12 شىلدە، 2011

كۇلكى – كوڭىل اجارى

271 رەت كورسەتىلدى
رەسپۋبليكالىق كوڭىلدىلەر مەن تاپقىرلار كلۋبىنىڭ فينالدىق ويىنى زايسان قالاسىندا مارەسىنە جەتتى جاقىندا ەلىمىزدىڭ شىعىسىنداعى  زايسان قا­لا­سىندا ەل ەسىندە قالاتىنداي ەلەۋلى وقيعا بولىپ ءوتتى. بۇل ءدۇبىرلى باسەكە ەل تاۋەلسىزدىگىنىڭ 20 جىلدىعىنا ارنالدى. كوڭىلدىلەر مەن تاپقىرلاردىڭ ويىنىن زايسان قالاسىندا وتكىزۋدىڭ وزىندىك ءمانى بار. كورشى مەملەكەت قىتايمەن شەكارالاس جاتقان اۋدان ەكونو­ميكا­سى كۇرت دامىپ كەلەدى. زايسان قالاسىنىڭ ورتالىق كوشە­لە­رى­نىڭ ءبىرى استانا اتاۋىمەن اتالماق. جاقىندا تاۋەل­سىزدىك سيمۆولى – بايتەرەك مونۋمەنتى ورتالىق الاڭدا ورناتىلدى. اۋدان اكىمى سەرىك ءزاينۋلديننىڭ باستا­ماسىمەن بارلىق ەلدى مەكەندەردە اعاش كو­شەت­تەرى وتىرعىزىلىپ، اۋلالار مەن كوشەلەر تازارتىلدى. اۋدان تۇرعىندارى 20 جىلدىققا ارناپ 20 مىڭ اعاش كوشەتىن وتىرعىزدى. حوش، سونىمەن گۇلدەنگەن، نۇرلانعان زايسان قالا­سى ەلىمىزدىڭ ءار ايماعىنان كەلگەن ونەرلى جاستاردى ءوزى­نە جينادى. وبلىس اكىمىنىڭ كۋبوگى جۇلدەسىنە ارنال­عان قازاقشا رەسپۋبليكالىق كوڭىلدىلەر مەن تاپقىر­لار كلۋبى ويىندارىنىڭ اقتىق مارەسى اۋداندىق مادەنيەت ءۇي­ىندە ۇيىمداستىرىلدى. وعان جيىنى سەگىز كوماندا قاتىستى. ولاردىڭ قاتارىندا كورەرمەن­دە­رىنە ۇيدەگى كوگىلدىر ەكران ارقىلى جاقسى تانىس ال­ماتى  قالا­سىنان كەلگەن «ارمان قالا»، تاراز قالاسى­نان كەلگەن «تاراز-2000»، قىزىلوردالىق «قىزىق وردا»، سونى­مەن قاتار، وسكەمەننەن كەلگەن «قوشەمەت»، سەمەي قا­لاسىنان كەلگەن «سەمەي» جاستار قۇراماسى، سەمەيلىك تاعى ءبىر كوماندا «اليانس»، كوكپەكتى اۋد­ا­نىنان كەلگەن «تولاعاي تەنتەكتەرى» كوماندالارى بول­دى. ال اۋ­داننىڭ نامىسىن بىلتىرعى جىل بويىنشا وبلىستىق ويىنداردىڭ جەڭىمپازى، رەسپۋبليكادا اي­شىقتى وي­ىندارىمەن، ساليقالى ازىلدەرىمەن تانىلىپ جۇرگەن  «نۇر زايسان» كومانداسى قورعادى. ويىندى باستان اياق قازاقستان «كۆن» وداعى قازاق ليگاسىنىڭ پرەزيدەنتى ەسەن ەلەۋكەن جۇرگىزىپ وتىردى. ال قازاق­ستان­نىڭ ءار ايماعىنان جينالعان ونەرلى جاستاردىڭ رەس­پۋب­ليكالىق «زايسان-2011» فەستيۆالىن اۋدان اكىمى، جاس­تاردىڭ جاناشىرى س.زاينۋلدين قۇتتىقتاۋ سوزبەن اشتى. – قۇرمەتتى قوناقتار، ەلىمىزدىڭ ءار قالاسىنان ات ارىتىپ كەلگەن جاستار! سىزدەرگە كيەلى زايسان جەرىنە قوش كەلدىڭىزدەر دەيمىز. سىزدەردى وبلىس اكىمى بەردىبەك ساپارباەۆتىڭ كۋبوگى جۇلدەسىنە ارنالعان، 140 جىلدىق تاريحى بار زايسان قالاسىندا ءوتىپ جاتقان رەسپۋبليكالىق كوڭىلدىلەر مەن تاپقىرلار كلۋبىنىڭ فەستيۆالىنە قاتىسۋلارىڭىزبەن قۇتتىقتايمىن. بارلىق كوماندالارعا شىنايى باسەكەلەستىك، ساتتىلىك جانە جەڭىس تىلەيمىن، – دەدى اۋدان اكىمى. تالانتتى جاستاردىڭ دۋماندى باسەكەسىن وسى دو­داعا قاتىسپاسا دا، ونەرلەرىن كورسەتىپ قايتۋدى ماقسات ەتكەن اياگوز اۋدانىنان كەلگەن جاستار كومانداسى باستادى. وسىدان كەيىن-اق، زال تولى جاستاردى تاپقىر ازىلدەرىمەن، كۇلكىلى كورىنىستەرىمەن، قىزىقتى قيمىل­دارىمەن باۋراپ العان فەستيۆال جالعاسىپ كەتتى. ەكى ساعاتتان استام ۋاقىتقا سوزىلعان كىلەڭ ونەر­پاز جاستاردىڭ جارىسىندا قازىلار القاسىنا جەڭىم­پازداردى انىقتاۋ وڭايعا تۇسكەن جوق. فەستيۆالدىڭ قورىتىندىسىندا قۇرامىندا اۋدان اكىمىنىڭ ورىنبا­سارى رۋسلان قايىرسىنوۆ، «قازاقستان كۆن وداعى» جاستار قوعامدىق بىرلەستىگىنىڭ اتقارۋشى ديرەكتورى ناعي باقىتبەكوۆ، وبلىستىق ىشكى ساياسات باسقار­ما­سى­نىڭ جاستار جانە ۇكىمەتتىك ەمەس ۇيىمدارمەن جۇمىس جونىندەگى باس مامانى ەربولات وشاقباەۆ، تارباعاتاي اۋداندىق «تولاعاي» جاستار قوعامدىق بىرلەستىگىنىڭ جەتەكشىسى ەرمەك قۇرمانعاليەۆ، اۋداندىق «دوستىق» گازەتىنىڭ ديرەكتور-رەداكتورى داۋرەن اللابەرگەن ۇلى بار قازىلار القاسى تومەندەگى ۇزدىك ونەر كورسەتكەن كوماندالاردى جەڭىمپاز دەپ تاپتى. كوڭىلدى كورىنىستەرىمەن، ساۋاتتى ۇتقىر ازىلدەرىمەن زال تولى كورەرمەندەردى باۋراپ العان «تاراز-2000» كومانداسى ءبىرىنشى ورىنعا، ادەمى ازىلدەرىمەن، كوز تارتار كيىمدەرىمەن كورەرمەندەر ەسىندە ۇزاق قالعان زايساندىق «نۇر زايسان» جانە الماتىلىق «ارمان قالا» كومان­دالارى ەكىنشى ورىنعا، قىزىلوردا قالا­سىنان كەلگەن «قىزىق وردا» جانە سەمەيلىك «اليانس» كوماندالارى ءۇشىنشى ورىنعا يە بولدى. جۇلدەلى ورىن العان كوماندالار وبلىس اكىمىنىڭ جۇلدەلەرىمەن مارا­پاتتالدى. بۇدان باسقا فەستيۆالگە قاتىسقان بارلىق كوماندالارعا اتا­لىمدار بويىنشا ماراپاتتار مەن سىيلىقتار تاپسى­رىلدى. فەستيۆال سوڭىندا وڭىرگە العاش كەلىپ تۇرعان ەسەن ەلەۋكەندى سوزگە تارتقان بولاتىنبىز. – بۇگىن شىعىس قازاقستان وبلىسىنىڭ زايسان قا­لا­سىندا رەسپۋبليكالىق ۇلكەن كۆن فەستيۆالى بولىپ ءوتتى. اۋداندىق دەڭگەيدەگى شاعىن قالادا وسىنداي ءۇل­كەن جيىن جاقسى ۇيىمداستىرىلعان ەكەن. كوڭىلىمىز تولدى. وسىندا جۇمىس ىستەپ جاتقان، وبلىستىق، اۋداندىق ىشكى ساياسات سالاسىنىڭ ماماندارىنا اتالمىش شارا­نىڭ باسى-قاسىنان تابىلعان جاستارعا ريزامىز. ارايلىم ەسىمبەكوۆا جەتەكشىلىك ەتەتىن اۋداندىق «باستاۋ-زايسان جاستارى» قوعامدىق بىرلەستىگىنىڭ جۇمىسى وتە جاقسى جولعا قويىلعان ەكەن. مۇنداي جيىندى وتكىزۋگە قولداۋ ءبىلدىرىپ وتىرعان اۋدان باسشىسى سەرىك زاينۋلدينگە ءوزىمنىڭ جانە جاس­تار­دىڭ اتىنان ۇلكەن العىسىمدى ايتامىن. زايسان قالاسى كوركىمەن كوز تارتادى ەكەن، دەدى ول ءسوزىن تۇيىندەپ. وڭداسىن ەلۋباي، داۋرەن اللابەرگەن ۇلى، جۋرناليست. شىعىس قازاقستان وبلىسى. سۋرەتتە: اۋدان اكىمى سەرىك زاينۋلدين مەن ەسەن ەلەۋكەن ۇزدىكتەردى ماراپاتتاپ تۇر.
سوڭعى جاڭالىقتار

