بيىلعى جىلدىڭ باسىندا پرەزيدەنتتىڭ ەل حالقىنا ارناعان ۇندەۋى مەن جولداۋى ۇلكەن قىزىعۋشىلىق تۋدىرعان بولاتىن. كونستيتۋتسياعا وزگەرىستەر مەن تولىقتىرۋلار ەنگىزۋ ماسەلەسى, ەلباسىنىڭ جولداۋى جۇرتشىلىق تاراپىنان قىزۋ تالقىلاندى. مەنىڭ پايىمداۋىمشا, بۇگىندە مەملەكەت باسشىسىنىڭ «بولاشاققا باعدار: رۋحاني جاڭعىرۋ» اتتى كولەمدى باعدارلامالىق ماقالاسى دا قوعامنىڭ ۇلكەن قىزىعۋشىلىعىن تۋدىرىپ, پىكىرتالاستارعا ارقاۋ بولۋدا.
وسى ماسەلەگە قاتىستى ءوز ۇستانىمدى بىلدىرە وتىرىپ, پرەزيدەنتىمىز كوتەرگەن بىرەگەي باستاما الداعى ۋاقىتتا باسەكەگە قابىلەتتى جاڭا بۋىننىڭ قالىپتاسۋىنا ىقپالىن تيگىزەدى دەپ سانايمىن.
بۇگىنگى تاڭدا مەملەكەت تاراپىنان جاستاردىڭ جان-جاقتى دامۋىنا تولىق جاعداي جاسالىپ وتىر دەپ ايتا الامىن. جاستار بولاشاقتا ەلدى بيىك بەلەستەرگە باستاپ, ەلىمىزدىڭ حالىقارالىق ارەناداعى ورنىن نىعايتا بەرەتىنى ءسوزسىز.
پرەزيدەنتتىڭ باستاماسىن قولداي وتىرىپ, قازاقستانداعى نەمىس جاستارىنىڭ اتىنان مەملەكەتتىك ءتىلدىڭ لاتىن الىپبيىنە كوشۋىن قولدايتىنىمىزدى ايتقىم كەلەدى. مەنىڭ پىكىرىمشە, بۇل وزگەرىس شەتەلدىكتەردىڭ مەملەكەتتىك ءتىلىمىزدى ۇيرەنۋگە دەگەن قۇلشىنىسىن ارتتىرادى, سەبەبى لاتىن ءالىپبيى ارقىلى ولارعا قازاق ءتىلىن ءتۇسىنۋ وڭاي بولادى. قازىرگى جاستار اعىلشىن, نەمىس, فرانتسۋز جانە باسقا دا شەت تىلدەرىن ەركىن مەڭگەرگەنىن ەسكەرسەك, قازىرگى كيريلل الىپبيىنەن لاتىن الىپبيىنە ءوتۋ قيىندىق تۋدىرمايدى. جاستار العا قويىلعان جاھاندىق مىندەتتەردى ىسكە اسىرۋعا اتسالىسۋى ءتيىس دەپ سانايمىن.
ارتۋر بارتەل,
قازاقستانداعى نەمىس جاستارى وداعىنىڭ توراعاسى
