اق جەيدە, سارى جەيدە «استانادا»

«استانا» ۆەلوكومانداسىنىڭ ايگىلى Giro d’Italya ۆەلوجارىسىن قورىتىندىلاۋ بويىنشا ۆەلوسپورت فەدەراتسياسىنىڭ پرەزيدەنتى قايرات كەلىمبەتوۆ پەن كوماندانىڭ نەگىزگى دەمەۋشىسى «سامۇرىق-قازىنا» ۇاق باسقارۋشى ديرەكتورى دارحان كالەتاەۆ ۆەلوكوماندانىڭ جەتىستىكتەرىمەن جانە بولاشاقتاعى جوسپارلارى تۋرالى مالىمەتتەرمەن ءبولىستى. كەزدەسۋدە ق.كەلىمبەتوۆ اۋەلى «استانا» (Proteam Astana) كا­سىپ­قوي كومانداسىنىڭ Giro d’Italya سايىسىنا قاتىسقان 23 كومان­دا­نىڭ اراسىندا توپ جارىپ, ەڭ جۇيرىك كوماندا رەتىندە جەڭىسكە جەتكەنىن, وسىعان بايلانىستى «اس­تانا» كومانداسىنىڭ قۇرمە­تىنە ميلاننىڭ ورتالىعىنداعى Giro d’Italya مىنبەرىندە قازاق­ستان رەسپۋبليكاسىنىڭ ءانۇرانى تۇڭعىش رەت شىرقالعانىن ايتتى. – ەلدى سپورتتاعى وسىنداي تا­بىستار ارقىلى دۇنيە جۇزىنە تا­نىتۋ كەز-كەلگەن ەلگە بۇيىرا بەرمەيدى. «استانا» – ەلباسى نۇر­سۇلتان نازارباەۆتىڭ تىكەلەي قول­داۋىمەن قۇرىلعان كوماندا رەتىندە بۇگىندە وتە ەرەكشە جوبا اتا­نىپ وتىر. وسى ۆەلوكو­مان­دا­نىڭ ارقاسىندا ينۆەستيتسيا تار­تۋعا, ەلدىڭ تۋريستىك مۇمكىن­دىك­تەرىن تا­نىستىرۋعا جاعداي جا­سال­دى. جال­پى, جوبا, قازاقستان­نىڭ وتە ءساتتى سپورتتىق, PR-جو­بالارىنىڭ ءبىرى. سوندىقتان مي­لاننىڭ تورىندە ەلى­مىزدىڭ ءانۇرا­نىنىڭ تۇڭعىش رەت شىرقال­عا­نىن ءبىز بولاشاقتاعى بار­لىق جەڭىستەردىڭ باستاماسى دەپ سەنەمىز, – دەدى ول. وسى جارىستا «استانا» كو­مان­داسىنىڭ كوشباسشىسى, چەح ۆەلوشاباندوزى رومان كرويتسي­گەردىڭ ەڭ ۇزدىك جاس شاباندوز رەتىندە اق جەيدەنى جەڭىپ العانىن بىلەمىز. ال كوماندانىڭ تاعى ءبىر وكىلى پاولو تيرالونگونىڭ كوپ كۇندىك سايىستىڭ مارەسىنە ەكى كۇن قالعاندا بەرگامو جانە ماكۋنياگا قالالارىنىڭ اراسىندا­عى قاشىقتىق-سايىستىڭ ەڭ قيىن كەزەڭىندە جەڭىسكە جەتكەنى ءمالىم. وسى وقيعاعا بايلانىستى ق.كەلىمبەتوۆ پەن د.كالەتاەۆ كومان­دانىڭ جارىستاعى ونەرىنە قانا­عاتتاناتىنىن, ونىڭ جالپىكو­مان­­دالىق ەسەپتە ءبىرىنشى ورىن­دى يەلەنۋىنە كوماندانىڭ باس باپكەرى Team manager دجۋزەپپە مارتينەلليدىڭ, ماسساجيستەر مەن تەحنيكتەردىڭ سىڭىرگەن ەڭبەگى زور ەكەنىن ايتتى. ايتا كەتەرلىگى, «اس­تانا» كومانداسى وسى ماۋ­سىمدا ءوز قاتارىن ءبىراز جاستارمەن تولىقتىرعان ەدى. سونىڭ ءنا­تيجەسىندە كومانداعا رومان كروي­تسيگەر سياقتى ءبىراز تالانت­تى ۆەلوشاباندوزدار الىنىپ, جا­رىس­تاعى تاكتيكاعا تالاپ كۇشەيدى. كەزدەسۋدە د.كالەتاەۆ كومان­دا­نىڭ قازىرگى بيۋدجەتىنە بايلا­نىستى مالىمەتتەر كەلتىردى. ون­ىڭ ايتۋىنشا, كوماندانىڭ قارجى­لىق قورى جىلىنا 15 ملن. ەۋرو­نى قۇرايدى. وسىدان باسقا «اس­تاناعا» قارجىلاي جاعىنان قول­داۋ كورسەتىپ جاتقان ەكى دەمەۋشىسى بار. «سپەشيال ايس» كوم­پا­نياسى كومانداعا 1,5 ملن. ەۋرو بولسە, يتاليالىقتار 200 مىڭ ەۋرو ءبولىپ وتىر. سونىمەن بىرگە «استانا» تۋرلاردان تۇسكەن قار­جىمەن دە قامتاماسىز ەتىلەدى. ماسەلەن, Giro d’Italya سايىسى­نان ۇجىم 50 مىڭ ەۋرو پايدا ءتۇسىردى. «كوماندانىڭ بيۋدجەتى 3 جىلعا بەلگىلەنەدى, – دەدى ول. – بيىل ەكىنشى جىل ءوتىپ جاتىر. ەندى ءبىز كەلەسى جىلعا بيۋدجەتىمىزدى تاعى بەكىتەمىز. بۇگىندە حا­لىقارالىق ۆەلوسپورت فەدەرا­تسيا­سىنىڭ تالابى بويىنشا تۋر­لارعا قاتىسىپ جاتقان كاسىپقوي كوماندالاردىڭ ءبارىنىڭ قورى 15-20 ملن. ەۋرونى قۇرايدى». قار­جى ماسەلەسىنە بايلانىستى ق.