ۇلكەن جىگەرمەن ورالدىق

  ەلىمىزدىڭ ەرتەڭى دە, يەسى دە – جاس ۇرپاق. مەملەكەت باسشى­سى نۇرسۇل­تان نازارباەۆتىڭ «پاتريوت بولۋ – قا­زاق­ستاندى ءوز جۇرەگىڭدە الىپ ءجۇرۋ» دەگەن سوزىنەن باستاۋ العان قازاقستان رەسپۋبليكاسىنىڭ مەملەكەتتىك ءرامىز­دە­رى كۇنىنە ارنالعان «مە­نىڭ قازاق­ستانىم» اتتى IV رەس­پۋبليكالىق پات­ريوتتار فورۋ­مى قوس­تاناي قالاسىندا وتكەنى بەلگىلى. وسى جيىنعا جەتىسۋدان قۇرامىندا جاستار اراسىندا پات­ريوت­تىق ءتار­بيە­نى ناسيحاتتاۋ مەن قالىپ­تاس­تى­رۋ­عا باعىت­تال­عان ءتۇرلى سالا قىزمەت­كەر­­لەرى بار 10 ادامنان تۇرا­تىن دە­لەگات فورۋمعا قاتىسىپ, ءۇل­كەن جىگەرمەن ورالدىق. فورۋمنىڭ العاشقى كۇنى باع­دار­لامانىڭ كەڭ اۋقىم­دى­لى­عىمەن ەرەك­شەلەندى. ول ساياسي رەپرەسسيا جىلدا­رىندا قازا بولعانداردىڭ ەسكەرتكىش­تەرىنە گۇل شوقتارىن قويۋدان باستالسا, تاڭەرتەڭگىسىن احمەت باي­تۇر­­سى­نوۆ­تىڭ ەسكەرتكىشى جا­نىن­دا ميتينگ ءوت­كىزىلدى. سول ءسات­تە اسپان بۇلت­تا­نىپ, اق جاڭ­بىر سىركىرەدى. سوعان قارا­ماس­تان, “مەنىڭ قازاقستانىم – مە­نىڭ وتا­نىم”, “العا, قازاق­ستان!” دەگەن جاستاردىڭ جار­­قىن ۇندەرىمەن استاسقان جىگەرلى سوزدەرى جارقىن-جارقىن شى­عىپ جاتتى. وعان باسقا وب­لىستاردان كەلگەن فورۋمعا قا­تى­سۋشىلار قوسىلىپ, مەرەكە اۋقى­مىن شىرايلان­دىر­عانىن ايتقان ءجون. فورۋم تاۋەلسىزدىگىمىزدىڭ مە­رەيلى مەرەكەلەرىنىڭ ءبىرى – قا­زاقستان رەس­پۋب­ليكاسىنىڭ مەملەكەتتىك رامىزدەر كۇنى مەن تاۋەلسىزدىكتىڭ 20 جىلدىعى قار­سا­ڭى­مەن تۇسپا-تۇس كەلۋىمەن وسى­لاي ءدۇ­بىر­لەپ وتكىزىلگەنى ءبىز ءۇشىن ۇلكەن اسەر تۋعىزدى. فورۋمنىڭ ءمانى مەن ماعى­نا­سى  جوعارى ەكەندىگىن ءسات سايىن سەزىندىك. قوس­تا­ناي­دا رەسپۋبليكانىڭ بار­لىق وب­لىستارىنان جاستار دەلەگا­تسيا­لارى, جاس پاتريوتتار باس قوسىپ, مەملەكەتتىك رامىزدەرگە قۇرمەتتىڭ ۇلگىسىن كورسەتتى. بۇل باعىتتاعى شارالار جەتىسۋ جەرىندە دە كەڭ اۋقىمدا ءوت­كى­زىلۋدە. وبلىس اكىمىنىڭ باستا­ما­سىمەن سوڭعى ءۇش جىل قاتارىنان اۋدان, قالالاردا «مەنىڭ وتانىم – تاۋەلسىز قازاقستان!», «ەلبا­سى­مەن بىرگە ەل قۋاتىن ەسەلەيمىز!», «قازاق­ستان – وركەندەگەن ەل», «قا­زاقستان – كەڭ باي­تاق, ورتاق وتان!», «اتا زاڭ – مەم­لەكەتتى­لىك­تىڭ نەگىزى», «باستا­ما­شى جاس – وسەر ەلدىڭ باقىتى!» سياق­تى تا­قى­­رىپ­تاردا جاستار فەستيۆالدەرى تۇ­راق­تى وتكىزىلىپ كەلەدى. جاستارعا پاتريوت­تىق ءتار­بيە بەرۋ, وتان­عا, ەلگە, جەرگە دەگەن سۇيىسپەنشىلىكتى ارتتىرۋ ماقسا­تىندا وتكىزىلگەن مۇنداي شارا­لاردىڭ ناتيجەسى بوي­ىن­شا جە­ڭىمپازدارعا جيىن قورى­تىن­دى­سىن­دا «گازەل» اۆتو­كو­لىك­تە­رى­نىڭ كىلتتەرىن تاپسىرۋ داستۇرگە اينالعان. بيىلعى فەستيۆال ەل ءتاۋ­ەلسىزدىگىنىڭ 20 جىلدىعىن مەرەكەلەۋ اياسىندا «تاۋەلسىز ەل­دىڭ جاڭا كەزەڭى – جاس ۇلاندار قولىندا» تاقىرى­بىنداعى سيم­پوزيۋمنىڭ بايىپتى باعدار­لامالارىمەن جالعاسۋدا. داۋرەن الدابەرگەنوۆ, فورۋم دەلەگاتى, وبلىستىق ىشكى ساياسات  باسقارماسىنىڭ ءبولىم باستىعى. الماتى وبلىسى. سۋرەتتە: وبلىستان فو­رۋم­عا قاتىسقان دەلەگاتتار.