جەر تۋرالى زاڭناما جەتىلدىرىلەدى

پارلامەنت سەناتىندا اگرارلىق ماسەلەلەر جانە قورشاعان ورتانى قورعاۋ كوميتەتى دەپۋتاتتارىنىڭ جەر رەسۋرستارىن باسقارۋ اگەنتتىگىنىڭ باسشىلارىمەن كەزدەسۋىندە جەر تۋرالى زاڭنامانى ودان ءارى جەتىلدىرۋ ماسەلەلەرى تالقىلاندى. كەزدەسۋدى اشا كەلىپ كوميتەت ءتور­اعاسى بولات جىلقىشيەۆ پرە­زيدەنت نۇرسۇلتان نازار­باەۆ­تىڭ بيىلعى جولداۋىندا اگرار­لىق سالانى ودان ءارى دامىتۋ تۋ­رالى العا قويعان مىندەتتەر تۇر­عى­سىندا بۇل تالقىلاۋدىڭ ما­ڭىز­دىلىعىن اتاپ ءوتتى. مەملەكەت باسشىسى اۋىل شا­رۋاشىلىعى ءوندىرىسىن ءارتاراپ­تان­دىرۋ, جەر رەسۋرستارىن, ءاسى­رەسە, اۋىل شارۋاشىلىعى ماقسا­تىنداعى جەرلەردى ءتيىمدى پايدالانۋ تۋرالى ماسەلەلەردى اكىمدەر, «نۇر وتان» مەن «سامۇرىق-قا­زىنا» ءال-اۋقات قورى باسشى­لا­رى­نىڭ قاتىسۋىمەن ءساۋىر ايىندا بول­عان ۇكىمەتتىڭ كەڭەيتىلگەن وتى­رىسىندا كوتەرگەن بولاتىن. ۇكى­مەتكە جەر قورىنا تەكسەرۋ ءجۇر­گىزۋ جانە جايىلىمدار مەن شابىندىق جەرلەردى ءتيىمدى پايدالانۋ شارالارىن ازىرلەۋ تاپسىرىلدى. اۋىل شارۋاشىلىعى الدىندا تۇرعان مىندەتتەر اياسىندا ءبىرىنشى كەزەكتە ازىق-ت ۇلىكتى قامتاماسىز ەتۋ, سالانىڭ ەكسپورتتىق الەۋەتى مەن ينۆەستيتسيالىق تارتىمدى­لى­عىن ارتتىرۋدى اتاپ وتكەن ب.جىل­قىشيەۆ جەر تۋرالى زاڭ­نا­ما­نى ودان ءارى جەتىلدىرۋ ماسە­لە­لەرى اسا ماڭىزدى ەكەنىنە توق­تالدى. بۇل ماقساتتا, سەناتوردىڭ اي­تۋىنشا, جەر كودەكسىنە, «مەملەكەتتىك م ۇلىك تۋرالى» زاڭعا, قول­دانىستاعى زاڭدارعا رۇقسات بەرۋ جۇيەسى, ورمان شارۋاشىلىعى, جانۋارلار دۇنيەسى جانە ەرەكشە قورعالاتىن تابيعي اۋماقتار, شارۋا (فەرمەر) قوجالىعىنىڭ جۇ­مى­سى تۋرالى وزگەرىستەر مەن تولىقتىرۋلار ەنگىزىلدى. جەر رەسۋرستارىن باسقارۋ جونىندەگى اگەنتتىك باسشىسى ءو.وزىبەكوۆ جەردى ءتيىمدى پايدالانۋ جانە قورعاۋ سالاسىنداعى مەملەكەتتىك ساياساتتى جۇزەگە اسى­رۋ­داعى مەكەمە قىزمەتى تۋرالى حاباردار ەتىپ, بيىلعى جىلعى جۇ­مىس­تاردىڭ باسىم باعىتتارى تۋ­رالى باياندادى. ءو.وزىبەكوۆتىڭ اي­تۋىنشا, بۇلار جەردى ەسەپتەۋ جانە ەكونوميكالىق باعالاۋ, جەر رەسۋرستارىنىڭ سانى مەن ساپا­لىق جايىن جانە اگروحيميالىق مونيتورينگ جاعدايىن اقپارات­تىق قامتاماسىز ەتۋ جۇيەسىن قالىپتاستىرۋ بولىپ تابىلادى. تالقىلاۋ بارىسىندا جەر رە­سۋرستارىن ءتيىمدى پايدالانۋ سا­لاسىنداعى مەملەكەتتىك باقى­لاۋ­دى ودان ءارى ارتتىرۋ, اۋىل شارۋا­شى­لىعى ماقساتىنداعى جەرلەر­دىڭ قۇنارلىلىعى مەن ونىمدىلىگىن جاقسارتۋ, جەر تۋرالى زاڭناما­لار­دى ساقتاۋ, جەرگە قاتىستى سى­بايلاس جەمقورلىق قۇقىق بۇزۋ­شى­لىقتاردى تۋىنداتاتىن سەبەپتەر مەن جاعدايلاردى تۇبىرىنەن جويۋ, حالىق اراسىندا قۇقىق ءتۇ­سىن­دىرۋ جۇمىستارىن جۇرگىزۋ ماسەلەلەرى تۋرالى ايتىلدى. اسقار تۇراپباي ۇلى.