16 شىلدە، 2011

ورمان القابى ورتەنۋدە

216 رەت كورسەتىلدى
رەسەيدىڭ ءسىبىر فەدەرالدىق وكرۋگىندە ورىن العان ورمان ءورتىنىڭ اۋماعى سوڭعى ءبىر تاۋلىكتىڭ ىشىندە التى ەسەگە ۇلعايىپتى. سوڭعى مالىمەتتەرگە قاراعاندا، ءتىلسىز جاۋ 242-دەن 1،5 مىڭ گەكتار اۋماقتى جالماعان.  قازىرگى تاڭدا 68 ورمان ءورتىنىڭ وشاعى تىركەلىپ وتىر. تجم-ءنىڭ ءسىبىر ايماقتىق ورتالىعىنىڭ حابارىنا قارا­عاندا، كەشە 457 گەكتاردى قامتىعان 17 ءورت وشاعى ءسون­دىرىلگەن. بۇنىڭ الدىڭعى كۇنى دە 1،5 مىڭ گەكتارلىق 39 ءورت وشاعى اۋىزدىقتالعان بولاتىن. ءورتتىڭ نەگىزگى شىعۋ سەبەبى جاي تۇسكەننەن دەلىنۋدە. اسىرەسە ونىڭ يركۋتسك وبلى­سى مەن كراسنودار ايماعىندا ءجيى تۇتاناتىنى انىقتالىپتى. تۇركيادا تاعى ءبىر قاقتىعىس ورىن الدى تۇرىك اسكەريلەرىنە سەپاراتيستەر تاراپىنان تاعى دا شابۋىل جاسالدى. كۇرد جۇمىسشى پارتياسىنىڭ سودىر­لارى  ديارباقىر پروۆينتسياسىنىڭ تاۋلارىندا تۇركيالىق اسكەريلەردىڭ جولىن توسىپ، ونىڭ 13-ءىن ءولتىرىپ، تاعى 7-ەۋىن جارالاعان. وسى وقيعادان كەيىن پرەمەر-مينيستر رەدجەپ تايپ ەردوگان اسكەر جانە ىشكى ىستەر مينيسترلىگى باسشىلارىمەن جەدەل جيىن وتكىزىپ، تەز ارادا شارا قابىلداۋعا شاقىردى. وتكەن اقپاننان بەرگى بۇل ەڭ ءىرى شابۋىل سانالادى. قاقتى­عىس ورىن العان اۋدانعا تۇرىك اسكەري ۇشاقتارى جونەلتىلدى. ءال-كايداعا اۋەدەن سوققى بەرىلدى يەمەن اسكەريلەرى ەلدىڭ وڭتۇستىگىندەگى ابيان پروۆ­ين­تسياسىندا ورىن تەپكەن «ءال-كايدا» بازالارىنا اۋەدەن سوققى بەردى. بومبالاۋدىڭ ناتيجەسىندە ون سودىر قازا تاۋىپ، تاعى  ونداعان ادام جاراقاتتانعان. شابۋىلشى ۇشاقتار «ءال-كايدا» ءبىر كەزدەرى باسىپ العان زيندجيبار پروۆينتسياسى اكىمشىلىك ورتالىعىنداعى باستى پوليتسيا باسقارماسىن بومبالاعان. اۋەدەن سوققى بەرۋ ءالى دە جالعاسىن تابۋدا. سودىرلار زيندجيبار قالاسىن «يسلام ەميراتىنىڭ» استاناسى ەتەمىز دەپ جاريالاپ تا جىبەرگەن ەدى. سودان بەرى وكىمەت اسكەرى مەن «ءال-كايدا» جاساقتارىنىڭ ارا­سىن­داعى قاقتىعىستان 100-گە تارتا ادام قازا تاپقانى بەلگىلى. زاڭمەن شەكتەۋ قويىلادى بولگاريا پارلامەنتى بۇرىن ۇلت­تىق قاۋىپسىزدىك قىزمەتىندە ىستەگەن نەمەسە ىستەس بولعان ازاماتتاردى ەلدىڭ سىرتقى ىستەر مينيسترلىگىنە جۇمىسقا الۋعا شەكتەۋ قوياتىن زاڭ جوباسىن قابىل­دادى. ەل زاڭ شىعارۋشى ورگانىنىڭ مۇنداي قادامعا بارۋى سوڭعى كەزدەرى ءباسپاسوز بەتتەرىنەن بۇرىنعى كوممۋنيستىك ارنايى قىزمەت ورىندارى قىزمەتكەرلەرى شەت ەلدەردەگى ديپلوماتيالىق ميسسيالاردىڭ 40 پايىزىن قۇراپ وتىر دەگەن مالىمەتتەردىڭ ءجيى جارىق كورۋىمەن بايلانىستى. Eni ۆەنەسۋەلا مۇنايىنان مۇددەلى يتاليالىق Eni كونتسەرنى ۆەنەسۋەلانىڭ مۇناي سالاسىنا 7 ميلليارد دوللار ينۆەستيتسيا قۇيىپ، 2018 جىلى قارا التىن ءوندىرىسىن تاۋلىگىنە 240 مىڭ باررەلگە دەيىن جەتكىزۋدى ماقسات ەتىپ وتىر. بۇل جونىندە كومپانيا باسشىسى پاولو سكاروني ءمالىم ەتتى. وسى ەلدە وتكىزىلگەن ءباسپاسوز-ءماسليحاتىندا ول ۆەنەسۋەلامەن قۇرعان بىرلەسكەن كاسىپورىن ورينوكو وزەنى باسسەينىنەن مۇناي وندىرەتىندىگىن ايتقان. سونداي-اق مۇندا مۇناي ايىرۋ زاۋىتى سالىنىپ، ديزەل وتىنى ەۋروپاعا ەكسپورتتالاتىن بولادى. اقش رەيتينگى تومەندەي مە؟ Standard & Poor s حالىقارالىق رەيتينگ اگەنتتىگى ەگەر كونگرەسس مەمقارىزدىڭ دەڭگەيىن كوتەرۋگە قول جەتكىزگەننىڭ وزىندە اقش-تىڭ ەڭ جوعارى سەنىمدى دەگەن ااا رەيتينگىن تومەندەتەتىندىگىن ءمالىم ەتتى. قازىرگى مالىمەت بويىنشا، مەملەكەتتىك قارىز 14،3 تريلليون دوللارعا جەتكەن. مەم­لە­كەتتىڭ اعىمداعى تولەمدەردى تولەۋگە اقشاسى تاۋسىلعان 2011 جىلدىڭ 2 تامىزىندا اقش-تا دەفولت ورىن الادى دەپ كۇتىلۋ­دە. جاڭا قارىز الۋعا رەسپۋبليكاشىلار قارسىلىق تانىتۋدا. مۇحيت جاعالاۋىندا داق پايدا بولدى قىتايدىڭ رەسمي بۇقارالىق اقپارات قۇرالدارى ەلدىڭ سولتۇستىك-شىعىسىنداعى مۇحيت جاعالاۋىندا اۋ­قىم­­دى مۇناي داعىنىڭ پايدا بولعانىن مويىنداپ وتىر. وسى كەزگە دەيىن ايتىلماي كەلگەن اۋماق 4250 شار­شى كيلومەتردى نەمەسە التى سينگاپۋر اۋماعىن قۇرايدى. بۇدان باسقا 3400 شارشى كيلومەتر اۋماق جارتىلاي بىل­عان­عانى انىقتالىپ وتىر. مەملەكەتتىك وكەانولوگيا باسقار­ماسى تابيعاتقا كەلتىرىلگەن زيان ءۇشىن وتەماقى تالاپ ەتەتىندىكتەرىن مالىمدەگەن. بۇل ايماقتا امەريكالىق ConocoPhillips مۇ­ناي كومپانياسى مەن قىتايلىق CNOOC مەملەكەتتىك كومپ­ا­نيا­سىنىڭ بىرنەشە مۇناي ءوندىرۋشى پلاتفورمالارى ورنالاسقان.   قىسقا قايىرىپ ايتقاندا: ۆەنەسۋەلا پرەزيدەنتى ۋگو چاۆەس راكتان ەمدەلۋ كۋرسىنان ءوتۋ ءۇشىن برازيلياعا جول تارتپاقشى. مۇندا وعان حيميالىق تەراپيا جاسالادى دەپ كۇتىلۋدە. نيۋ-يوركتە التىن باعاسى تاريحي شەگىنە، ياعني ءبىر ترويلىق ۋنتسيا ءۇشىن 1594 دوللارعا جەتتى. ساراپشىلار ونى تامىز ايىنىڭ باسىندا كۇتىلىپ وتىرعان اقش دەفولتىمەن بايلانىستىرۋدا. ەگيپەتتىڭ بۇرىنعى باسشىسى ح.مۋباراك بەيبىت شەرۋشىلەردىڭ قازاسىنا ءوزىنىڭ قاتىسى جوقتىعىن ايتىپ، سوندا 900 مانيفەستانتتىڭ ولىمىنە كىم كىنالى دەگەن سۇراققا جاۋاپ بەرۋدەن قاشقاقتاپ وتىر. اۆستريا ايەلدەر قۇقىن قورعاۋ ۇيىمدارىنىڭ ىقپالىمەن مەملەكەتتىك گيمن ماتىنىنە وزگەرىس ەنگىزۋى مۇمكىن. بۇرىن وندا « ۇلى ۇلدارى» دەپ جازىلسا، ەندى وعان « ۇلى قىزدارى» دەگەن جولدى دا قوسۋ ۇسىنىلۋدا. لوندوندا مۇناي فيۋچەرستەرىنىڭ باعاسى 118،32 دوللارعا دەيىن تومەندەدى. ساۋدا ناتيجەسىندە Brent مۇنايىنا باعا 0،46 دوللارعا تومەن سىرعىعان. ال نيۋ-يوركتە قارا التىن باعاسى 95،69 دوللارعا ءتۇستى.

ينتەرنەت ماتەريالدارى نەگىزىندە ازىرلەندى.

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار