ەلباسى ۇسىنعان «100 جاڭا وقۋلىق», «تۋعان جەر», «قازاقستانداعى 100 جاڭا ەسىم» جانە باسقا دا زور كولەمدى جوبالار ۇلتتىق سانانى جاڭا ساتىعا كوتەرەتىنىنە ءبىز سەنىمدىمىز. سان ۇلتتىڭ وكىلدەرى باس قوسقان سەسسيا ءسوز جوق, ءبىزدىڭ مەملەكەتىمىزدىڭ قۋاتى بىرلىكتە, ءوزارا سىيلاستىقتا ەكەنىن تاعى ءبىر جاقسى كورسەتىپ ءوتتى.
شىندىعىندا, رۋحاني جاڭعىرۋ تەك بۇگىن باستالعان جۇمىس ەمەس ەدى. بىزدە تاۋەلسىزدىك كەزەڭىندە بۇل باعىتتا بىرنەشە اۋقىمدى ءىس-شارالار اتقارىلدى. ءبۇگىندە الەم بويىنشا 9-ورىندى يەلەنگەن ۇلان-اسىر جەردى ۇرپاققا اماناتتاعان جاۋىنگەرلىك جانە ەرلىك رۋحىمەن قاتار, قازاق دالاسى ەجەلدەن قوناقجايلىلىق, دانالىق, پاراسات پەن تاتۋلىقتىڭ جوعارى دارەجەسىن كورسەتتى. تاعدىر جازۋىمەن ءبىزدىڭ اتالارىمىز وسى قاسيەتتى جەردە وشاق قۇردى. ال بۇگىن ءبىز ءبىر تۋدىڭ استىنداعى ءبىرتۇتاس قازاقستان ازاماتتارى ەكەنىمىزدى ماقتانىشپەن ايتامىز.
ماسەلەن, 2003 جىلى 15 قازاندا قاراعاندىدا وبلىستىق ليتۆا «ليتۋانيكا» ۇيىمى قۇرىلدى. مۇنىڭ ءوزى سول ۋاقىتتا رۋحاني جاڭعىرۋعا العاشقى قادامدار بولاتىن. ال وبلىس ورتالىعىندا دوستىق ءۇيى اشىلعالى ول ءمۇمكىندىكتەرىمىز ارتا ءتۇستى. بۇرىندارى تەك ءىس-شارالاردا باس قوساتىن بولساق, بۇگىندە دوستىق ءۇيى وبلىسىمىزداعى ءتۇرلى ۇلت وكىلدەرىنىڭ مادەني توعىسىپ, تولىسۋىنا ىقپال ەتۋدە. سونداي-اق, دوستىق ءۇيىندە اشىلعان مەدياتسيا مەن حالىق شىعارماشىلىعىنا ارنالعان ارنايى كابينەتتەر ءناتيجەلى جۇمىس جاساۋىمىزعا جول اشتى. وسى جۇمىستاردىڭ وزىق ۇلگىسىندەي, «ءبىزدىڭ كوز الدىمىزدا بولىپ جاتقان ۇلى وزگەرىستەر – ءارى تاريحي ءساتتى قادامدار ءار قازاقستاندىققا بەرىلگەن مۇمكىندىك».
بارلىق وتانداستارىمدى الدا كەلە جاتقان دوستىق مەرەكەسى – قازاقستان حالقىنىڭ بىرلىگى كۇنىمەن شىن جۇرەكتەن قۇتتىقتايمىن!
ۆيتالي يونو تۆاريوناس,
قازاقستان حالقى اسسامبلەياسى كەڭەسىنىڭ مۇشەسى, وبلىستىق ليتۆا ەتنومادەني بىرلەستىگىنىڭ توراعاسى
قاراعاندى
