09 شىلدە، 2011

استانا ورتالىعىندا تەگىن Wi-Fi ىسكە قوسىلدى

199 رەت كورسەتىلدى
جۋىردا بايتەرەك ماڭىنداعى سۋ­لى-جاسىلدى بۋلۆاردا استانا كۇنى­نە وراي تەگىن Wi-Fi ىسكە قوسىلدى. استانا قالاسى اكىمدىگى مەن «قازاق­تەلە­كوم» اق Wi-Fi تەحنولوگياسى ارقىلى ينتەرنەتكە تەگىن قوسىلۋ ايماعىن ۇيىمداستىرۋداعى باستى ماقساتى قالا تۇرعىندارى مەن قوناقتارىنا ۇت­قىرلىق پەن ىڭعايلىلىقپەن قام­تاماسىز ەتۋ بولىپ وتىر. ەلباسى بيىلعى 3 ماۋسىمدا استانا قالاسىنىڭ دامۋى جايلى جۇ­مىس وتىرىسىندا بەرىلگەن تاپسىر­ما­سى بويىنشا «Smart Astana» جوباسى اياسىندا ءبىرىنشى كەزەڭى – «نۇر جول» بۋلۆارىندا Wi-Fi ارقىلى عالامتور­عا تەگىن قوسىلۋ جۇزەگە اسىرىلدى. ول ءۇشىن الدىمەن «قازاقتەلەكوم» كوم­پا­نياسى جانە استانا قالاسى اكىمدىگى بىرىگە وتىرىپ، 16 Wi-Fi قوسىلۋ ورىن­دارىن ورناتتى. جىلدامدىعى سەكۋندىنا 2 مبيت. سىمسىز ينتەر­نەت­تىڭ تەگىن قىزمەتىن ءتورت شارشى شاقىرىم اۋماق اياسىندا پايدالا­نۋ­عا بولادى. «قازاقتەلەكوم» اق باس­قار­ما باستىعى قۋانىشبەك ەسەكەەۆ­تىڭ ايتۋىنشا، ەلىمىزدىڭ جەتەكشى باي­لانىس وپەراتورى الەۋمەتتىك ما­ڭىز­دى جوباعا تولىق تەحنيكالىق قولداۋ كورسەتىپ، قالامىزدىڭ يننوۆاتسيالىق دامۋىنا ءوز ۇلەسىن قوسۋدى ارتتىرا تۇسۋدە. «استانامىز ەكونوميكانىڭ بار­لىق سالاسى بويىنشا دامۋعا قار­قىن بەرەدى، وسى ورايدا استانالىقتار مەن قالا قوناقتارى قول جەتىمدى عا­لامتوردى قوسۋعا باعىتتالعان قادام­دارىمىزدى باعالايدى دەپ سەنەمىن»، دەيدى اق باسشىسى. جالپى «Smart Astana» جوباسىن جۇزەگە اسىرۋ ناتيجەسىندە «اقىلدى» قالا تۇجىرىمداماسى جۇزەگە اسىرى­لىپ، قالا ينفراقۇرىلىمى جۇيەسى ينتەللەكتۋالدى جەتىلدىرىلەدى. اتاپ ايتساق، جىلۋ، ەلەكتر ەنەرگيا­لارى­نىڭ، سۋدىڭ جوعالۋىن بارىنشا ازايتۋ، جەرگىلىكتى تۇرعىندار وتىنىشىنە ينتەراكتيۆتى ءموبيلدى ورتالىق قىز­مەتىن كورسەتۋ، قالا جاعدايىنىڭ ءو­گەرىستەرىنە جەدەل قاداعالاۋ، قاۋىپ­سىز­دىكتى قامتاماسىز ەتۋ دەڭگەيىن جو­عارىلاتۋ، قالانى جارىقتاندىرۋدا شىعىنداردى ازايتۋ، Wi-Fi ارقىلى عالامتورعا قوسىلۋدى قامتاماسىز ەتۋدى قولعا الۋ. «قازاقتەلەكوم» اق باسقارما ءتور­ا­عاسى قۋانىشبەك ەسەكەەۆ ال­داعى جوسپارلارىمەن دە بولىسە كەتتى. «جاقىن ارادا قالالىق اكىم­دىك­پەن بىرىگە وتىرىپ ەكى جىلدىڭ كو­لەمىندە مادەني شارالار كوپ وتەتىن جەرلەردە، سونداي-اق ادامدار كوپ شو­عىر­لانعان ايماقتاردىڭ 30 پا­يىز­دان استام اۋماعىنا Wi-Fi قىز­مەتىن قوسۋدى جوسپارلاپ وتىر­مىز. كەلەشەكتە ونىڭ جىلدام­دىعىن ارت­تىرۋدى دا قولعا الماقپىز»، دەدى ول. ءيا، «قازاقتەلەكوم» كومپانياسى مەن استانا قالاسى اكىمدىگى جەرگىلىكتى تۇرعىندار ءۇشىن زور ءمۇم­كىن­دىكتەر جاساپ جاتىر. جاڭا تەحنولوگيا ۋاقىتتى ءتيىمدى ۇنەم­دەۋگە كومەكتەسەدى. ۆەنەرا تۇگەلباي.
سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار