بالعىن ونەرپاز باس جۇلدەنى جەڭىپ الدى

بيىلعى حالىقارالىق بالالار كۇنىن ماسكەۋ قالاسىندا قارسى العان بالعىن تالانتتارىمىز دا بار. ونەرسۇيەر قاۋىمعا ەرەكشە قابىلەتىمەن تا­نىلىپ جۇرگەن 10 جاستاعى ايبەك ەرنازاردىڭ ەسى­مى بىزگە بۇعان دەيىن دە تانىس بولاتىن. وسى ورە­نىمىز ماسكەۋ قالاسىندا وتكەن «بالالار الا­قا­نىنداعى كۇن» اتتى حالىقارالىق بايقاۋدىڭ باس جۇلدەسىن – گران-ءپريدى جەڭىپ الىپ, تۋعان قالاسىنا قۋانىشپەن ورالدى. الماتى قالاسىنداعى №175 جاڭا عاسىر گيم­نا­زياسىندا وقيتىن ايبەك جۋىردا عانا ۇيىمداس­تى­­رىلعان جاس ءون­ەر­پازداردىڭ رەسپۋبليكالىق «شات­تىق» فەستيۆالىنە قاتىسىپ, ونىڭ دا باس جۇلدەسىن يەمدەنگەن بولاتىن. بەس جاسىنان باستاپ ءان ايتىپ كەلە جاتقان جەتكىنشەك «ءانشى بولعىم كەلەدى», «مەن باقىتتى با­لامىن» سياقتى ونەر بايقاۋلارىنا قاتىسىپ, كو­رەرمەننىڭ كوزىنە ءتۇسىپ جۇرگەن-ءدى. ول ءانشى ماقپال جۇنىسوۆامەن «قازاعىم» ءانىن بىرگە ورىنداپ, وسى كليپى ارقىلى ەلگە تانىلعان جاس تالانت. رەپەرتۋارىندا «وينا, بالاقاي», «اناشىم», «الىپپەم» سياقتى 30-عا تارتا ءانى بار بالعىن ءوز ورىنداۋىنداعى بىرقاتار اندەرگە كليپتەر دە ءتۇسىرىپ ۇلگەرگەن. جاسى بار بولعانى وندا بولسا دا وزىنە ۇلكەن ماقساتتار قويىپ ۇلگەرگەن ايبەك بيىل «سۇلۋىم» اتتى جاڭا جوبا ۇستىندە جۇمىس ىستەپ جاتىر. ايناش ەسالي. الماتى. –––––––––––– سۋرەتتە: 10 جاسار جۇلدەگەر ايبەك ەرنازار.