وزەكتى ماسەلەلەر قاراستىرىلدى

كەشە پارلامەنت ءماجىلىسىنىڭ توراعاسى ورال مۇحامەدجانوۆ تمد پارلامەنتارالىق اسسامبلەياسىنىڭ باس حاتشىسى – حات­شىلىق كەڭەسىنىڭ جەتەكشىسى ميحايل كروتوۆتى جانە تمد پار­لامەنتارالىق اسسامبلەياسى باس حاتشىسىنىڭ ورىنباسارى, قا­زاق­ستان رەسپۋبليكاسى پارلامەنتىنىڭ تمد پاا, ەۋرازەق پاا جانە ۇقشۇ پا وكىلى حالەل باكەنوۆتى قابىلدادى. تاراپتار كەزدەسۋ بارىسىندا 14 – 17 مامىردا سانكت-پەتەر­بۋرگ قالاسىندا وتكەن تمد پاا-نىڭ 36-شى ءماجىلىسىنىڭ قورىتىن­دىسى, پارلامەنتارالىق بىرلەستىكتەر شەڭ­بەرىندە ىنتىماقتاس­تىقتى دامىتۋ جايىن تالقىلادى. م.كروتوۆ ءماجىلىس توراعاسىن تمد پاا باس حاتشىسىنىڭ قا­زاقستانعا جاساعان ساپارى با­رىسىندا قول قويىلۋعا ءتيىستى ءال-فارابي اتىنداعى قازاق ۇلتتىق ۋنيۆەرسيتەتى مەن ل.ن.گۋميلەۆ اتىن­داعى ەۋرازيا ۇلتتىق ۋنيۆەرسيتەتى جانە تمد پاا ارا­سىن­داعى ىنتىماقتاستىق تۋرالى كەلىسىم-شارت جوبالارىمەن تا­نىس­تىردى. كەلىسىم-شارتتا ىنتىماق­تاس­قان مەملەكەتتەر كەڭىستىگىندە ور­تاق بىلىمدىك سيپات قالىپ­تاس­تى­رۋعا ىقپال ەتۋ, حالىقارالىق پارلامەنتتىك ۇيىمدار مەن باسقا دا قاۋىمداستىقتاردىڭ ءوزارا قاتى­ناستارىنىڭ مەحانيزمدەرىن جەتىلدىرۋ ماسەلەلەرى بويىنشا بىرلەسىپ جۇرگىزىلەتىن زەرتتەۋلەر مەن زاڭ شىعارۋ مودەلىنىڭ تمد پاا اياسىندا جۇزەگە اسىرى­لا­تىن وزەك­تى ماسەلەلەرى قاراستى­رىل­عان, دەپ حابارلادى ءماجى­لىستىڭ باس­پاسوز قىزمەتى.