09 شىلدە، 2011

پرەزيدەنت پوشتاسىنان

182 رەت كورسەتىلدى
استانا – شىعىس پەن باتىس اراسىنداعى كوپىر مەملەكەت باسشىسى نۇرسۇلتان نازارباەۆتىڭ اتىنا «وپەراليا» IV حالىقارالىق فەستيۆالىنە قاتىسۋشىلاردان – يتاليا، گەرمانيا، گوللانديا، نورۆەگيا مەن رەسەيدىڭ الەمدەگى تا­نىمال وپەرا انشىلەرىنەن وسى حالىقارالىق مۋزىكالىق فو­رۋمدى تاماشا ۇيىمداستىرعانى جانە جىلى شىرايلى قا­بىل­داۋى ءۇشىن زور ريزاشىلىقتارىن بىلدىرگەن حات كەلدى، دەپ حا­بار­لادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. «قازاقستاننىڭ جاس ەلور­دا­سى – استانا ءوزىنىڭ دامۋ سەرپىنىمەن، جاڭا زور زاماناۋي عيما­راتتارىمەن ءبىزدى قايران قال­دىر­دى. ءبىزدى، اسىرەسە، تاۋەل­سىزدىك سارايى، بەيبىتشىلىك جانە كەلىسىم سارايى، «قازاقستان» ور­تالىق كونتسەرت زالى، «ونەر» ۇلت­­تىق ۋنيۆەرسيتەتى ءتارىزدى جاڭا بىرەگەي مادەنيەت نىساندارى­نىڭ قۇرىلىسى قۋانتتى. سونى­مەن قاتار، ءبىز ەڭ جوعارى تا­لاپتارعا سايكەس كەلەتىن، بۇگىندە الەمدەگى وسىنداي تۇردەگى عي­ماراتتار سانالاتىن وپەرا تەات­رىنىڭ جاڭا عيماراتىمەن تا­نىستىق. وسىدان-اق ءبىز ءسىزدىڭ مادەنيەت پەن ونەردى دامىتۋعا ەرەكشە كوڭىل قوياتىنىڭىزدى باي­قادىق. سونداي-اق، ءبىزدى قا­زاق­ستاندىق ارتىستەردىڭ جىلدان-جىلعا ارتىپ كەلە جاتقان جوعا­رى كاسىبي جانە شەبەرلىك دەڭ­گەي­لەرى ءسۇيسىنتتى. وسىنداي قام­قورلىقتىڭ ارقاسىندا ولار بەدەلدى بايقاۋلاردا ءجيى جەڭىمپاز اتانىپ ءجۇر. الەمدىك داعدارىس جاعدايىندا، الەمنىڭ جەتەكشى ەلدەرىندە مادەنيەت قيىندىقتى باستان كەشىپ وتىرعان ۋاقىتتا قازاقستاندا ونەردىڭ ەڭ تاڭداۋ­لى ءتۇرى – وپەرا مەن بالەتتىڭ قايتا ورلەۋ ءداۋىرى باستالدى. قازاقستاندىق ارتىستەر كوپتەگەن قويىلىمداردا الەمدىك جۇلدىز­دارمەن تەڭ دەڭگەيدە ونەر كور­سەتىپ كەلەدى. ءبىزدىڭ قازاقستان­دىق ارىپتەستەرىمىز ءسىزدىڭ وپەرا مەن بالەت ونەرىن قادىرلەي­تى­نى­ڭىزدى، جاڭا قويىلىمداردىڭ بار­لىق پرەمەراسىنا باراتى­نى­ڭىز­دى ماقتانىشپەن ايتىپ بەردى. ءبىز بۇگىندە قازاقستاندىق تەاترلاردىڭ رەپەرتۋارلارى قان­شا­لىقتى ءارتۇرلى ەكەنىن كو­رىپ وتىرمىز. قازاقستان ساحنالا­رىن­دا كوپعاسىرلىق تاريحى بار، الەمنىڭ كەز كەلگەن تەات­رى­نىڭ رەپەرتۋارىن بايىتا تۇسە­تىن الەمدىك كلاسسيكالىق تۋىن­دى­لار قويىلۋدا. بۇگىندە قازاق­ستان، ونىڭ اسەم ەلورداسى استانا تەك ەۋرازيا جۇرەگى عانا ەمەس، سون­داي-اق شىعىس پەن باتىستى، مادەنيەت پەن وركەنيەتتى جال­عاس­تىراتىن كوپىر بولىپ تابى­لادى. ەلوردا كۇنى قارساڭىندا سىزگە دەنساۋلىق، باقىت، تولاي­ىم تا­بىس­تار جانە سارقىل­ماي­تىن شا­بىت تىلەيمىز!» دەلىنگەن حاتتا. حات اۆتورلارى – وپەرا ءان­شىلەرى سالۆاتورە ليچيترا (يتا­ليا)، اماريللي نيتستسا (يتا­ليا)، تيتسيانو كارۋزو (يتاليا)، فرانچەسكو انيلە (يتاليا)، كارلو دي كريستوفورو (يتاليا)، روبەرتو دي كانديا (يتاليا)، ۆيليام گراتسيوزي (يتاليا)، دينۋ تاماجلاكارۋ (گەرمانيا)، يانا سالەنكو (گەرمانيا)، يۋرگتيا درونين (گوللانديا)، يوەل كاررەنو (نورۆەگيا)، اناستاسيا ماتۆيەنكو (رەسەي)، دەنيس ماتۆيەنكو (رەسەي)، ۆلاديمير مالاحوۆ (گەرمانيا) جانە نادەجدا سايداكوۆا (گەرمانيا).
سوڭعى جاڭالىقتار

پولياك اندەرى ورىندالدى

ونەر • بۇگىن، 09:00

ءتورت تىلدە جازىلعان كىتاپ

ايماقتار • بۇگىن، 08:55

كەلەسى قارسىلاس – سەربيا

تەننيس • بۇگىن، 08:51

ءوندىرىس ورىستەگەن ءوڭىر

ايماقتار • بۇگىن، 08:49

سۇرانىس پەن ۇسىنىستىڭ اراسى

ءبىلىم • بۇگىن، 08:43

ىرىستى ىنتىماقتىڭ ۇيىتقىسى

ەلباسى • بۇگىن، 01:03

ينۆەستيتسيا ءۇشىن تارتىمدى ەل

تاۋەلسىزدىكتىڭ 30 جىلدىعى • بۇگىن، 00:38

كونە مۇرالار – حالىق قازىناسى

رۋحانيات • بۇگىن، 00:12

اتام ايتقان جارىق جۇلدىز

تاۋەلسىزدىكتىڭ 30 جىلدىعى • بۇگىن، 00:04

يراننىڭ تاڭداۋى

ساياسات • كەشە

ۇقساس جاڭالىقتار