كونۆەنتسياعا قول قويىلدى

ساۋد ارابياسىنىڭ ىسكەر توپ وكىلدەرى قازاقستان ەكونوميكاسى­نا قارجى قۇيۋعا نيەت بىلدىرۋدە. بۇل تۋرالى ماۋسىمنىڭ 7-سىندە كەشكە استانادا قازاقستان مەن ساۋد ارابياسى اراسىنداعى تا­بىس پەن كاپيتالعا سالىناتىن سا­لىقتارعا قاتىستى قوسارلانعان سالىق سالۋدى بولدىرماۋ تۋرالى كونۆەنتسياعا قول قويۋ ءراسىمى با­رىسىندا ساۋد ارابياسىنىڭ قارجى ءمينيسترى يبراگيم ءال-اسساف ايتتى. «بۇگىنگى كۇنى قازاقستان مەن ساۋد ارابياسى اراسىنداعى ساۋدا سالاسىنداعى الىس-بەرىس كولەمى, ءبىزدىڭ مەملەكەتتەردىڭ الەۋەتىنە ساي كەلمەيدى. كونۆەنتسيانىڭ قا­بىلدانۋى ەكى ەلدىڭ ينۆەس­تي­تسيا­لىق باعىتتاعى ارىپتەستىگىنە ءۇل­كەن سەرپىن بەرەدى دەپ سەنەمىن. سەبەبى, ساۋد ارابياسىنىڭ ىسكەر توپ وكىلدەرى قازاقستان ەكونو­مي­كاسىنا قارجى قۇيۋعا نيەت بىلدىرۋدە»,  دەدى ي. ءال-اسساف. ءوز كەزەگىندە قازاقستان ۇكى­مەتى تاراپىنان كونۆەنتسياعا قول قويعان قازاقستان رەسپۋب­ليكاسى­نىڭ قارجى ءمينيسترى بولات ءجا­مىشەۆ قازاقستاندا ين­ۆەس­تيتسيا­لاردى تارتۋ ماق­سا­تىندا جالپى زاڭنامانى جەڭىلدەتۋ شا­رالارى قارقىندى جۇرگىزىلىپ جات­قان­دىعىن باسا ايتتى. «سوڭعى 3 جىلدىڭ ىشىندە ءتۇرلى مەملەكەتتىك ليتسەنزيالار مەن رۇقساتنامالار سانى ەكى ەسەگە قىسقاردى. قازاقستاننىڭ ينۆەستورلار ءۇشىن تارتىمدى بولۋى جولىندا بارلىق كۇش-جىگەردى سالىپ جاتىرمىز. ءبىز ارىپتەس­تىككە ارقاشان اشىقپىز»,  دەپ اتاپ كورسەتتى ب. جامىشەۆ, دەپ حا­بار­لادى قر پرەمەر-ءمينيسترى­نىڭ ءباسپاسوز قىزمەتى.