تەلەفون ارقىلى سويلەستى

قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ پەن رەسەي فەدەراتسياسىنىڭ پرەزيدەنتى دميتري مەدۆەدەۆ تەلەفون ارقىلى سويلەستى, دەپ حابارلادى قا­زاق­ستان رەس­پۋبليكاسى پرەزيدەنتىنىڭ ءباسپاسوز قىزمەتى. دميتري مەدۆەدەۆ مەملەكەت باسشىسىن تۋعان كۇنىمەن قۇتتىقتاپ, ەڭ ىزگى تىلەكتەرىن, دەنساۋلىق, يگىلىك پەن قازاق­ستان­نىڭ جوعارعى مەملەكەتتىك قىزمەتىندە ودان ءارى تابىستار تىلەدى. اڭگىمەلەسۋ بارىسىندا مەم­لەكەت باسشىلارى اعىمداعى جىل­دىڭ تامىز – قىركۇيەك اي­لارىنا جوسپارلانعان كوپجاق­تى فورۋمدار اياسىنداعى باي­لانىس جوسپارىن تالقىلاپ, اي­ماقتىق تۇراقتىلىق پەن قاۋ­­ىپسىزدىكتى قامتاماسىز ەتۋ ىسىندەگى ۇيلەسىمدىلىكتى تەرەڭ­دەتۋ ماسەلەسىن قوزعادى. سونىمەن قاتار, رەسەي پرەزيدەنتى نۇرسۇلتان نازار­با­ەۆ­قا قۇتتىقتاۋ جولدادى. «ءسىزدىڭ باي ساياسي ءتاجى­ري­بەڭىز, مەملەكەت باسشىسى رەتىندەگى قارقىندى جانە جەمىستى جۇمىسىڭىز قازىرگى قازاق­ستان­نىڭ الەۋمەتتىك-ەكونومي­كالىق دامۋىندا تاماشا جەتىستىكتەرگە, حالىقارالىق ارەنادا جوعا­رى بەدەلگە قول جەتكىزۋىنە ءمۇم­كىندىك بەردى. رەسەي فەدە­راتسياسى مەن قازاقستان ارا­سىن­داعى كوپ جوسپارلى سترا­تەگيالىق ارىپتەستىكتىڭ تە­رەڭ­دەۋىندەگى ءسىزدىڭ جەكە ۇلە­سى­ڭىزدى ەرەكشە اتاپ وتكىم كەلەدى. كۇن تارتىبىندەگى ەكىجاقتى ءجا­نە حالىقارالىق ماڭىزدى ءما­سە­لەلەر بويىنشا سەنىمدى, سىن­دارلى تالقىلاۋ مەن شەشىم قابىلداۋ ءۇشىن مىقتى نەگىز بولىپ تابىلاتىن قالىپ­تاسقان جىلى قارىم-قاتى­نا­سى­مىزدى جوعارى باعالايمىن. قار­قىن­دى ءارى جەمىستى ساياسي ۇنقاتىسۋ بولاشاقتا رەسەي مەن قازاق­ستان اراسىنداعى وداق­تىق قا­رىم-قاتىناستىڭ بار­لىق كەشەندى ۇدەمەلى دا­مۋ­ىن­دا, ءوزارا مۇددەلىلىك تۋدىرا­تىن سالا­لار­داعى اۋقىمدى جوبالاردى ءجۇ­زەگە اسىرۋدا نەگىزگى ءرول اتقا­راتىن بولادى دەپ سەنەمىن. ەۋرازيا كەڭىس­تى­گىندە ينتەگراتسيا­لىق ۇدەرىس­تەر­دى نىعايتۋداعى ءسىزدىڭ ابى­روي-بەدەلىڭىز بەن تانىمالدى­عىڭىز سەنىمدى نيەتتەستىگىن كور­سەتۋدە. ءسىزدىڭ با­رىنشا دايەكتى كۇش-جىگەرى­ڭىز­دىڭ ارقا­سىندا كەدەن وداعىن قۇرۋ مەن بىرىڭعاي ەكونومي­كالىق كەڭىس­تىكتى قالىپتاستىرۋ يدەياسى ءىس جۇزىندە تابىستى ءجۇ­زەگە استى. ايماقتىق بىرلەستىكتەر, سونىڭ ىشىندە تمد, ۇقشۇ, ەۋر­از­ەق, شىۇ ايا­سىن­داعى ءوزارا ءىس-قيمىلدى تى­عىز ۇيلەستىرۋدەگى قادامدار ەۋ­را­زياداعى بەيبىتشىلىك پەن تۇ­راقتىلىق ءمۇد­دە­سىنە – ولاردى ودان ءارى دا­مى­تۋعا جانە جەتىلدىرۋگە ءمۇم­كىن­دىك تۋعىزادى دەپ سانايمىن», دەلىنگەن دميتري مەدۆەدەۆ­تىڭ قۇتتىقتاۋىندا.