اكادەميككە قۇرمەت

لەۆ گۋميلەۆ اتىنداعى ەۋرازيا ۇلتتىق ۋنيۆەرسيتەتىندە جىل سايىنعى يلەنكوۆ وقۋلارىنا وراي وتكەن «فيلوسوفيا جانە مادەنيەت» اتتى ءحىىى حالىقارالىق عىلىمي كونفەرەنتسيانىڭ ايا­سىندا اكادەميك جابايحان ءابدىل­دين اتىنداعى اۋديتوريانىڭ اشىلۋ ءراسىمى ءوتتى ەۆالد يلەنكوۆ كەڭەستىك كەزەڭنىڭ كورنەكتى فيلوسوفى. ديا­لەكتيكالىق ءداستۇردىڭ دامۋ ەتاپ­تا­رىن قالىپتاستىرعان تۇلعا. ونىڭ ەڭبەكتەرى الەمدىك فيلوسو­فيالىق ويدىڭ قازىناسىنا اي­نالعان. ءسوز رەتى كەلگەندە ايتا كەتەلىك, 1990 جىلى فيلوسوفيا عى­لىم­دارىنىڭ دوكتورى س.مارەەۆ يلەن­كوۆ وقۋ­لارىن وتكىزۋ تۋرالى يدەيا تاستاپ, سوعان وراي 1991 جىلى رەسەيدە العاش رەت كونفەرەنتسيا وتكىزىلگەن بولاتىن. سودان بەرى داستۇرگە اي­نالعان جىل سايىنعى يلەنكوۆ وقۋلارى 1999 جىلى حالىقارالىق كونفەرەنتسيا ستاتۋسىن يەمدەنگەن. حالىقارالىق دەڭگەيدەگى اتالمىش كونفەرەنتسيا اكادەميك جابايحان ءابدىلديننىڭ جەتەكشىلىگىمەن  قا­زاق­ستاندا تۇڭعىش رەت وتكىزىلدى. ءبىر ايتا كەتەر جايت, وسى جيىن اياسىندا ل.ن.گۋميلەۆ اتىنداعى ەۇۋ الەۋمەتتىك عىلىمدار فاكۋلتەتىندە فيلوسوفيا عىلىم­دارى­نىڭ دوكتورى, پروفەسسور جابايحان ءابدىلديننىڭ اتىن­داعى جە­كە اۋديتوريانىڭ اشىلۋ سال­تاناتى ءوتتى. اكادەميك جابايحان ءابدىلدين – 100-دەن استام عىلىمي ەڭبەك­تەردىڭ, ونىڭ ىشىندە وتىزدان اسا مونوگرافيالاردىڭ اۆتورى. ونىڭ ەڭبەكتەرى الەمنىڭ كوپتەگەن ەلدەرىندە, اتاپ ايتقاندا انگليا, گەرمانيا, ۋكراينا, رەسەي, فرانتسيا ەلدەرىندە جارىق كورگەن. ول قا­زاقستان رەسپۋبليكاسى پرەزيدەنتى­نىڭ بەيبىتشىلىك جانە رۋحاني كەلىسىم سىيلىعىنىڭ, سونداي-اق مەملەكەتىك سىيلىقتىڭ لاۋرەاتى. سوڭعى ديزاين ۇلگىسىمەن سالىن­عان اۋديتوريا ءىشى اكادەميك ەڭبەك­تەرىمەن جابدىقتالعان. مۇندا جابايحان مۇباراك ۇلى جايلى اقپا­رات ىزدەپ, ەڭبەك­تەرىمەن تانىسقىسى كەلگەندەر ءۇشىن تاپتىرماس ءمۇم­كىندىك بارىنا كوز جەتكىزدىك. وندا اكادە­ميك­تىڭ جاس كۇنىنەن بەرگى ءومىرى تو­لىق قامتىلعان. ەڭبەكتەرى دە جەتەرلىك. ارينە, باسەكەگە قابى­لەتتى عا­لىم مۇنداي قۇرمەتكە ابدەن لايىقتى. جۇلدىز ءبايدىلدا.