كە­لىمبەتوۆ كەلەسى جىلى بەكىتىلەتىن بيۋدجەتتە جاڭادان قۇرى­لاتىن «استانا ترەك» كومان­دا­سىن دا قارجىلاندىرۋ كوزدەلىپ وتىرعانىن مالىمدەدى. «استانا-ترەك» اتتى كاسىپقوي ترەك كومان­دا­سى رەتىندە 2011 جىلدىڭ ناۋ­رىز ايىندا تىركەلدى. ول كومان­دانىڭ دا باس دەمەۋشىسى «سام­ۇر­ىق-قازىنا» ۇاق. كوماندانىڭ باس باپكەرلىگىنە قازاقستاندىق ما­مان ۆالەري كراۆچەنكو شاقى­رىل­عان. ونىڭ ارەناسى استانا­داعى رەسپۋبليكالىق ۆەلوترەك بولادى. بۇل ۇجىمعا ءبىز وتاندىق ۆەلوسپورتشىلاردى تارتۋدى ماق­سات ەتىپ وتىرمىز», – دەدى ول. ونىڭ ايتۋىنشا, استانادا 4-6 قاراشا كۇندەرى الەمدىك ترەك كۋ­بوگى ءۇشىن بەدەلدى حالىقارالىق جارىستار وتەدى. وعان الەمنىڭ 45 ەلىنەن 500 سپورتشى كەلەدى دەپ جوسپارلانۋدا. كەزدەسۋدە ايتىلعان تاعى ءبىر نارسە, تامىز ايىندا وتەتىن «تۋر دە فرانس» جارىسىنا ارنالدى. وندا قازاقستاندىق سپورتشى, ءال­ەم­گە ايگىلى ۆەلوشاباندوز الەكساندر ۆينوكۋروۆ كوماندانىڭ كا­پيتانى بولادى دەلىنۋدە. قازىر ول وسى كۇندەرى ءوتىپ جاتقان كوپ­كۇندىك جارىستا ەكى جەتى قاتا­رىنان سارى جەيدەنى ەشكىمگە بەر­مەي وتىر. ق.كەلىمبەتوۆ اتاق­تى وتانداسىمىز ءۇشىن تۋر دە فرانس سپورتتىق كارەراسىنداعى سوڭعى جارىسى بولاتىنىن, ودان كەيىن ول ۆەلوسپورت فەدەرا­تسيا­سى­نىڭ پرەزيدەنتتىگىنە ۇسىنىلا­تىنىن مالىمدەدى. «مەن فەدە­راتسياعا ەكى جىل قاتارىنان جەتەكشىلىك ەتتىم. ەندى ونىڭ باس­شىلىعىنا سايلانبايمىن. بۇل ورىنعا الەكساندر ۆينوكۋ­روۆ­تىڭ كەلگەنىن قالايمىن. «استانا» كومانداسى بۇكىل قازاق­ستان­دىق ۆەلوسپورتتىڭ دامۋىنا ىق­پال ەتىپ وتىرعان كوماندا. وسى جىلدىڭ مامىر ايىنان باستاپ, جاس تالانتتى ۆەلوشابان­دوز­دار­عا شاكىرتاقى تاعايىندالىپ, بەرىلە باستادى. «استانا» قازاق­ستان­نىڭ ۆەلوترەكتەگى جارىسقا ىڭ­عايلانعان ۇلتتىق قۇراما­لار­دى كيىممەن جانە قازىرگى زامانعى سپورتتىق ينۆەنتارمەن قامتا­ماسىز ەتىپ وتىر. الەكساندر ۆينوكۋروۆ پرەزيدەنتتىككە سايلانسا, وسى جولدى ءارى قاراي جال­عاستىرا بەرەتىنىنە سەنەمىن», – دەدى ق.كەلىمبەتوۆ. انىقتاما ءۇشىن: «Proteam Astana» كاسىبي ۆەلو­كومانداسى ءوزىنىڭ تاريحىن 2006 جىلدان باستادى. ءار جىلدارى كوماندانىڭ دەمەۋشىسى «قازاق­ستان تەمىر جولى», «كازتسينك», «قاز­مۇ­ناي­گاز», «قازاقمىس», «ENRC Ma­na­gement KZ» بول­دى. 2009 جىلدىڭ قاراشا ايىنان بەرى كوماندانىڭ باس دەمەۋشىسى «سامۇرىق-قازىنا» ۇاق. كوماندا ۆەلوسپورت فەدەرا­تسيا­­­سىنىڭ باسقارۋىندا. جىل­دىق بيۋدجەتى 15 ملن.ەۋرو. كوماندا قۇ­رامىنا 27 ۆەلوشاباندوز كىرەدى, ونىڭ 11 قازاقستان سپورتشىلارى. كوماندانىڭ رەسمي سايتى: http://proteam-astana.com. داستان كەنجالين.