سارى قىمىز ساپىرعان قىمىزحانالار

تالدىقورعان – جاسىل جەلەك جامىلعان اسەم قالا. كوگىلدىر كوك­تەمنەن ونىڭ ءسان-سالتاناتىن شا­ھار­عا كىرەر تۇستان باستالاتىن اق­شاڭقان التى, سەگىز قانات ويۋ-ءور­نەك­پەن بەزەندىرىلگەن قىمىزحانالار تولىقتىرادى. بيىل دا سولاي بول­دى. بۇل ءبىر جاعىنان ۇلتتىق ءداس­تۇر-سالتتىڭ جاراسىمدىلىعى دەسەك, ەكىنشىدەن, جاز ايلارىندا ءشول باسىپ, دەرتكە داۋا بولاتىندىعى. جاقسى باستامانىڭ ودان ءارى جال­عاسۋىن قۇپ كورگەن وبلىس اكىمى اڭزار مۇساحانوۆ اعىمداعى جىلى تۇتىنۋ­شىعا قىزمەت كورسە­تەتىن قى­مىزحانا جۇمىسىن كورىپ, ونىڭ جاب­دىقتالۋى مەن ۇلتتىق داستارقان ءما­ز­ىرىندەگى تاعام تۇرلەرىنىڭ ساپا­لى­لى­عىنا ءمان بەرۋ قاجەتتىگىن ورتاعا سالدى. وسى كۇنى ەڭبەكشىقازاق, قارا­ساي, جامبىل, رايىمبەك, سارقان, الا­­كول, ىلە جانە تاعى باسقا اۋدان­دار­دىڭ قىمىزحانالارى مەن شۇ­بات­­حانالارىنداعى باي داستارقان كەلۋ­شى­لەردىڭ تالعامىنان شىقتى. اس اتاسى – نان, جاڭا عانا پىسىرىلگەن ىستىق باۋىرساق پەن سارى قىمىز, قۇرت-ىرىمشىك, جال-جايا ءار شاڭىراق­تان تابىلدى. ۇكىلى بورىك, زەر كاجە­كەي كيگەن قىز-كەلىنشەك­تەردىڭ ءىلتي­پاتىمەن ۇسىنىلعان سۋسىن مەن تا­عام ءدامى قانداي دەسەڭىزشى! ءبارى دە ۇيلەسىم تاپقان. ءبىر-بىرىمەن باسە­كە­گە تۇسكەن اق وتاۋ­لارعا تاڭقالىس تا­نىتىپ,  تالعاپ, ءشول باسقاندار ءوز باعالارىن بەرىپ جاتتى. قىمىزحانا دا  تابىس كوزى بولىپ وتىر. ويتكەنى, شارۋا قوجا­لىق­تارى­نىڭ قولىمەن ءوندىر­ىلگەن قىمىز, شۇ­بات, جىلقى مەن قوي ەتتەرى  شا­ھار­لىق­تاردىڭ تالعامىنان شىققان­دىق­تان, وسى جەردە قۇدا كۇتۋ, شىلدەحانا, قىز ۇزاتۋ, تاعى باس­قا ۇلتى­مىزدىڭ سالت-ءداستۇرى جا­راسىم تابا­تى­نىن كو­رىپ تە, كۋا بولىپ تا ءجۇر­مىز. وتكەن جى­لى قالادا – 18, اۋدان ورتا­لىق­تا­رى مەن جول بويلارىندا 91 «قى­مىز­حانا» جۇمىس ىستەدى. ءجا­نە 978,5 مىڭ ليتر قىمىز بەن شۇبات ساتىلعان ءجان­ە 400-گە جۋىق ادام جۇمىسپەن قامتىلعان. جىل اياعىندا «قىمىزحانالار» اراسىنداعى بايقاۋ قورىتىندى­لا­نا­تىندىقتان التى اي جازدا باسە­كە بيىگىندە بولۋعا تىرىساتىندار جۇ­مىستارىن جۇيەلەي تۇسەدى.  بيىل «قى­مىزحانا-2011» ساۋدا ءۇي­لەرى­نىڭ جۇمىسىن ىنتالان­دىرۋعا 1641 مىڭ تەڭگە ءبولىنىپ وتىر. مۇنىڭ ءبارى ادام دەنساۋلىعىن نىعايتۋ مەن قور­عاۋعا باعىتتالعان ۇتىمدى شارا ەكە­نى داۋسىز. كۇمىسجان بايجان. الماتى وبلىسى.