتى ورگان جۇزەگە اسىرادى. تەمىر جول قاتىناسىن توقتاتۋ تۋرالى ۇسىنىستى ۇلتتىق تەمىر جول كومپانياسى ۋاكىلەتتى ورگانعا جىبەرەدى. تەمىر جول قاتىناسىن توقتاتۋ تۋرالى ۇسىنىس ەركىن نىساندا جاسالادى, ۇلتتىق تەمىر جول كومپانيا­سىنىڭ مورىمەن بەكىتىلەدى جانە ءتيىستى تەمىر جولدار­دى پايدالانا وتىرىپ جۇزەگە اسىرىلاتىن جانە ءتيىستى باعىتتاعى كولىكتىڭ بالاما تۇرلەرىنىڭ بولۋىمەن جولاۋشىلاردى, باگاجداردى, جۇك-باگاجدى جانە/نەمەسە جۇكتەردى تاسىمالداۋ كولەمى تۋرالى دەرەكتەردى, ماگيسترالدىق تەمىر جول جەلىسى وپەراتورى قىزمەتى­نىڭ پايدالانۋ كورسەتكىشتەرى تۋرالى مالىمەتتەردى كورسەتە وتىرىپ, ءتيىستى تەمىر جول ۋچاسكەسىندە قىز­مەت­تى جۇزەگە اسىراتىن تۇلعالاردىڭ تىزبەسىن قامتۋى ءتيىس. ۇلتتىق تەمىر جول كومپانياسىنىڭ ۇسىنىسىنا: 1) تەمىر جول قاتىناسىن توقتاتۋ قاجەتتىلىگى تۋرالى انىقتاما-نەگىزدەمە; 2) تەمىر جول ۋچاسكەسىن كۇتىپ ۇستاۋدىڭ جانە پايدا­لانۋدىڭ شىعىندىلىعىن راستايتىن ەكونومي­كالىق ەسەپ, سونداي-اق قارجىلاندىرۋ كولەمىن ودان ءارى پايدالانۋ ءۇشىن قاجەتتى اقپارات قوسا بەرىلەدى. 4. ۋاكىلەتتى ورگان ۇسىنىستى العان ساتتەن باستاپ وتىز جۇمىس كۇنى ىشىندە تەمىر جول قاتىناسىن توقتا­تۋ تۋرالى ۇلتتىق تەمىر جول كومپانياسى بەرگەن ما­تەريال­داردى قارايدى جانە قازاقستان رەسپۋبليكا­سى قورعانىس مينيسترلىگىنە, اۋماعىندا تەمىر جول ۋچاسكەسى ورنالاسقان جەرگىلىكتى اتقارۋشى ورگانعا جانە باسقا دا مۇددەلى مەملەكەتتىك ورگاندارعا كەلىسۋگە جىبەرەدى. 5. تەمىر جول قاتىناسىن توقتاتۋ تۋرالى ماتەريالدار قاراۋعا جىبەرىلگەن مۇددەلى مەملەكەتتىك ورگاندار, جەرگىلىكتى اتقارۋشى ورگان ولاردى العان كۇنىنەن باستاپ ون جۇمىس كۇن ىشىندە قارايدى جانە كەلىسەدى نەمەسە دالەلدى سەبەپتەرمەن قابىلدامايدى. 6. تەمىر جول قاتىناسىن توقتاتۋ تۋرالى ۇسىنىس­تى مۇددەلى مەملەكەتتىك ورگاندارمەن جانە اۋماعىندا تەمىر جول ۋچاسكەسى ورنالاسقان جەرگىلىكتى اتقارۋشى ورگانمەن كەلىسكەننەن كەيىن, ۋاكىلەتتى ورگان ون جۇمىس كۇنى ىشىندە تەمىر جول قاتىناسىن توقتاتۋ تۋرالى بۇيرىق شىعارادى.