جاستارعا قامقورلىق – كەلەشەك قامى

ءبىر توپ ستۋدەنتتەر تەگىن ءبىلىم الۋ گرانتىنا يە بولدى جەتىسۋ جەرىندە 508 مىڭنان استام جاس بولسا, ونىڭ 395 مىڭى اۋىلدا, 113 مىڭى قالادا تۇرىپ, تۋعان جەردىڭ گۇلدەنۋىنە ءوز ۇلەس­تەرىن قوسۋدا. وسى الىپ كۇشتى قوعامنىڭ بولاشاعىنا تالعامپاز­دىقپەن باعىتتاۋ ءۇشىن جاندى قامقورلىق پەن ناتيجەلى جۇمىس قاجەتتىگى تۇسىنىكتى. جالپى جاستارعا, ونىڭ ىشىندە الەۋمەتتىك جاعىنان جەتكىلىكسىز قامتىلعان وتباسىلارىنداعى, جەتىم جانە جارتىلاي جەتىم بالا­لار­دىڭ جوعارى وقۋ ورىندارىندا ءبىلىم الۋىنا جاعداي جاساۋدىڭ ءمانى زور دەسەك, ەلباسى جىل سايىنعى جولداۋلارىندا ناقتى تاپسىرما بەرىپ كەلەدى. وسىعان وراي 2006 جىلدان بەرى وبلىس اكىمىنىڭ گرانتى تاعايىندالىپ, وسى ارالىقتا 470 ستۋدەنتتىڭ تەگىن ءبىلىم الۋىنا بيۋدجەتتەن 192,4 ملن. تەڭگە جۇمسالىپتى. بۇگىنگى كۇنى ولاردىڭ 63-ءى وقۋىن اياقتاپ, ماماندىقتارى بويىنشا ءتۇرلى سالادا ەڭبەكتەرىن جالعاستىرعان. بيىل وسىنداي 354 ستۋدەنتتىڭ قالاعان ماماندىقتارى بويىنشا تەگىن ءبىلىم الۋىنا 80,6 ملن. تەڭگە بولىنسە, ءىلياس جانسۇگىروۆ اتىن­داعى مەملەكەتتىك ۋنيۆەرسيتەتتە عانا 164 جاس ءارتۇرلى ماماندىق بويىنشا بىلىمدەرىن تولىقتى­رۋدا. وقۋ ورنىنداعى 6 فاكۋلتەتتە 6,5 مىڭ ستۋدەنت وقيدى دەسەك, ولاردىڭ قاتارىندا ارنايى گرانتپەن وقۋىن جالعاستىرعان ستۋدەنتتەردىڭ بولۋى, ارينە, ۇلكەن قۋانىش. – ۇلتتىق بىرىڭعاي تەستىلەۋدەن 88 بالل جيناعانىممەن مەملەكەتتىك گرانت يەگەرى بولا ال­مادىم. انام ەكىنشى توپتاعى ءمۇ­گە­دەك, اكەم جوق. وبلىس اكىمىنىڭ گرانتى بار ەكەنىن ەستىپ, قۇجات­تارىمدى تاپسىردىم. ءسويتىپ, ماق­ساتىما جەتىپ, قۋاندىم. ءى.جانسۇگىروۆ اتىنداعى جەتىسۋ مەملەكەتتىك ۋني­ۆەرسيتەتىنىڭ 1 كۋرس ستۋدەنتىمىن, – دەگەن ايگەرىم شانشارباەۆا دا قۋانىشىن جاسىرمادى. ەلباسىنىڭ بيىلعى ءداستۇرلى جولداۋىندا «ءومىر بويى ءبىلىم الۋ» ءاربىر قازاقستاندىقتىڭ جەكە كرەدوسىنا اينالۋى ءتيىس» دەپ اتاپ كورسەتىلدى. ەل بولاشاعى جاستاردىڭ ويى دا, بويى دا تازا, سۇلۋ, سىمباتتى, پاراساتتى بو­لىپ وسۋىنە ەكى جاقتاعى باي­لانىستىڭ اسەرى مول ەكەندىگىنە كوز جەتتى. كۇمىسجان بايجان, الماتى وبلىسى.