تاۋەلسىزدىك سىيى

وبلىس ورتالىعىنىڭ 860 كىشكەنتاي تۇرعىنى ەلباسى تاپ­سىر­ماسىندا ايتىلعان مەملەكەتتىك «با­لاپان» باعدارلاماسىنىڭ ار­قا­سىن­دا وسىنداي جاڭا بالاباق­شالار ەسىگىن اشتى. اتا-انالار دا قۋانىشتى. قالا اكىمى با­قىت­جان جولاما­نوۆتىڭ ايتۋىنشا, جىل سايىن با­لاباقشالاردىڭ دا سا­­نى ارتىپ كەلەدى, سونىمەن قا­تار, كەزەكتە تۇرعان وتباسىلاردىڭ دا قاتارى كوبەيىپ كەلەدى. بۇل – قالا تۇرعىندارىنىڭ الەۋمەتتىك جاع­دايى جاقسارىپ, دە­موگرا­فيا­لىق كور­سەتكىشتىڭ وسكەنى­نىڭ بەلگىسى. ال, جالپى بيىلعى جى­لى وب­لىس بوي­ىنشا «بالاپان» باع­دار­لا­­ما­سى ايا­سىندا 20 بالاباق­شا, مەكتەپتەر جا­نىنان 100 شا­عىن ور­تا­لىق پاي­دا­لانۋعا بەرىلىپتى. جىل باسىنان بەرى قالا بوي­ىنشا 2 مىڭ­عا تارتا ءبۇلدىر­شىن باقشاعا بارىپ, جاڭا­دان 300 جۇمىس ور­نى اشىلىپ­تى. ال, شاكەن ايمانوۆ ات­ىنداعى كو­شەدەگى جا­ڭادان اشىل­عان №22 با­لا­باقشا 240 بالاعا ارنالعان. مۇن­دا قا­زاق جانە ور­ىس تىلدەرىندە ءتا­لىم-تاربيە بەرەتىن بىرنەشە توپ بار. باقشا دي­رەكتورى يرينا گو­لۋب­­ني­چايانىڭ ايتۋىنشا, مۇندا قا­لا بويىنشا تۋبەركۋلەز تاياقشاسىن جۇقتىر­عان بالالار ەمدەلەدى. ياع­ني, دەن­ساۋلىعى ەرەكشە كۇتىمدى قا­جەت ەتەتىن بۇلدىرشىندەر ءۇشىن بار­لىق جاعداي جاسالعان. دەنە شى­نىق­­تىرۋ زالى, فيزيو كابينەتى مەن مۋ­زى­كا زالى بار. قاي با­لاباقشا بول­ماسىن, زامان تالا­بىنا ساي جا­ڭا قۇرالدارمەن, جي­ھازدارمەن جاب­دىق­تالعان. ال, قا­لالىق ءبىلىم ءبو­لى­مىنىڭ حابارىنا قاراعاندا, كە­­زىندە ءتۇرلى مەكەمەلەرگە ءوتىپ كەتكەن 8 بالاباق­شا­نىڭ عيما­را­تى قايتا­رى­لىپ, بۇل كۇندەرى ءجون­دەۋ جۇمىس­تا­رى ءجۇر­گىزىلۋدە دەسەك, «قازاقستان ءاليۋمينيى» اكتسيونەرلىك قوعامى ءوز قارجىسىنا جا­ڭا بالاباقشا عي­ما­راتىن سا­لىپ, قالانىڭ كوممۋ­نال­دىق مەنشىگىنە تابىس ەتىپتى. بۇگىنگى تاڭدا وبلىس ورتالىعىندا 53 با­لا­باقشا جانە قالاداعى 20 مەكتەپ جانىنان اش­ىل­عان شاعىن ورتالىق­تار بار. قا­زىرگى ۋاقىتتا وسى مەكەمەلەردە 5-6 جاس شاما­سىن­داعى 1200 بال­عىن تاربيەلە­نۋدە. شاعىن ورتا­لىق­تاردىڭ بار­لىعىندا بالا­لار­عا جاعداي جاسال­عان. باسقا جۇ­مىس­تارعا كەتىپ قال­عان تاربيەشى ماماندار قازىر قايتا ورالىپ جات­قان كو­رىنەدى. مۇنداي ما­مان­داردىڭ ءبىلىم دەڭگەيىن ارت­تىرىپ, تاجىريبە ال­ما­سۋى ءۇشىن ارنايى كۋرستار ۇيىم­داس­تىرىلىپ, سەمينارلار وتكىزىلۋدە. ءبىر ايتا كەتەتىن ءجايت, وبلىس ورتالىعىندا ليتسەنزياسى بار 3 جەكە مەنشىك مەكتەپكە دەيىنگى مەكەمە قىزمەت كورسەتەدى. وسى جىل­دىڭ سوڭىنا دەيىن تاعى دا 2 جەكە مەنشىك بالاباقشا رۇقسات قاعازىن الماق. ال كەلەر جىلى وسى اتال­عان مەكەمەلەر مەملەكەتتىك تاپ­سى­رىس­قا يە بولىپ, با­لاباقشا كەزەگىندەگى ون­داعان ءبۇل­دىر­شىننىڭ ءوتى­نىش­تەرىن ورىندا­ماق­شى. جەكە مەن­شىك بالا­باق­­شا­لارعا وعان جاقىن ماڭدا ور­نالاسقان مەملەكەتتىك مەكتەپكە دەيىنگى مەكەمەلەردە كەزەكتە تۇر­عان بالالار عانا شاقىرىلادى. بىراق ولاردىڭ مەملەكەتتىك با­لا­باق­شا­لار­داعى كەزەگى ساقتالا­دى. «ارتىق­شىلىعى, جەكە مەنشىك بالاباق­شا­لار­دىڭ ىشىندە مەملەكەتتىك تاپسى­رىس بويىنشا قابىلدانعان ءار بالاعا رەسپۋبليكالىق بيۋدجەتتەن بەلگىلى ءبىر مولشەردە قاراجات ءبو­لىنەدى دە, قالعان شىعىنىن, شامامەن 40-50 پايىزىن اتا-اناسى ءتو­لەيدى. سوندىقتان, وبلىس ورتالى­عىن­دا كەزەك كۇتىپ تۇرعان ءار با­لاقاي ەسەپتە. ءبىزدىڭ الداعى جۇمىس جوسپارلارىمىز بالاباقشالار سا­نىن كوبەيتىپ, ءار وتباسىعا قۋانىش سىيلاۋ, – دەيدى قالالىق ءبىلىم ءبولىمىنىڭ ماماندارى. فاريدا بىقاي. پاۆلودار.