باعا نەگىزسىز شارىقتاماۋى شارت

ەلباسى نۇرسۇلتان نازارباەۆ 2011 جىلدىڭ 17 ساۋىرىندە ۇكىمەت مۇشەلەرى, وبلىس اكىمدەرى, پارتيا باسشىلارى جانە ت.ب. قاتىسۋىمەن وتكەن ۇكىمەتتىڭ كەڭەيتىلگەن ماجىلىسىندە ازىق-ت ۇلىك تاۋارلارىنىڭ باعاسىنا پارتيالىق باقىلاۋ جاساۋ تۋرالى تاپسىرما بەرگەنى بەلگىلى. «نۇر وتان» حدپ استانا قالالىق فيليالىندا وسى تاپسىرمانى ورىنداۋعا ارنالعان ءىس-شارالاردى قاراستىرعان وتىرىس بولىپ ءوتتى. فيليال توراعاسىنىڭ ءبىرىنشى ورىنباسارى ءامىرحان راحىم­جا­نوۆ ءوزىنىڭ سوزىندە ءماجىلىس بارى­سىندا وسى تاپسىرمانىڭ ورىن­دا­لۋى پىسىقتالاتىنىن ايتتى. الدىمەن ول ەلباسىنىڭ تاپسىر­ما­سىن ورىنداۋ ماقساتىندا پار­تيا­نىڭ قالالىق فيليالى بيۋ­رو­سىنىڭ قاۋلىسىمەن ازىق-ت ۇلىك باعالارىن باقىلاۋ جونىندەگى قوعامدىق كەڭەس جانە استانا قا­لاسىنىڭ بازارلارىندا پارتي­يا­لىق باقىلاۋ بەكەتتەرى قۇرىل­عا­نىن اتاپ ءوتتى. ارينە, نارىقتىق ەكونو­مي­كا­دا بىرەۋگە باعانى كوتەرمە دەپ نەمەسە تومەن ءتۇسىر دەپ ەشكىم دە بۇيرىق بەرە المايدى. بىراق وبەكتيۆتى سەبەپتەردى العا تار­تىپ, شەكسىز شارىقتاتۋدىڭ نەگىزسىز ەكەنىن دالەلدەپ, سالىق ورگان­دارىنىڭ فۋنكتسيالارى ارقىلى اسەر ەتسە, وعان ەشقانداي كاسىپ­كەر قارسى داۋ ايتا الماسى بەلگىلى. وسى وتىرىستا سويلەگەن كەيبىر كاسىپكەرلەردىڭ سوزىنە قارا­عان­دا, ولار ءوز باعالارىن شەتەلدىك باعالارعا قاراپ تۇزەلگىسى كەلەدى ەكەن. مۇندايعا جول بەرۋگە مۇلدەم بولمايتىنى قاداپ ايتىلدى. وتىرىس بارىسىندا باعانى وبەكتيۆتى سەبەپسىز شەكسىز شا­رىق­تاتۋشىلارعا قارسى پارتيا­نىڭ ۇسىنىسىمەن قارجىلىق, سالىقتىق جانە باسقا دا ءتيىستى وكىمەتتىك ورگاندار تاراپىنان ءتۇرلى جازالار قولدانىلۋى ءمۇم­كىن ەكەندىگى بەلگىلى بولدى. سونى­مەن بىرگە, پارتيا تاراپىنان با­عا­نى باقىلاۋ ءۇشىن ۇيىمداس­تى­رىلعان بەكەتتەر ناۋقاندىق سيپاتتا ەمەس, ۇنەمى جۇمىس ىستەيتىنى اتاپ كورسەتىلدى. جاقسىباي سامرات.