ەلباسىمىز – قازاقستان حالقى اسسامبلەياسىنىڭ ءتوراعاسى نۇرسۇلتان نازارباەۆ ءتاۋەلسىزدىكتىڭ ءتاڭسارى شاعىندا, ەگەمەندىكتىڭ ەلەڭ-الاڭىندا-اق ءبىزدىڭ ەلىمىزدىڭ بولاشاعى تەك قانا بىرلىككە بايلانىستى ەكەنىن باسىن اشىپ ايتتى. جاس مەملەكەتتىڭ العاشقى قادامدارىنان باستاپ ۇلتتىق ساياساتتى سارابدال جۇرگىزە ءبىلدى. ادامداردى ناسىلىنە, تەگىنە, ۇلتىنا قاراپ بولۋگە ەشقانداي جول بەرىلمەيتىنىن سالعان بەتتەن اڭعارتتى, قازاقستاندا ءار ادام ءوزىنىڭ ىسكەرلىگىنە, بىلىكتىلىگىنە, پاراساتتىلىعىنا عانا قاراپ باعالاناتىنىن مالىمدەدى.
ءىس جۇزىندە ءدال سولاي بولدى دا. سوندىقتان ءبىزدىڭ ەلىمىزدەگى قانداي ەتنوستىڭ وكىلى دە ءوزىن قازاقستاننىڭ ءتول پەرزەنتى, پاتريوتى سانايدى. وسى ەلدىڭ قىزىعىن ءبىرگە قىزىقتايدى, قيىندىقتارىن ءبىرگە ەڭسەرەدى, تابىستارىنا بىرگە قۋانادى.
شىندىعىنا كەلگەندە, بۇگىندە ءبىرلىك, بىرەگەيلىك ۇعىمدارىنىڭ اياسىنا كوپ ماعىنا سىيادى. ونىڭ نەگىزىندە حالقىمىزدىڭ مادەني ساۋا-
تى, ءبىلىمى, تاعى باسقا دا اۋقىمدى ءىس-شارالار جۇزەگە اسىرىلۋدا. وعان ۇلت جوسپارىنداعى ءتورتىنشى رەفورما توڭىرەگىندە قولعا الىنعان جۇمىستار دالەل. ماسەلەن, «100 قادام» نەگىزىندە قازاقستان حالقى اسسامبلەياسى بىرقاتار قاعيداتتى مىندەتتەردى شەشۋدى ءجۇزەگە اسىرۋدا. بىرىنشىدەن, بارلىق دەڭگەيدەگى مەملەكەتتىك ورگاندار مەن ازاماتتىق قوعام ينستيتۋتتارىنىڭ قىزمەتى «ماڭگىلىك ەل» جاڭا قازاقستاندىق ء پاتريوتيزمدى نىعايتۋعا جانە دامىتۋعا باعىتتالعان. ەلىمىزدە بيلىك ينستيتۋتتارىنىڭ تۇرعىندارمەن تولىققاندى ءوزارا قارىم-قاتىناس جاساۋىنا ءمۇمكىندىك بەرەتىن مەملەكەتتىك باسقارۋ جۇيەسى قۇرىلۋدا.
ەكىنشىدەن, ەلىمىز ءۇشىن وتباسى, بىرلىك, سونداي-اق, ەڭبەكسۇيگىشتىك, ادالدىق, زياتكەرلىك, ءۇشتىلدىلىك ءتارىزدى قۇندىلىقتار ناسيحاتتالاتىن ەڭبەك جانە كاسىپقويلار قوعامىن قۇرۋ باسىمدىقتى بولىپ تابىلادى. ءۇشىنشىدەن, قازاقستاننىڭ الدىندا ەل دامۋىنىڭ ستراتەگيالىق ماقساتتارى ءۇشىن جۇمىلعان, قازاقستاندىق بىرتەكتىلىك پەن ءبىرلىك, جاڭا قازاقستاندىق پاتريوتيزم قاعيداتتارىندا ءتاربيەلەنگەن «ماڭگىلىك ەل» ۇرپاعىن قالىپتاستىرۋ بويىنشا ءمىندەتتەر تۇر. تورتىنشىدەن, قوعام الدىندا حالىقتىڭ تاريحي ەستەلىگى مەن رۋحاني-مادەني مۇراسىن نىعايتۋعا باعىتتالعان مەملەكەتتىك باعدارلامالار مەن جوبالاردى, سونداي-اق, مەملەكەتتىڭ قازاقستاندىق قوعامنىڭ رۋحاني ءبىرلىگى قاعيداتتارىنا نەگىزدەلگەن زايىر-
لىلىق سيپاتىن دامىتۋ بويىنشا شارالاردى ساپالى تۇردە جۇزەگە اسىرۋ مىندەتتەرى بار.
نۇرسۇلتان ءابىش ۇلى نازارباەۆ سياقتى بۇكىل الەم تانىعان, مويىن-
داعان ەلباسىمىز بار, تاتۋ-ءتاتتى حالقىمىز بار, ەڭبەكقور ەلىمىز بار, جەردىڭ استىن دا, ءۇستىن دە تولتىرعان بايلىعىمىز بار, ىرىس قونعان جۇرتپىز. وسى ىنتىماعىمىزدى, وسى بىرلىگىمىزدى كوزدىڭ قاراشىعىنداي ساقتاۋىمىز, بالالارىمىزعا, نەمەرەلەرىمىزگە, ءشوبەرەلەرىمىزگە ۇلگى ەتىپ, ونەگە ەتىپ ايتۋىمىز, اماناتقا قالدىرۋىمىز كەرەك. سولاي ەتۋ ارقىلى ءبىز ەلدەگى الەۋمەتتىك-ەكونوميكالىق رەفورمالاردىڭ ويداعىداي جۇزەگە اسىرىلۋىنا جاعداي جاسايمىز, ءوزىمىزدىڭ بەرىك تە باياندى بولاشاعىمىزدى قامدايمىز. ۇلى دالاداعى ماڭگىلىك ەل بولۋ اسقاق ارمانىمىزعا وسىلاي جەتەمىز.
اسكەر پيريەۆ,
قحا مۇشەسى, استانا قالالىق تۇرىك ەتنومادەني بىرلەستىگىنىڭ توراعاسى
