سايتتاعى جالعان مالىمەت ءبىر كۇنى جارعا جىقپاي ما؟

جوعارعى سوت سۋدياسىنا ءمۇ­شە بولۋعا جانە تاعى باسقا سۋ­ديا­لىق بوس ورىندارعا كاندي­داتتاردى ۇسىنۋ بالاما تۇردە وتەتىنى تۋرالى جوعارعى سوتتىڭ قاۋلىسى جوعارى سوت كەڭەسىنە بي­ىلعى 8 ماۋسىمدا ۇسىنىل­عانى تۋرالى جوعارعى سوتتىڭ سايتىندا ايتىلعان بولاتىن. جانە وندا بوس ورىنعا ۇسى­نىل­عان كانديداتتار تۋرالى ماع­لۇماتتار بەرىلىپ, كانديدات­تار­دى تاعايىنداۋدى اشىق جانە جا­ريالى تۇردە وتكىزۋ ماقسا­تىن­دا, ولار تۋرالى پىكىر ايتام دەۋشىلەر ءوز پىكىرىن جوعارعى سوت­تىڭ سايتىنا نەمەسە سايتتا كور­سەتىلگەن مەكەن-جايعا جىبەرۋگە بولا­تى­نى ايتىلدى. ايتا كەتۋ كەرەك, شىنىندا, بۇل قوعامدا كوپتەن كۇتىلىپ ءجۇر­گەن وڭ جانە وتە دۇرىس شەشىم ەدى. سون­دىقتان, سايتتاعى اقپا­رات­پەن تا­نىسقاندار اراسىندا جوعارعى سوت­تىڭ جاڭا باس­شى­لا­رى سوت ءجۇي­ەسىندەگى كەلەڭسىز­دىك­تەر­دى جويۋ­عا شىنىمەن, دۇرىس باعىتتا وڭ قادام جاسادى دەگەن ريزاشىلىق پىكىر قالىپتاسا باستادى. جانە بۇل شەشىمنىڭ قوعام تاراپىنان قولداۋ تاباتىنى ءسوزسىز ەدى. الايدا, 2-3 كۇن وتەر-وتپەستە سايتتا بەرىلگەن اقپارات جايىنا قالىپ, ۇسىنىلعان كانديداتتار ەشقانداي قوعامدىق پىكىرسىز, تال­قىلاۋىنسىز, باياعى ۇيرەن­شىكتى قالىپتاسقان جولمەن جو­عا­رى سوت كەڭەسىنە جىبەرىلىپ, بەكىتىلگەن. اشىقتىق پەن جاريالىلىق تۋرالى سايتتا جالعان حابار بەرۋ ارقىلى, سوت كادرلارىن تا­عاي­ىنداۋدا ەسكى قالىپتاسقان جۇيە­نى ساقتاي وتىرىپ, سوت جۇيەسى تۋرالى قاندايدا ءبىر وڭ پىكىر قا­لىپتاستىرامىز دەپ ويلاۋ, شى­نىن ايتقاندا, حالىقتى, قوعام­دى كوپە-كورنەۋ الداۋ بولىپ تا­بىلادى, بۇل بۇگىنگى كۇنى دۇرىس پىكىرگە تاپشى سوت بيلىگىنە ابى­روي بەرمەيتىن, ونبەيتىن تىرلىك ەمەس پە؟ ايتايىن دەگەنىم, ەگەر, بولا­شاقتا كادرلاردى تاعايىنداۋ بايا­عى ەسكى قالىپپەن جۇرە بەرەتىن بولسا, وندا سايتتاردا جالعان ماعلۇمات بەرىپ, قوعامدى ءدۇر­لىك­تىرۋدىڭ قاجەتى جوق دەپ وي­لايمىن. ورالباي ابدىكارىموۆ, سەنات دەپۋتاتى.