جارىلىس 70 ادامنىڭ ءومىرىن قيدى

پاكستاننىڭ سولتۇستىك-باتىسىندا جاسالعان ەكى تەررورلىق ارەكەتتەن 70-كە جۋىق ادام قازا تاۋىپ, 30-دان استام ادام ءتۇرلى جاراقات الدى. بۇل تۋرالى كەشە «اسسوشەيتەد-پرەسس» اگەنتتىگى حابارلادى. جارىلىستار پەشاۆار قالاسىنان 30 شاقىرىمداي جەردەگى اسكەريلەندىرىلگەن پوليتسيا بولىمشەسى مۇشەلەرىنىڭ دايىندالۋ ورتالىعىنىڭ اۋماعىندا جاسالعان. اگەنتتىكتىڭ تاراتقان اقپاراتتارىنا قاراعاندا, قازا تاپقانداردىڭ كوپشىلىگى اسكەري قىزمەتشىلەر. كەيىن بەلگىلى بولعانىنداي, العاشقى جارىلىستى جانكەشتى جاساعان. ەكىنشى بومبانى دا جانكەشتى ىسكە قوسقان دەگەن بولجام ايتىلۋدا. جارىلىستاردىڭ جاسالۋ جاۋاپكەرشىلىگىن قازىرگە ەشقانداي ۇيىم وزدەرىنە العان جوق. حوسني مۇباراك تاعى 15 تاۋلىككە ۇستالادى «فرانس-پرەسس» اگەنتتىگىنىڭ حابار­لاۋىنشا, ەگيپەت بيلىگى ەلدىڭ بۇ­رىن­عى پرەزيدەنتى حوسني مۇباراكتى تاعى 15 تاۋلىك ۇستاۋدى ۇيعارعان. ونى قا­ماۋدا ۇستاۋدىڭ مەرزىمى وسىمەن ەكىنشى رەت ۇزارتىلىپ وتىر. ءوز وكىلەتتىگىن اسىرا پايدالاندى جانە زاڭسىز بايۋ جولىنا ءتۇستى دەگەن ايىپتار تاعىلعان بۇرىنعى پرەزيدەنت قازىرگى كەزدە شارم ەل-شەيحتەگى اۋرۋحانادا جاتىر. «اسسوشەيتەد-پرەسس» اگەنتتىگىنىڭ اق­پا­راتتارى بويىنشا, ول تەرگەۋ ورىندارىنا زايىبى سيۋزانن سابەتپەن بىرگە العاش رەت جاۋاپتار بەرگەن. بىرقاتار ساراپشىلار ح.مۇباراكتىڭ جانە ونىڭ جاقىندارىنىڭ بايلىعى ونداعان ميلليارد دوللاردان اسادى دەگەندى العا تارتادى. گينگريچ پرەزيدەنتتىك سايلاۋعا تۇسپەك اقش كونگرەسى وكىلدەر پالاتاسىنىڭ بۇرىنعى سپيكەرى, رەسپۋبليكاشىل نيۋت گينگريچ ءوزىنىڭ 2012 جىلعى پرەزيدەنتتىك سايلاۋعا تۇسەتىنىن مالىمدەدى. بۇل اقپاراتتى «فرانس-پرەسس» اگەنتتىگى تاراتتى. نيۋت گينگريچ 1995 جىلى رەسپۋبليكاشىلاردىڭ 40 جىل ۇزىلىستەن كەيىن وكىلدەر پالاتاسىنان كوپشىلىك ورىن العان كەزدە اقش كونگرەسىنە سپيكەر بولىپ سايلانعان ەدى. سپيكەرلىك ورىنتاققا وتىرعان ول اقش-تىڭ سول كەزدەگى دەموكرات-پرەزيدەنتى بيلل كلينتوننىڭ ساياساتىن وتكىر سىنعا الۋ ارقىلى كەڭىنەن تانىلعان بولاتىن. كەيىن, 1998 جىلى وتكەن كونگرەسس سايلاۋىندا رەسپۋبليكاشىلار جەڭىلىسكە ۇشىراعان سوڭ, ول سپيكەرلىكتەن دە, كونگرەسس مۇشەلىگىنەن دە كەتكەن ەدى. قۇپيا بايانداما ەندى جاريا ەتىلەدى «فرانس-پرەسس» اگەنتتىگىنىڭ اق­پاراتتارىنا قاراعاندا, اقش بيلىگى «پەنتاگون قۇجاتتارى» دەپ اتالاتىن 1945-1967 جىلدارداعى امەريكالىق-ۆەتنامدىق قاتىناس­تار تۋرالى قۇپيا باياندامانى جا­رىققا شىعارادى. بۇعان دەيىن جارىق كورمەگەن «پەنتاگون قۇجاتتارىنىڭ» تولىق ماتىنىمەن ماۋسىم