12 شىلدە، 2011

جۇمىسسىزدىق دەڭگەيى كەمىدى

231 رەت كورسەتىلدى
ەلباسى نۇرسۇلتان نازارباەۆ بيىلعى جولداۋىندا الەۋمەتتىك سالاعا كوپ كوڭىل ءبولدى. راسىندا، حالىقتىڭ كوڭىل-كۇيى وسى الەۋ­مەتتىك ماسەلەلەرگە تىكەلەي بايلانىستى ەكەنى بەلگىلى. سوندىق­تان الەۋمەتتىڭ الەۋەتىن ارتتىرا ءتۇسۋ باستى ماسەلەلەردىڭ ءبىرى بولىپ قالا بەرمەك. پرەزيدەنت «ۇكىمەت بيزنەس قوعامداستىعىمەن بىرلەسىپ، يندۋستريالىق نىساندارعا جۇمىس ىستەگىسى كەلەتىن ادامدارعا تەگىن كاسىپتىك وقۋدى ۇسىنۋى قاجەت. ءاربىر قازاق­ستان­دىقتىڭ ەلدى اۋقىمدى يندۋستريالاندىرۋعا قاتىسۋىنا مۇمكىندىك تۋعىزۋى كەرەك» دەۋى دە وسىنداي مىندەتتەردەن تۋىنداعان. «جول كارتاسى» باعدارلاماسى ايا­سىندا كوپتەگەن جۇمىستار اتقا­رىل­دى، جۇمىسسىزدىق دەڭگەيى قىس­قاردى. بۇعان مىسالدى قازالى اۋ­دانىندا اتقارىلعان ءىس-شارالارعا قاراپ بايقاۋعا بولادى. «جول كارتاسى» ءىس-قيمىل جوس­پارىنىڭ ورىندالۋىنا بايلانىس­تى اۋداندا 2010 جىلى 13 جوبا قارا­لىپ، ناقتى 297 جاڭا جۇمىس ورنى اشىلۋ بەلگىلەنگەن بولاتىن. بۇل الەۋمەتتىك جوبالار بويىنشا 8 مەردىگەر جەڭىمپاز اتاندى. اتال­عان 8 مەردىگەرمەن كەلىسىم-شارتقا وتى­رۋ ناتيجەسىندە 297 جۇمىسسىز جۇمىس­قا جىبەرىلىپ، الەۋ­مەت­ىك جوبا بويىن­شا اشىلاتىن جاڭا جۇ­مىس ورىن­دارى 100 پايىزعا ورىندالدى. سول سياقتى ماماندىعى بار جۇ­مىسسىز جاستاردى تاجىريبەدەن ءوت­كىزۋ، الەۋمەتتىك جۇمىس ورىن­دارىنا جىبەرۋ ءۇشىن 60 ملن.تەڭگە رەسپۋب­لي­كالىق بيۋدجەتتەن قارجى ءبولىنىپ، 2010 جىلى مەنشىك نىسا­نى­نا قارا­ماس­تان 117 مەكەمەمەن كەلىسىم-شارت­قا وتىرۋ ارقى­لى جۇ­مىس ىزدەۋشى رەتىندە تىركەۋدە تۇر­عان 464 ادام ءوز ما­ماندىق­تارىنا سايكەس جاستار ءتا­جىري­بەسىنە، 37 جەكە تۇلعالارمەن كە­لى­سىم-شارتقا وتىرۋ ارقىلى 203 ادام الەۋ­مەتتىك جۇمىس ورىندارىنا جىبەرىلدى. «جاس­تار ءتاجى­ريبەسى» بو­يى­نشا جىبەرىلگەن مامان­دار­دىڭ 78-ءى، الەۋمەتتىك جۇمىس ورىن­دارىنا جىبەرىلگەندەردەن 49 ادام جۇمىسقا ورنالاستى. «جول كارتاسى» بويىنشا اۋ­دان­داعى №5، №8 كاسىپتىك ليتسەيلەردە ات­قارىلاتىن جوبالارعا ءساي­كەس تراكتوريست-ماشينيستكە – 25، اۆتوكولىك تەح­ني­كالىق قىزمەت كور­سەتۋ جانە ءجون­دەۋ­گە – 25، سلەسار-سانتەحنيككە – 25، كىر­پىش قالاۋ­شى­عا – 25، گاز جانە ەلەكتر­مەن دانە­كەرلەۋشىگە  – 25، بار­لىعى 122 جۇ­مىسسىز اتالعان مامان­دىقتار بويىن­شا قىسقا مەرزىمدى كۋرس­تا وقىتىلدى. كەنتتەگى №5 كاسىپتىك ليتسەيدەن وقۋ بىتىرگەن 50 جۇمىسسىزدان 20 ادام، قازالى قالاسىنداعى №8 كا­سىپتىك ليتسەيدەن وقۋ بىتىرگەن 75 جۇ­مىسسىزدان 16 ادام، بارلىعى 36 ادام مەكەمە­لەر­دىڭ قاجەتتىلىك سۇ­را­نىستارىنا سايكەس ءار ءتۇرلى مەكەمەلەرگە جۇمىسقا تۇردى. «جول كارتاسىنا» بايلانىستى جۇمىسسىزدارعا كاسىپتىك دايارلاۋ ءجا­نە قايتا دايارلاۋ كۋرستارىن ۇيىم­داس­تىرۋ بارىسىندا 2010 جىلى ەنگىزىلەتىن يننوۆاتسيالىق جوبالارعا، اسىرە­سە، «باتىس ەۋروپا – باتىس قى­تاي» جوبا­سىنا قاجەتتى مامانداردى دا­يىن­داۋ ماقساتىندا قىزىلوردا قالا­سىن­داعى «تەح مامان» جاۋاپكەرشىلىگى شەكتەۋلى سەرىكتەستىگى ارقى­لى 5 جۇمىسسىز ءوز وتىنىشتەرى بو­يىن­شا قىسقا مەرزىمدى 2 ايلىق كۋرستا وقى­تى­لىپ، 4-ەۋى جۇمىسقا ور­نا­لاستىرىل­دى. بيىلعى جىلى اۋدان­دىق بيۋدجەتتەن بولىنگەن قارجىعا      «رزا-اگرو» جشس-نىڭ سۇ­­را­­نىسى بو­ي­ىنشا تۇكتى­باەۆ اۋى­لىندا №8 كاسىپتىك ليتسەيدىڭ ارنايى في­ليالى اشىلىپ، 23 جۇ­مىسس­ىز تراكتوريست-ماشينيست مامان­دى­عىنا وقى­تى­لىپ، ءبىلىم الىپ شىق­تى. ولار دا جۇمىسپەن قامتىلدى. «باتىس ەۋروپا – باتىس قىتاي» حالىقارالىق ترانزيتتىك كولىك ءدالى­زىن قايتا جاڭارتۋ ماقساتىندا اۆتوموبيل جولىنىڭ قايتا سالۋ جوبا­سىن ىسكە اسىرۋعا جۇمىس جاساپ جات­قان مەردىگەر مەكەمەلەر 2010 جىلى اۋداننان 60 جۇمىسسىزدى ارنايى جولدامامەن جۇمىسقا قابىلداسا، بيىلعى جىلدىڭ 5 ايىندا 99 ادام جۇمىسقا جىبەرىلدى. وتكەن جىلى اۋدان بويىنشا تۇر­مىستىق جاعدايى كەدەيشىلىك شەگى­­نەن تومەن 305 وتباسىنىڭ 1638 مۇشەسىنە 15771،4 مىڭ تەڭگە اتاۋلى الەۋمەتتىك كومەك تاعايىندالىپ، تولەندى. بۇل الەۋمەتتىك تولەمدەر بيىلعى جىل­دىڭ 5 ايىندا وتكەن جىلدىڭ وسى كە­زەڭىمەن سالىستىرعاندا 165 وتباسىعا، 2788،3 مىڭ تەڭگەگە قىسقاردى. جاڭادان بەكىتىلگەن «جۇمىس­پەن قامتۋ-2020» باعدارلاماسىن جۇزە­گە اسىرۋعا بايلانىستى اۋدان اكىمىنىڭ قاۋلىسىمەن «اۋداندىق جۇمىسپەن قامتۋ ورتالىعى» قۇرى­لىپ، مامان­دارى جاساقتالۋ ءۇستىن­دە. جىل ارتقان سايىن جۇمىس­سىز­دار سانى دا ازايىپ كەلەدى. ال مۇنىڭ ءبارى مەملەكەت ءجۇر­گىزىپ وتىرعان سىندارلى ساياسات­تىڭ ارقاسى ەكەنى ايداي انىق. جاپپاربەرگەن جالعاسباي، قازالى اۋداندىق جۇمىسپەن قامتۋ جانە الەۋمەتتىك باعدارلامالار ءبولىمىنىڭ باستىعى.
سوڭعى جاڭالىقتار

اماناتقا ادالدىق

ادەبيەت • كەشە

ديلليان ۋايت قاھارىنا ءمىندى

كاسىپقوي بوكس • كەشە

ۇقساس جاڭالىقتار