پرەزيدەنت ءوزىنىڭ «بولاشاققا باعدار: رۋحاني جاڭعىرۋ» اتتى ءمان-ماڭىزى جوعارى ماقالاسىندا جاھاندىق باسەكەلەستىكتە ءبىلىمنىڭ ماڭىزدى ەكەنىنە دە باسا نازار اۋدارعان. سوندىقتان دا قازاقستاندىقتار «جۇمىس كۇتۋ» جانە «ءتيىمدى ۇسىنىس توسۋ» سياقتى بۇرىنعى, ەسكىرگەن ۇستانىمنان ارىلىپ, ءبىلىمىن تەرەڭدەتۋ ارقىلى بيىك تابىستارعا وزدىگىنەن قول جەتكىزۋى كەرەك.
قازىرگى تەحنولوگيالار ەڭبەك نارىعىنان بۇرىن تالاپ ەتىلگەن ماماندىقتاردى ىعىستىرىپ شىعارۋدا. ماسەلەن, ءتۇرلى دەڭگەيدەگى وپەراتورلار ۇمىتىلۋعا اينالدى. ولاردى كومپيۋتەرلىك باعدارلامالار ءتيىمدىلىكپەن اۋىستىرۋدا. ءبىز ءوزىمىزدىڭ ومىرىمىزدەن «حاتشى-ماشينيستكا», «كينومەحانيك», «تبك باقىلاۋشىسى» جانە ت.ب. سياقتى ماماندىقتاردىڭ ۇمىتىلعانىنا ونشاقتى جىل بولعانىن دا سەزبەي قالىپپىز.
ءتىپتى, «ەڭبەك» دەگەن ءسوزدىڭ ءوزى «كاسىبي ارەكەت» دەگەن تۇراقتى ءتىركەسپەن اۋىستىرىلىپ كەتتى. ال جالدانىپ جۇمىس ىستەۋ نەمەسە بيزنەس جاساۋ قازىر مونو بىلىكتىلىكتەن پولي بىلىكتىلىك سالاسىنا اۋىسىپ بارادى.
ەڭبەك نارىعىندا ءوزىنىڭ كاسىبي بىلىكتىلىگىن ۇنەمى ارتتىراتىن, ىسكەرلىك قاۋمەتىن دامىتاتىن, ءبىلىمىن جاڭعىرتاتىن ماماندارعا عانا سۇرانىس بولادى. پرەزيدەنتتىڭ ۇسىنىستارىن قولداي وتىرىپ مەن دە وتانداستارىمدى ماماندىق تاڭداۋ سالاسىندا بەلسەندىلىگىن ارتتىرۋعا, كاسىبي بىلىگى مەن ءبىلىمىن جاڭعىرتۋعا شاقىرامىن. قازىر بىزگە ۇتقىرلىق, بەلسەندىلىك جانە جەكە جاۋاپكەرشىلىك كاتەگوريالارىمەن ويلاۋ كەرەك, سوندا عانا ءبىز پايدالى بولىپ, كاسىبي تۇرعىدان سۇرانىسقا يە بولامىز.
يرينا ۋنجاكوۆا,
پارلامەنت ءماجىلىسىنىڭ دەپۋتاتى
