«مەكتەپتى اشقانداعى ماقساتىمىز – اۋىل جاستارىن, وسىنداعى قارا دومالاقتاردى ات سپورتىنا باۋلۋ. اۋىلدىڭ بارلىق بالالارىنا قاي ۋاقىتتا كەلەمىز دەسە دە, ەسىگىمىز اشىق. «اتقا مىنگەن قازاقتىڭ كەۋدەسىن ەشكىم باسا المايدى» دەگەندەي, سوڭىمىزدان ەرگەن ءىنى-قارىنداستارىمىز جاستايىنان جىلقىعا ءۇيىر بولىپ وسسە, دەنەلەرى شىمىر عانا ەمەس, سانالارى دا سەرگەك بولادى», دەگەن بولات قويباعاروۆ اۋىلداعى تاقىمى بەرىك, شاباندوز بالالارعا اقشا تولەنەتىنىن دە ايتىپ قالدى.
سونداي شاباندوزدىڭ ءبىرى − 8-سىنىپتا وقيتىن سەرىكبول قابىلبەك ۇلى. «ەكى جىلدان بەرى اتقا شاۋىپ كەلەمىن. باپكەرىم بار. اتقا شاپقانىم ءۇشىن ايىنا 20 مىڭ تەڭگە تولەيدى. جۇلدەسىن دە سىيعا بەرىپ جاتادى», دەيدى مەكتەپتە وقىسا دا, تابىس تاۋىپ جۇرگەن بالعىن شاباندوز.
بۇگىندە سپورت مەكتەبىندە 14 ات بار. بارلىعى دا اسىل تۇقىمدى, تازا قاندى جىلقىلار. ونىڭ كەيبىرىن سوناۋ كاۆكازدان, كەيبىرەۋىن الماتىدان ارنايى الدىرىپتى. اراسىندا الاماننىڭ الدىن بەرمەي جۇرگەندەرى دە بار. ات سپورتى مەكتەبىنىڭ ديرەكتورى بولات قويباعاروۆ كەلەشەكتە يپپوتەراپيا ورتالىعىن اشۋدى جوسپارلاپ وتىرعاندارىن جەتكىزدى.
ازامات قاسىم,
«ەگەمەن قازاقستان»
شىعىس قازاقستان وبلىسى,
تارباعاتاي اۋدانى
سۋرەتتى تۇسىرگەن اۆتور
