سوگەتىلىكتەر ارداگەرلەرىن اسپەتتەدى

ەلىمىزدىڭ بارلىق وڭىرىندە 9 مامىر – جەڭىس كۇنىنە ارنالعان ءىس-شارالار ءوتتى. كوكتەمنىڭ شۋاقتى كۇنى الدىڭعى تولقىن اعا مەن كەيىنگى تولقىن ءىنىنى ديدارلاستىرىپ, ءبىرى وتكەن كۇندەردەن ەستەلىك ايتسا, ەكىنشىلەرى ۇيىپ تىڭدادى. سونداي ءبىر ادەمى جۇزدەسۋ سوگەتى اۋىلىندا دا بولدى. ارداگەرلەر كەڭەسىنىڭ ءتور­اعا­سى ءالمىش قوشاقاەۆ سوعىستىڭ سۇراپىل جىلدارىنداعى باتىر ۇلدار مەن باتىل قىزدار تۋرالى ايتىپ, سولاردىڭ كۇن ساناپ ازاي­ىپ بارا جاتقانىنان, قازىر كەي اۋىل­داردا مۇلدە قالماعانىنان, تىل­داعى ەڭبەك تە مايداننان كەم بولماعانىنان دالەل-دايەكتەر كەل­تىردى. اۋىل اكىمى ا.قاشا­عا­نوۆ سوعىس جانە ەڭبەك ارداگەرلەرىنە ارنايى اللەيا جاسالاتىنىن, ونىڭ جوبا-جوسپارى ءازىر تۇر­عا­نىن, بۇل وتكەن ۇرپاقتى ماڭگىلىك ەستەن شىعارماۋ ءۇشىن اتقارى­لا­تى­نىن جەتكىزدى. و.جاندوسوۆ اتىن­داعى مەكتەپ وقۋشىلارى الۋان ءتۇرلى ونەرلەرىن ورتاعا سالىپ, سپورتتىق ويىندارىن كورسەتتى. ساناۋلى قالعان سوعىس جانە ەڭبەك ارداگەرلەرىنە اۋىلدان ءتۇ­لەپ ۇشقان قازاق سپورتىنىڭ ايتۋ­لى وكىلى ەرمۇرات قاي­ىپجانوۆ, كاسىپ­كەر ساكەن ءابدى­قاليەۆ, وزگە دە ازاماتتار سىي-سياپات جاسادى. ۇلت­تىق ات سپور­تىن جاڭعىرتىپ, 5 كوماندادان تۇراتىن كوكپارشىلار اراسىندا سايىس وتكىزىپ, باعالى سىي­لىقتار تاپسىردى. الماتىدان ارنايى كەل­گەن «باۋىرجان-شوۋ­دىڭ» ءار­تىس­تەرى ونەر كورسەتىپ, جي­ىلعان جۇرتتى ءبىر سەرپىلتىپ تاس­تادى. سول سەكىلدى ەركىن كۇرەستەن قازاقستان چەمپيونى, 10-سىنىپ وقۋشىسى ۇلبولسىن قوجابەردىنىڭ تاياۋدا تۇركيادا وتەتىن الەمدىك جارىسقا العان جولداماسىنىڭ جول شى­عى­نىن اۋىلدان شىققان, ەلىمىزدىڭ ءار وڭىرىندە تۇرىپ جاتقان سان ءتۇرلى سالا ماماندارى كوتەرىپ, قوماقتى قارجىنى اقجول تىلەپ ونىڭ قولىنا تاپسىردى. سۇلەيمەن مامەت. الماتى وبلىسى, ەڭبەكشىقازاق اۋدانى.