«اينالايىننىڭ» بۇلدىرشىندەرى بازارلىققا كەنەلدى

قالاداعى «اينالايىن» بالالار ۇيىندەگى اتا-انا قامقور­لى­عىن­سىز قالعان تاربيەلەنۋ­شى­­لەر­گە جاسالعان الەۋمەتتىك جاع­داي, وقى­تۋ مەن تاربيە جۇمى­سىن­داعى ات­قا­رىلعان جۇمىستار ايتۋعا تۇ­رار­لىق. جاز بويى اۋدان, قالالار وب­لىس ورتا­لى­عىن­دا مادەني كۇن­دە­رىن وتكىزەدى. باع­­دارلامادا بالالار ۇيىنە قام­­قورلىق جاساۋ دا قا­راستىرىل­عان. شاعىن جانە ورتا كا­سىپ­كەر­لىكپەن اينالىسا­تىن­دار دا بالالار مەكەنىنە ءجيى ات­باسىن بۇ­رادى. ايتەۋىر, بەتباق تاع­دىر­دىڭ ىزعارىن سەيىلتۋگە تى­رىسا­تىن­دارعا نۇر جاۋسىن دەي­مىز. كۇندەلىكتى قاربالاس جۇمىس ارا­­سىندا وبلىس اكىمى اڭزار مۇ­­­ساحانوۆ وسى اپتادا «اينا­لاي­­ىن­عا» ارنايى باردى. مۇن­داعى بالالار وقۋ جىلىن جاق­سى قو­رى­تىن­دىلاپتى. بالالار مەكە­نىن­­دەگى وقۋ بولمەلەرى, مۋ­زى­كا, سپورت زالدارى مەن كىتاپحانا, شەبەرحانالاردىڭ جاب­دىق­تا­لۋى­نا نازار اۋدارعان باسشى كەيبىر ماسەلەلەردى سول جەردە شەشتى. بۇل جولى دا بالا-باقىت, با­لا-قۋانىش دەگەن ءتامسىلدىڭ شىن­دى­عى­نا كوز جەتكىزىلدى. شەتىنەن ءاۋ­ەز­دى ءان ايتىپ, مىڭ بۇ­رالعان ءبۇل­دىر­شىندەر قوناقتار­عا ونەر­دەن شا­شۋ شاشتى. ءجۇز­دەرى بال­بۇل جان­عان ولار اكەل­گەن سىي­لىق­قا دا ريزا. كەڭ ەك­ران­دى تەلە­ديدار, قا­لى كىلەمدەر ەندى ولار­دىڭ قاجە­تىن اشاتىنى انىق. جۇزدەن استام ۇل مەن قىزعا بەرىلگەن سپورتتىق كيىم مەن جاز­دىق كويلەكتەر دە جابىر­قا­عان كوڭىلدى ءبىر كوتەرىپ تاستادى. باسقا دا قا­جەتتىلىكتەرگە قارىق بولعان بال­­دىرعاندار تىپتەن شات-شادىمان كۇيدى باستارىنان وتكەردى. «ءۇل­كەننىڭ مىڭىنا بەرگەنشە, بالا­نىڭ بىرىنە بەر» دەگەن عوي دانا حالقىمىز. وبلىس اكىمى ءوزىنىڭ ارنايى كەلگەنىن, ەلباسىنىڭ جاس ۇر­پاق­تىڭ تاربيەسى مەن بىلىمىنە ەرەكشە نازار اۋداراتىنىن جەتكىزدى. ەندى مۇمكىندىگىنشە جاع­داي جا­سا­لا­تى­نىن ايتتى. ءبۇل­دىرشىندەر جازعى دەمالىس­تا­رىن ەمدەۋ-ساۋ­ىقتىرۋ لاگەرلەرىندە وتكىزەدى. بۇل دا بالا تاربيەسىندەگى جاقسى ءىستىڭ ءبىرى. كۇمىسجان بايجان. تالدىقورعان.