ۆەلومارافونشىنىڭ تاۋەلسىزدىككە تارتۋى

جەتىسۋلىق ۆەلومارافونشى سارسەن قاسىموۆ جاسى ەلۋدەن اسسا دا وڭىردەگى اۋدان, قالالاردى قوس دوڭگەلەكتى «اربامەن» ارالاۋدى جوسپارلاپ, ەكى مىڭنان استام شاقىرىم جول جۇرمەكشى. ەڭبەكشىقازاق اۋدانىنان ۇشتوبەگە ايالداعان ۆەلومارافونشىنى جۇرتشىلىق جىلى قارسى ال­دى. بىرەۋى تاڭدانسا, ەندى بىرەۋ ناعىز ازامات دەپ جاتتى. ول وسىندا كەلگەنشە 750 شاقىرىمدى ارت­قا تاستاپتى. ال, جورىقشىنىڭ ماقساتى قاراپاي­ىم عانا. – جەتىسۋ – جۇماق مەكەن. ونىڭ جاسىل شال­عىنى مەن سىلدىراي اققان وزەنى جانىڭدى راحاتقا بولەيدى, سەرگىتەدى. ال, مەنىڭ جورىعىمنىڭ ماقساتى تىپتەن بيىك. ول – تاۋەلسىزدىگىمىزدىڭ 20 جىلدىعىنا وزىندىك تارتۋىم. ءارى بيىلعى مەملەكەت باسشىسىنىڭ جولداۋىن ناسيحاتتاپ, سالا­مات­تى ءومىر سالتىن ناسيحاتتاۋ, جاستاردىڭ ۆەلو­سپورت­قا دەگەن قىزىعۋشىلىعىن وياتۋ, – دەيدى ول. ۆەلوسپورتشىنى قورشاعان بالالار وعان راسىندا دا قىزىعۋشىلىق تانىتتى. جورىقشىنى ءبىراز جەرگە دەيىن شىعارىپ سالىپ, كەيىن قايتتى. كۇمىسجان بايجان. الماتى وبلىسى.