«د.قوناەۆ, ماڭگىلىك ەل كوشەلەرىندە كولىك كەپتەلىسىن ازايتۋ ماسەلەسىنە توقتالاتىن بولساق, بيىل ەكسپو باستالعانعا دەيىن 24 جانە 26-ءشى كوشەلەردىڭ قۇرىلىسىن اياقتايمىز, 31-ءشى كوشە سوڭىنا دەيىن اشىلادى. بۇدان بولەك, اعىمداعى جىلى ۇلى دالا ۇلكەن ماگيسترالىنىڭ قۇرىلىسىن باستادىق, بۇل جول ەكسپو اۋدانى مەن جاڭا تەمىرجول ۆوكزالى ارالىعىن قوسادى», – دەدى س.حوروشۋن.
ءوز كەزەگىندە دەپۋتات راشيد احمەتوۆ سول جاعالاۋداعى ماڭگىلىك ەل, د. قوناەۆ جانە دوستىق كوشەلەرىندەگى كولىك اعىنىن دۇرىس رەتتەۋگە قاتىستى قانداي شارالار قابىلداناتىنىن سۇرادى.
«اتالعان كوشە قيىلىستارى بويىنشا ءبىز ەكى نۇسقانى پىسىقتاپ جاتىرمىز. ياعني, كولىك كەپتەلىسىن ازايتۋ ءۇشىن جول ايىرىعىن سالۋ ەسكەرىلۋدە. بۇل جول ايىرىعىن جەر ۇستىندە نەمەسە جەر استىندا سالۋ ماسەلەسىن قاراستىرىپ جاتىرمىز», – دەپ ناقتىلادى اكىم ورىنباسارى.
ونىڭ ايتۋىنشا, 29 مامىردا اقىلى كولىك تۇراقتارى بويىنشا قاناتقاقتى جوبا اياسىندا 400 ورىن اشىلادى. سونداي-اق قازان ايىندا قالا اۋماعىندا تاعى 9 مىڭ ورىن اقىلى تۇراققا كوشەدى.
بۇعان قوسا, اكىمنىڭ ءبىرىنشى ورىنباسارى كوشەدە كولىك سانىن ازايتۋ ماقساتىندا ازاماتتاردىڭ جۇمىس كەستەسىن وزگەرتۋ جوسپارى ازىرلەنىپ جاتقاندىعىن اتاپ ءوتتى.
«2-3 اپتادا تۇرعىنداردىڭ بارشا ساناتتارى ءۇشىن جۇمىستى باستاۋ كەستەسىن وزگەرتۋ بويىنشا شەشىم قابىلدايمىز. اتاپ ايتقاندا, قالا تۇرعىندارى ساعات 8-9 كەزىندە ءبىر ۋاقىتتا جۇمىستارىنا شىقپاس ءۇشىن, جۇمىستىڭ باستالۋ ۋاقىتىن وزگەرتپەكپىز», – دەپ تۇيىندەدى ول.
