پاراقورلىققا توسقاۋىل جولدارى

مەملەكەتتىك قىزمەتكەر­لەر­دىڭ پارا الۋى قىل­مىس­تىق ارەكەتتەردىڭ ءبىرى بولىپ ەسەپتەلىنەدى. سونىمەن قا­تار, ءسوز رەتى كەلگەندە ايتا كەتەتىن تاعى ءبىر ءجايت, ازاماتتار تاراپىنان لاۋا­زىم­دى تۇلعالارعا پارا بەرۋ زاڭسىزدىق بولىپ تابىلادى. ءبىر ەسەپتەن «پارانىڭ» مەملەكەتتىك قىزمەتكەردى ءوز پاي­داسىنا پايدالانۋ ءۇشىن قولدانىلاتىنى بۇگىندە ايت­پاسا دا تۇسىنىكتى. ەگەر بۇل جاعداي كوممەرتسيالىق قۇرىلىمداعى قىزمەتكەرگە باعىتتالسا, وندا ول «كوم­مەرتسيالىق ساتىپ الۋ» دەپ اتالادى. جاسىراتىنى جوق, كوپشىلىك اراسىندا «پارا» نەگىزىنەن ءبىر بۋما اقشا تۇرىندە قابىلداناتىندىعى ءسوزسىز. دەگەنمەن, ونىڭ تەك اقشا تۇرىندە عانا ەمەس, باعالى سىيلىق رەتىندە دە ۇسىنىلاتىن كەزدەرى از ەمەس. دەگەنمەن, لاۋازىمدى تۇل­عالارعا بەلگىلى ءبىر زاڭ­سىز­دىققا بارىپ, جاساعان كو­مەگى ءۇشىن بەرىلەتىن پا­را­نىڭ قاي-قايسىسى بولماسىن زاڭ تالابىن بۇزۋ, ياعني جا­زاعا تارتىلۋى قاجەت ارەكەت بولىپ تابىلاتىنىن ەستەن شىعارماۋ قاجەت. سوندىق­تان دا, پاراقورلىق وتە قاۋىپتى لاۋازىمدىق قىلمىس بولىپ سانالادى. انىعىراق ايتقاندا, پارانىڭ ەكى ءتۇرىن انىقتاپ الۋ قاجەت سياقتى. ونىڭ ءبىرى پارا ارقىلى – لاۋازىمدى تۇلعانىڭ كومە­گىن ساتىپ الۋ بولسا, ەكىنشىسى العىس رەتىندە قولدانى­لا­تىندىعى دا جاسىرىن ەمەس. اشىعىن ايتقاندا, قاۋ­ىپ­تى لاۋازىمدىق قىلمىس رەتىندە پاراقورلىقپەن كۇ­رە­س­تى جانە ونىڭ الدىن الۋ جولدارىن ودان ءارى جەتىلدىرە ءتۇسۋ قاجەت. سونىمەن قا­تار, مۇنىڭ ءوزى بۇگىنگى تاڭ­داعى ەڭ باستى ءارى ەڭ وزەكتى مىندەت. قىنجىلارلىعى, مۇن­داي, كەلەڭسىز كورىنىس كۇندەلىكتى تىرشىلىكتە ءجيى كەزدەسۋدە. ءارتۇرلى سالادا باسشىلىق قىزمەت اتقارا­تىن جوعارى لاۋازىم يەلەرى اراسىندا مۇنداي قىلمىس­تىق ارەكەتتەرگە باراتىندار سانى ۋاقىت وتكەن سايىن ازايار ەمەس. ءبىر قۇپتارلىعى, سوڭعى ۋاقىتتا ەلىمىزدە سى­بايلاس جەمقورلىقپەن, پا­را­قورلىقپەن كۇرەس قار­قى­نى ارتا تۇسۋدە. جەم­قور­لىقپەن كۇرەس باعىتىنداعى ەڭ ىقپالدى جولداردىڭ ءبىرى – ازاماتتاردىڭ اقپاراتپەن, زاڭناما تالاپتارىمەن تو­لىقتاي قامتاماسىز ەتىلۋى ەكەندىگى ءسوزسىز. زاڭدى قۇقىعى مەن زاڭدى مىندەتتەرىن جەتىك بىلەتىن ازاماتتار ەشقاشان ولقىلىققا جول بەرمەيدى. ءادىل ادامباەۆ, قاراساي اۋداندىق حقو قىزمەتكەرى. الماتى وبلىسى.