09 شىلدە، 2011

1 ميلليارد تەڭگەگە تەحنيكا الىندى

229 رەت كورسەتىلدى
اۋىز سۋ – ءومىر، دەنساۋلىق. وڭتۇستىكتە 900-دەن استام اۋىلدار بار بولسا سونىڭ 512-سىندە اۋىز سۋ ماسەلەسى كۇردەلى كۇيىندە قالىپ كەلدى. قازىر اۋىلداردىڭ جانىنان كۇركىرەپ اعىپ جاتقان وزەندەر جوق. بولعان جاعدايدا دا تازارتىلماي ىشىلگەن سۋ قاۋىپتى. وبلىستىق اكىمدىك قۇدىقتان نەمەسە تا­سى­مالداپ سۋ ءىشىپ وتىرعان اۋىلداردىڭ پروبلە­ماسىن شەشىپ، تاۋلىگىنە 24 ساعات تازا سۋ بەرۋگە بارشا مۇمكىندىكتەردى جاساپ جاتىر. ونىڭ سىر­تىندا ۇيىق باسقان ارىقتاردى تازارتۋ، درەناج جۇيەلەرىن جاڭارتۋ بار. مۇنىڭ بارىنە تەحنيكا كەرەك. جىل سايىنعى مەملەكەتتىك سا­تىپ الۋدا جەڭىپ العان مەردىگەر­لەردىڭ كوبىنىڭ ارتىنان ارىز بوراپ جاتادى. ء“ىس ءبىتتى، قۋ كەتتى”. قازاننىڭ قۇلاعىن ۇستا­عان­دارعا ۇستاتا­تىن­دارىن  بىلاي قويعاندا، وزىندە قالاتىن پاي­دانى كوبەيتۋ ءۇشىن تازا قۇبىردىڭ ورنىنا بۇرىنعى ءوندىرىس ورىن­دارىنان قازىلىپ ال­ىنعان، ىشىنەن جەرماي ءيىسى اڭقىعان، سىرتىن توت جەگەن قۇبىرلاردى سالىپ بەرىپ، سىتىلىپ كەتەتىندەر بار. مۇن­داي كوزبوياۋ­شىلىقتاردان قۇتىلۋدىڭ جولى – اۋدان-قالالارداعى سەرۆيستىك ورتالىق­تاردى كۇشەيتىپ، اۋدان، قالا اكىم­دىگىنە قا­راستى مەملەكەتتىك قازىنالىق كاسىپ­ورىن­دار­دى ارنايى تەحنيكالارمەن قامتاما­سىز ەتۋ. وبلىستىق اكىمدىك وبلىستىق ءماسلي­حات­پەن كەلىسە وتىرىپ وبلىستىق بيۋدجەتتەن 954 ملن. تەڭگەگە 221 دانا تەحنيكا مەن قون­دىر­عى سا­تىپ الىپ، اۋدان، قالالارداعى مەكەمەلەرگە ءبولىپ بەردى. اتاپ ايتساق، اۆتوكران، تراكتور-ەكسكاۆاتور، دوڭعالاقتى تراكتور، تراك­تور تىركەمەسى، شەبەرحانا اۆتوكولىگى، جىلجى­مالى كومپرەسسور، گازبەن دانەكەرلەۋ جابدىعى، مەتالل جونۋ ستانوگى، سۋ سورعىش جانە جۇك تاسۋ مەن اۆتوتيەگىش تەحنيكالار سەرۆيستىك ورتا­لىق­تاردىڭ ءبىر قولىن ەكى ەتتى دەسە دە بولادى. تەحنيكالار شىمكەنتتەگى ءال-فارابي الا­ڭىندا مەملەكەتتىك كوممۋنالدىق كاسىپورىن باسشىلارى مەن تەحنيكا جۇرگىزۋشىلەرىنە تابىس ەتىلدى. – 2009 جىلى وبلىستا 96 كوممۋنالدىق كاسىپورىندار بولدى، – دەدى وبلىس اكىمى اس­قار مىرزاحمەتوۆ. – ولارعا تالداۋ جۇرگىزگە­نىمىزدە توقسانعا جۋىعىنىڭ اتى بار دا زاتى جوق بو­لىپ شىققاندىقتان تاراتتىق. ولا­ر­دىڭ جىل­دىق تابىسى 5-10 ملن. تەڭگە بولىپ كەلگەن ەكەن. وڭتايلاندىرۋ، جاڭا تەحنيكالا­ر­مەن قامتا­ما­سىز ەتۋ ارقىلى 500 ملن. تەڭگەگە تابىسقا شىقتى. 2010 جىلى 47 سۋ شارۋاشىلىعىنا بيۋد­جەتتەن 725 ملن. تەڭگە قارالعان بولسا، ءوزى­­مىز­دىڭ قازىنالىق كاسىپ­ورىندارىمىزدىڭ ەسە­­بىنەن 275 ملن. تەڭگە ۇنەمدەلدى. سوندىق­تان، بۇل باعىت وزىنە ارتىلعان سەنىمدى اقتادى. وبلىس اكىمى وسى ارناۋلى تەحنيكالار اۋىز سۋ، اۋىلداردى گازداندىرۋ، كانالداردى تازارتۋ سياقتى جۇمىستاردا جاقسى جەمىس بەرەتىندىگىنە سەنەتىندىگىن، تاۋەلسىزدىكتىڭ 20 جىلدىعىنا ارنالعان تارتۋ ەكەندىگىن ايتتى. تۇساۋكەسەردە ءسوز العان وبلىستىق ءماسلي­حاتتىڭ دەپۋتاتى امانۇللا رامانقۇلوۆ سەرۆيستىك ورتالىقتاردى اۋدان بيۋدجەتى ەسەبىنەن دە قولداۋ قاجەتتىگىنە توقتالىپ، وسى تەحني­كالارعا قوسىمشا 4 بۇرعىلاۋ قوندىرعىسى ساتىپ الىنعاندىعىن ايتتى. ياعني، قۇدىق­تاردى بۇرعىلاۋ جەكەنىڭ ەمەس، مەملەكەتتىڭ ەسەبىنەن جۇرگىزىلەدى. حالىققا پايداسى ءۇل­كەن. اۋدان، قالا اكىمدەرىنىڭ اتىنان 29 تەح­ني­كاعا يە بولعان ماقتاارال اۋدانىنىڭ اكىمى سەرىك تۇربەكوۆ وبلىس اكىمدىگى مەن وبلىستىق ماسليحاتقا ريزاشىلىعىن ءبىلدىردى. جاڭا تەح­نيكاعا يە بولعان جۇرگىزۋشىلەر ەندى كۇر­مەۋلى ماسەلەلەردى ءوزىمىز شەشە الامىز دەيدى. باقتيار تايجان. وڭتۇستىك قازاقستان وبلىسى.
سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ددسۇ QazVac-تى قاشان مويىندايدى؟

كوروناۆيرۋس • بۇگىن، 12:35

ۇقساس جاڭالىقتار