بۇل شاراعا «نۇر وتان» پارتياسى جانىنداعى ساياسي تالداۋ جانە ستراتەگيالىق زەرتتەۋلەر ورتالىعى مۇرىندىق بولدى. جيىنعا قاتىسقان مادەنيەتتانۋشىلار, ۇلتتىق كود – تىلدە, ءداستۇرىمىز بەن سالتىمىزدا دەپ ەسەپتەيدى. «ۇلتتىق رۋحانيات ءۇشىن كۇرەس قازاق حالقىنىڭ بولمىسىندا بار جانە ول ۇلتپەن بىرگە جاساي بەرمەك. ۇلتتىق سانانى دامىتۋ جايىن ەلباسى ۇلكەن ماسەلە ەتىپ كوتەردى. جانە ول كەز كەلگەن قاۋىپ-قاتەرگە توتەپ بەرەتىندەي بولۋى كەرەك», دەيدى جيىنعا قاتىسۋشىلار.
«ساراپشىلار پرەزيدەنتتىڭ رۋحاني جاڭعىرۋعا قاتىستى ايتقان سىندارلى يدەيا-
لارىن قىزۋ تالقىلاپ جاتىر. سەبەبى, بۇل وتە ماڭىزدى تاقىرىپ ەكەنى كوڭىلگە ەرەكشە دەم بەرەدى. ۋاقىتتىڭ تالابىنا قاراي جاڭا شەشىمدەرگە جول اشاتىن ۇسىنىستارمەن تولىسۋى كەرەك. ەلباسىنىڭ ۇلت رۋحانياتىن ساقتاپ قالۋعا بايلانىستى قويعان مىندەتتەرى ۋاقىتىندا قابىلدانعان شەشىم دەپ سانايمىن», دەدى «نۇر وتان» پارتياسىنىڭ حاتشىسى فارحاد قۋانعانوۆ.
وسى ايتىلعان وي-پىكىرلەر ەلدىككە دەگەن ەرەن ىقىلاستى بىلدىرگەندەي.
ساپارباي پارمانقۇلوۆ,
«ەگەمەن قازاقستان»
الماتى
