قازاقستان قىزمەتىن جوعارى باعالادى

«نۇر وتان» حالىقتىق-دە­مو­كراتيالىق پارتياسىنىڭ ور­تا­لىق اپپاراتىندا كەشە «نۇر وتان» پارتياسى توراعا­سى­نىڭ ءبىرىنشى ورىنباسارى نۇرلان نىع­ما­تۋليننىڭ «ليتۆا حا­لىق­تىق پار­تياسى» دەلە­گا­تسيا­سىمەن كەزدەسۋى بولىپ ءوتتى, دەپ حابارلادى «نۇر وتان» حدپ-نىڭ ءباسپاسوز قىزمەتى. كەزدەسۋ بارىسىندا قازاقستان رەسپۋبليكاسىنىڭ پرەزيدەنتى, «نۇر وتان» پارتياسىنىڭ ءتور­اعا­سى نۇرسۇلتان نازارباەۆ پەن ليتۆا رەسپۋبليكاسىنىڭ پرەزيدەنتى داليا گريباۋسكايتەنىڭ ارقا­سىندا ءبىزدىڭ ەل مەن ليتۆا ارا­سىندا مىق­تى ىسكەرلىك قاتىناستار ورناعانى اتالىپ ءوتتى. ليتۆا – ەۋروپاداعى قاۋىپسىزدىك جانە ىن­تىماقتاستىق ءجو­نىندەگى ۇيىمعا توراعالىقتى قازاقستاننان كەيىن قابىلداعان ەل. ليتۆالىق دەلەگاتسيانىڭ جەتەكشىسى كازيميرا پرۋنسكەنە قا­زاقستاننىڭ ەقىۇ-عا توراعالى­عى­نا, سونداي-اق مەملەكەتىمىزدىڭ باسشىسى نۇرسۇلتان نازارباەۆ­تىڭ باستاماسىمەن استانا قالا­سىندا وتكىزىلگەن ەقىۇ سامميتىنە جوعارى باعا بەردى. نۇرلان نىعماتۋلين تاۋەلسىز­دىك العاننان كەيىنگى 20 جىلدا مەملەكەتىمىزدىڭ ەلباسى جەتەكشىلىگىمەن قول جەتكىزگەن جەتىستىكتەرى تۋرالى بايانداپ, «نۇر وتان» حا­لىقتىق-دەموكراتيالىق پار­تيا­سى مەن ليتۆا حالىقتىق پار­تياسى اراسىندا ورناعان تۇراقتى قارىم-قاتىناستاردى اتاپ ءوتتى. سونداي-اق پارتياارالىق ۇنقاتى­سۋدى كەڭەيتۋ ەكى ەل حالىق­تارى­نىڭ مۇددەسى ءۇشىن اسا ماڭىزدى ەكەنىنە نازار اۋداردى. كەزدەسۋدە سونداي-اق پارتيا­ارالىق ىنتىماقتاستىق ماسەلە­لە­رى تالقىلاندى.