يسلام دامۋ بانكىنىڭ قولداۋى

كەشە بۇكىلالەمدىك يسلام ەكونوميكالىق فورۋمى ايا­سىن­دا قازاقستاننىڭ يندۋستريا جانە جاڭا تەحنولوگيالار ءمينيسترى اسەت يسەكەشەۆ پەن يسلام دامۋ بان­كىنىڭ (يدب) توراعاسى احماد مو­حاممەد ءالي ءوزارا تۇسىنىستىك تۋ­رالى مەموراندۋمعا قول قويدى. وسى قۇجاتقا سايكەس بيىلعى جىلى يدب ستراتەگيالىق ءارىپ­تەس­تىكتىڭ قۇجاتتارىن تولىق دايىن­داعان سوڭ, 2011-2012 جىلدارى قا­زاقستان ەكونوميكاسىنا 1,2 ميل­ليارد دوللار كولەمىندەگى قار­جى با­عىتتالادى. بۇل قاراجات ەڭ الدىمەن اۋىلشارۋاشىلىق سا­لاسى مەن كولىك ينفراقۇرىلى­مىن ءارى قاراي دامىتۋعا باعىت­تالادى. مەملەكەت باسشىسى فورۋمدا سويلەگەن سوزىندە ازىق-ت ۇلىك قو­رىن قۇرۋ تۋرالى ۇسىنىس ايتقان بولاتىن. اسەت يسەكەشەۆتىڭ اي­تۋ­ىنشا, بۇل ۇسىنىسقا يسلام كون­فەرەنتسياسى ۇيىمىنا مۇشە مەم­لەكەتتەردىڭ بارلىعىنىڭ كەلىسىمى بولۋى قاجەت. «ەڭ الدىمەن اتالعان ۇسىنىسقا قاتىستى ۇي­ىم­عا قاتىسۋشى ەلدەر اراسىندا كە­لىسسوزدەر جۇرگىزىلەدى. شارا­لار­دىڭ بارلىعى كونسەنسۋستىق جاعدايدا قابىلدانادى», – دەدى وسى تۋرالى يدب توراعاسى. *  *  * كەشە بۇكىلالەمدىك يسلام ەكونوميكالىق فورۋمىنىڭ ايا­سىن­دا «اۋىل شارۋاشىلىعىن قارجىلىق قولداۋ قورى» اكتسيو­نەرلىك قوعامى مەن يسلام دامۋ بانكى اراسىندا اۋىل شا­رۋا­شىلىعىن شاعىن نەسيەلەۋ باع­دارلاماسىنا قاتىسۋعا نەسيە جانە تەحنيكالىق كومەك گران­تى تۋرالى كەلىسىمگە قول قويىلدى. اتالعان قۇجاتتى يسلام دامۋ بانكىنىڭ توراعاسى احماد موحام­مەد ءالي مىرزا مەن «اۋىل شا­رۋا­شىلىعىن قارجىلىق قولداۋ قورى» اق باسقارماسىنىڭ ءتور­ايى­مى گۇلناز اتامقۇلوۆا راسىمدەدى. اۋىل شارۋاشىلىعى ءمينيسترى اسىلجان مامىتبەكوۆتىڭ حاباردار ەتۋىنشە, يدب-نىڭ 10 ميل­ليون دوللاردى قۇرايتىن قار­جىسى اۋىل شارۋاشىلىعىن شا­عىن نەسيەلەندىرۋگە باعىتتالادى. ونىڭ كوميس­سيالىق سىياقىسى 2 پايىزدان اسپايدى. *  *  * بۇكىلالەمدىك يسلام ەكو­نو­مي­­كا­لىق فورۋمى بارىسىن­دا­عى بريفينگتە بەلگىلى بولعا­نىن­داي, ەلىمىزدە يسلامدىق قار­جى­لاندىرۋ قاعيداتتارى بويىنشا جۇمىس ىستەيتىن ينۆەستيتسيالىق قور قۇرىلادى. «فاتتاھ فينانسي» اق ديرەكتورلار كەڭەسىنىڭ توراعاسى زارات­قازى نۇرپەيىسوۆتىڭ ايتۋىنشا, بۇل قوردا قاراپايىم ادامدار­دىڭ قاجىلىق ساپارعا بارۋعا قا­جەتتى قارجى جيناقتالادى. سو­نى­مەن قاتار, ونداعى قاراجات قاسيەتتى قا­لالاردا قاجىلىققا با­راتىن قازاق­ستاندىقتار جايعا­ساتىن قوناق ۇيلەر سالۋعا دا جۇم­سالادى. وسى­لايشا ءبىزدىڭ ادامدار مالايزيالىق قاجىلىق قور سەرۆيسىمەن تەڭ بو­لاتىن قوناق ۇيلەردە تۇرادى. «ەگەمەن-اقپارات».