جاستار – ەل ەرتەڭى

وڭىردەگى ءبىلىمنىڭ قارا شاڭىراعى ءى. جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىندە تاۋەلسىز­دى­گىمىزدىڭ 20 جىلدىعىنا ارنالعان مەرەكەلىك شارالار جۇيەلى وتكىزىلىپ, ستۋدەنتتەر بەلسەندىلىگى ارتۋدا. وقۋ جىلىنىڭ با­سىندا «تاۋەلسىزدىك – تاعدىرىم» اتتى كەشەندى باعدارلاما جاسالىپ, جاستارعا تاعىلىمدى تاربيە بەرەتىن شارالارعا باسا ءمان بەرىلدى. اقپان ايىندا بىلىمگەرلەر اراسىندا «تاۋەلسىزدىك – ەل مەرەيى» اتتى جاس اق­ىندار ءمۇشايراسى ۇيىمداس­تى­رىل­دى. ەكى كەزەڭنەن تۇرعان مۇشايراعا 15 ۇمىتكەر قاتىسىپ, وتانعا, تۋعان ەلگە, جەرگە دەگەن سەزىمدەرىن جىر شۋ­ماق­تارىمەن ورنەكتەدى. ناتيجەسىندە ءجۇز­دەن جۇيرىك اتانعان نازگۇل اقبا­سوۆا ءبىرىنشى, قايىم باقىت ۇلى ەكىنشى, جانسايا تۇرعامبەكوۆا ءۇشىنشى ورىندى يەلەنگەن ەدى. ءبىزدىڭ الەۋمەتتىك-ەكونوميكالىق دا­مۋ جولىنداعى قارقىنىمىز, جاستار­دىڭ قوعامدىق-ساياسي ومىردەگى ۇستانى­مىنا, ولاردىڭ ەرتەڭگى كۇنگە دەگەن سەنىمى مەن بەلسەندىلىگىنە تىكەلەي باي­لانىستى. وسى ماقساتتا «مەنىڭ قا­زاق­­ستانىم: كەشە, بۇگىن, ەرتەڭ» اتتى حا­لىقارالىق عى­لى­مي-پراكتيكالىق كون­فەرەنتسيا ءوت­كى­زىلدى. جاستارعا ءتاۋ­ەل­سىزدىكتىڭ باعاسىن, قا­دىرىن ۇعىندىرۋ ماق­ساتىندا ۋني­ۆەرسي­تەت­تىڭ وقىتۋشى-پرو­­فەسسورلارى بىلىمگەر­لەردى «تاۋەلسىز قا­زاق­ستاننىڭ قا­لىپ­تا­سۋى مەن دامۋى» ات­تى دوڭگەلەك ءۇس­تەل باسىنداعى سۇح­باتقا شاقىردى. با­يانداماشىلار قا­زاق­ستان­نىڭ 20 جىلدا قول جەتكىزگەن تا­بىس­تارىن, وركەنيەتتى ەلدەر قاتارىنا قو­سىلۋداعى ەلباسى ن.نازارباەۆتىڭ قوس­­­قان ۇلەسى جايىندا جان-جاقتى با­ياندادى. ۋنيۆەرسيتەتتە قىزدار تاربيەسىنە ءمان بەرۋ ماقساتىندا «قىز – قى­لى­عى­مەن» كلۋبىنىڭ ۇيىمداستى­رۋى­مەن «ءتاۋ­ەلسىزدىككە – تاعزىم» اتتى كەزدەسۋ ءوتتى. كەزدەسۋگە جەلتوقسان وقي­­عا­سىنا قاتىسۋشىلار, قوعام قاي­راتكەر­لەرى مەن عالىمدار قاتىسىپ, ازاتتىق كۇنگە جەتۋ ءۇشىن جۇگى ناردا, قازانى تەڭدە, اياعى ۇزەڭگىدە بولعان اتا-با­بامىز توزاقتىڭ ءوزىن, تاعدىر­دىڭ تەزىن كورگەندىگىن ستۋدەنت جاس­تارعا جەتكىزىپ, تاۋەلسىز ءتىر­لى­گىمىزدىڭ باياندى بو­لۋىن تىلەدى, وعان ۇلەس قو­سۋعا شا­قىردى. –––––––––––––– سۋرەتتە: ەرەكشە بەلسەندىلىگىمەن تا­نىل­عان ستۋدەنتتەردى ماراپاتتاۋ ءساتى.