ايىنان باستاپ, كاليفورنيا شتاتىنداعى ريچارد نيكسون اتىنداعى كىتاپحانادا تا­نىسۋعا بولادى. بۇل قۇپيا بايانداما 1967 جىلى ەلدىڭ قورعانىس ءمينيسترى روبەرت ماكناماردىڭ تاپسىرماسىمەن دايىندالعان كورىنەدى. جەتى مىڭ بەتتەن تۇراتىن بايانداما نەگىزىنەن ۆەتنامنىڭ ىشكى ىسىنە اقش-تىڭ ارالاسۋى مازمۇندالعان سياقتى. پارتيا قۇرامىن دەپ قىزمەتتەن كەتتى نوبەل سىيلىعىنىڭ لاۋرەاتى مۇحامماد يۋنۋس Grameen بانكىنىڭ باسقارۋشىسى قىزمەتىنەن وتستاۆ­كا­عا كەتتى. بۇل جونىندە «گارديان» باسىلىمى حابارلادى. باسىلىمنىڭ كەلتىرگەن دەرەكتەرىنە قاراعاندا, بانكير بانك قىزمەتىنە جانە بانكتىڭ 8 ميلليوننان استام كليەنتىنە نۇقسان كەلتىرمەۋ ماقساتىندا ءوز ەركىمەن وتستاۆكاعا كەتىپ وتىر. ونىڭ باسقارۋشى بولىپ قالا بەرۋى بانكتىڭ جۇمىسىنا زيانىن تيگىزۋى مۇمكىن. اتالعان بانك كەدەي تۇراتىن تۇرعىندارعا شاعىن كرەديت بەرىپ كەلە جاتقان الەمدەگى العاشقى قارجى ۇيىمى بولىپ تابىلادى. 2007 جىلى م.يۋنۋس ساياسي پارتيا قۇرۋعا نيەتتەنگەن ەكەن. بۇل بانگلادەش ۇكىمەتىنە ۇناماعان. ءوش الۋ ارەكەتى كەشە ەرتەڭگىلىك قىتايدىڭ گانسۋ پروۆينتسياسىنداعى ءبىر بانكتە جا­رى­لىس بولىپ, 40-قا جۋىق ادام جاراقات الدى. بۇل اقپاراتتى «سينحۋا» اگەنت­تىگى تاراتتى. الدىن الا مالىمەتتەر بويىنشا, جارىلىستى 39 جاستاعى بانكتىڭ بۇرىنعى قىزمەتكەرى يان سيانۆەن جاساعان كورىنەدى. ول وسى بانكتە قارجىلىق الاقولدىققا سالىن­عانى ءۇشىن جۇمىستان بوساتىلعان. اگەنتتىكتىڭ حابار­لاۋىنشا, ول بانك قىزمەتكەرلەرىنىڭ كەڭەسى ءوتىپ جاتقان كەزدە جارىلعىش قوسپا سالىنعان شيشانى لاقتىرىپ, ءوزى قاشىپ كەتكەن. قازىرگى كەزدە ونى ىزدەستىرۋ شارالارى ءجۇرىپ جاتىر. قىسقا قايىرىپ ايتقاندا: ەۋروپارلامەنت توراعاسىنىڭ ورىنباسارى, گەرمانيا ەركىن دەموكراتيالىق پارتياسى جەتەكشىلەرىنىڭ ءبىرى سيلۆان كوح-مەرين حانىم ءوزىنىڭ كانديداتتىق ديسسەرتاتسياسىنىڭ ءبىراز بولىگىن وزگە ەڭبەكتەردەن كوشىرىپ العاندىعىنا بايلانىستى وتستاۆكاعا كەتتى. رەسەي پرەزيدەنتى دميتري مەدۆەدەۆ 18 مامىردا ماسكەۋدە ۇلكەن ءباسپاسوز ءماسليحاتىن وتكىزەدى. ءباسپاسوز ءماسليحاتى ساعات 13.00-دە تىكەلەي ەفير ارقىلى «ءبىرىنشى ارنا», «رەسەي-1» جانە «رەسەي-24» تەلەارنالارىندا كورسەتىلەدى. گرەكيا بيلىگى ەلدىڭ ەكونوميكالىق جاعدايىن قالپىنا كەلتىرۋ ءۇشىن قوسىمشا تاعى 60 ميلليارد ەۋرو قاجەت ەكەندىگىن مالىمدەدى. «فرانس-پرەسس» اگەنتتىگىنىڭ حابارلاۋىنشا, اقش-تىڭ ارنايى قىزمەتى جەكەلەگەن كونگرەسس مۇشەلەرىنە ۋساما بەن لادەننىڭ ءولى دەنەسىنە قاتىستى 15-كە جۋىق سۋرەتتى كورسەتكەن. ينتەرنەت ماتەريالدارى نەگىزىندە ازىرلەندى.