ءابىلحان كاسىپقوي بوكسقا اۋىستى ما؟

كاسىپقوي بوكس • بۇگىن، 12:39

7361 تۋريست ەلگە ورالدى

قوعام • بۇگىن، 12:20

رەزەرۆتە قانشا دارىگەر بار؟

كوروناۆيرۋس • بۇگىن، 12:16

ەلدە شەكتەۋ شارالارى كۇشەيتىلدى

كوروناۆيرۋس • بۇگىن، 11:45

قانات يسلام رەيتينگتە تومەندەدى

كاسىپقوي بوكس • بۇگىن، 10:30

«سارى» ايماقتا جالعىز-اق ءوڭىر قالدى

كوروناۆيرۋس • بۇگىن، 09:56

1142 ادام كوروناۆيرۋستان ساۋىقتى

كوروناۆيرۋس • بۇگىن، 09:05

جانىبەك ءتورتىنشى ورىندا

بوكس • بۇگىن، 08:59

قاڭتاردا اداسقان قارشىعا

قازاقستان • بۇگىن، 08:57

تۇڭعىش رەت قاتىسادى

قىسقى سپورت • بۇگىن، 08:55

شىرشالار «شىرىلدامايدى»

ايماقتار • بۇگىن، 08:52

بۋبليك ەكىنشى كەزەڭگە ءوتتى

تەننيس • بۇگىن، 08:50

ۇقساس جاڭالىقتار