«ەير استانا» ءوز ۇشاقتارىن ۇلتتىق نىشاندارمەن ناقىشتايدى

«ەير استانا» اۋە كومپانيا­سى قازاقستان تاۋەلسىزدىگىنىڭ 20 جىلدىعىنا وراي 10 اۋە كەمەسىن ۇلتتىق نىشاندارمەن جانە «قا­زاقستان تاۋەل­سىز­دىگى» مەن «Ka­zakhstan Independence» جازۋلا­رى­مەن اشەكەيلەگەلى وتىر. ەلى­مىز­دىڭ الەمدەگى ءيميدجىن دامى­تۋعا جانە مەملەكەت ومىرىندە ماڭىزدى وقي­عاعا شەتەلدىكتەردىڭ نازارىن اۋدارۋعا باعىتتالعان بۇل شارا 2011 جىلدىڭ سوڭىنا دەيىن جالعاسپاق. سونىمەن بىرەگەي تاماشا ديزاينمەن «بوينگ 767» جانە «ەير­باس ا320» ۇشاقتارى ناقىش­تا­لا­­تىن بولادى. ۇشاقتاردىڭ فيۋ­زەلياجىنا مەرەيتوي بەينەلەمەسىن سالۋ ءۇشىن ىلعالدىلىققا, ۋل­ترا­كۇل­­گىن ساۋلەلەرگە جانە جو­عارى تەمپەراتۋرا قۇبى­لۋلا­رى­نا توتەپ بەرەتىن, ارنايى سەر­تيفيكاتتالعان, ءوزى جەلىمدەلەتىن پلەنكالار قولدانىلادى. ءاربىر اۋە كەمەسىن ماركەرلەۋگە 10 ساعات شاما­سىن­دا كەرەك بولعاندىقتان جانە بۇل جۇمىس جوس­پارلانعان ۇشۋلار اراسىن­داعى ۇزىلىستەردە عانا جاسالى­نا­تىندىقتان, مەرەيتوي ناقىشتا­رىن جاپ­سى­­رۋ ۇدەرىسى 2011 جىل­دىڭ قىركۇيەگىندە اياقتالادى. قازاقستان تاۋەلسىزدىگىنىڭ 20 جىلدىعى بەينەلەمەسىمەن اشە­كەي­لەنگەن ۇشاقتار 23 ىشكى جانە 31 حالىقارالىق باعىتتارداعى رەيستەردى جۇزەگە اسىرادى. رەتى كەلىپ تۇرعاندا, «ەير استانا» اۋە كومپا­نياسى تاۋلىگىنە ورتاشا العاندا 6093 جولاۋ­شى­نى تاسيتىنىن ايتا كەتەلىك. ايناش ەسالي, الماتى.