كەلىسىم 2015 جىلعى 25 قاراشادا ىستانبۇلدا جاسالعان.
باس كەلىسىمنىڭ ماقساتى يىۇ-عا مۇشە ەلدەردىڭ اراسىنداعى ساۋدا-ەكونوميكالىق جانە عىلىمي ىنتىماقتاستىقتى جۇزەگە اسىرۋ قاعيداتتارىن قۇقىقتىق بەكىتۋ بولىپ تابىلادى.
قازاقستان رەسپۋبليكاسىنىڭ قولدانىستاعى زاڭناماسىنىڭ ەرەجەلەرىنە قايشىلىقتاردى بولدىرماۋ ءجانە تاۋەلسىز مەملەكەتتەر دوستاستىعىنىڭ, كەدەن وداعىنىڭ جانە ەۋرازيالىق ەكونوميكالىق وداقتىڭ ەركىن ساۋدا اۋماعى شەڭبەرىندەگى قازاقستاننىڭ حالىقارالىق مىندەتتەمەلەرىنىڭ بولۋى ءمۇمكىن كولليزيالارىن بولدىرماۋ ماقساتىندا قازاقستان رەسپۋبليكاسى باس كەلىسىمگە ءمالىمدەمەمەن ءجانە ەسكەرتپەلەرمەن قول قويدى.
باس كەلىسىم حالىقتاردىڭ يگىلىگى مەن وركەندەۋىن ورناتۋعا باعىتتالعان ورتاق ءمۇددەلەرگە قول جەتكىزۋ ءۇشىن قازاقستان مەن يىۇ-عا مۇشە ەلدەردىڭ بىرلەسكەن كۇش-ءجىگەرىن شوعىرلاندىرۋعا ءمۇمكىندىك بەرەدى, دەپ حابارلادى پارلامەنت سەناتىنىڭ باسپاسوز قىزمەتى.
